Romanɛ 5:6 - Nyangbo New Testament

⁶ Nɛ kibe gbangbã mɛ gɛ kibui bhɛbhɛtɛ nanà gazã bɔlɔ ahɔɛɛ, Kristo ebetsí nɛ bagɛ betinyi Owusoso Akaa nɛ̀ ɛtakpu.

Romanɛ 5:6 Referans Kwoze

Romanɛ 5:8

Pɔ Owusoso Akaa ebu kɛdɛmɛ gɛ adɛmɛ nɛ̀ ɔlɔ akasɛ nɛidzo ɛlɛ nabha asɛ, gɛ buwlui zã ɔlɔ ebui kpa bhɛbhɛtɛ abhaa, Kristo etsí nɛ ɔlɔ ɛtakpu.

Koloseanɛ 2:13

Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Romanɛ 4:5

Anɔ teliɛ anɛ kɛxɔ̃ɛ wɔawɔa mɛ yɛagã, pɔ ayɛkɛ Owusoso Akaa gɛ abhɛtɛ ɛtakpu mɛ gagalĩelete yɛedzi anɔ gbangbã nabha aŋãa, yɛtɛyɛyɛkɛŋãa tɛkɔ ɔsɛ tɛ edzi anɔ gbangbã.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Timoteo 1 1:9

Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,

Tesalonikanɛ 1 5:9

Ɔmɔsɛ Owusoso Akaa egi bu ɔlɔ asɛ tɛ bɔtɔ nɛ ɔmɔpɔɛ esi, pɔ tɛ bɔyɛkɛ tibubu ɔgana Apalete Yesu Kristo abha.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Yuda 1:15

tɛ̀ ebekulu kebhu nɛ̀ aka nyia aka, tɛ̀ bebù bagɛ etinyi Owusoso Akaa petee ɛpɔ nɛ̀ ubui kpa petee gɛ babhɛtɛ nɛ gɛ betinyi Owusoso Akaa so, nɛ̀ kaɖɔ kpa gɛ ebui kpa bhɛbhɛtɛ̀ elete gɛ beti esì Owusoso Akaa ifùɔ aɖɔ nɛ yɛishuɔ.”

Petro 2 3:7

Ganà kibui ɛlɛ tinikpo mɛɛ, babàlɛ obo iwusosonɔ nɛ̀ kesiakpa elu akɔ kebhu kukulu iwui nabha ɔkɔ bagɛ etinyi Owusoso Akaa balɛ tiyiyí.

Romanɛ 11:26

Klisoɔ, babà yɛkɛ akɔ Israel pete, ɔmɔ asɛ kɛfɔ̀nɔ gɛ bafɔnɔ kibuiɛ elu asɛ, “Anunɔ gɛebebu banunɔ ebede Zion, ebebu kɛtakpu makpɛ makpɛ ɔkɔ Owusoso Akaa eyinɔ nɛ Yakob yɛɔpã mɛ.

Yuda 1:18

Betseɖe wɔnɔ asɛ, “Nɛ ewui gɔgɔɛ nɔ mɛɛ, bagɛ amɔ̃ɛ anɔ ababa, banɔ gɛ abazã alɛ mayɛkɛ mayɛkɛŋã edzoɔ niede.”

Romanɛ 5:7

Abagagalĩ ɔsɛ tɛ anɔ teli etsí nɛ anɔ gbangbã ɛtakpu, pɔ nɛ eyamɛ gbangbãelete teli itakpu xɔnɔɔ, anɔ teli abadɛmɛ asɛ tɛ etsí.

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.