Romanɛ 5:18 - Nyangbo New Testament

¹⁸ Gɛ gana anɔ tenikpo yɛesi tatá ɛtakpu so bebu banunɔ petee ɛpɔɔ, kidzo ɛlɛ nabhaa, gana anɔ tenikpo yɛibui gbangbã bhɛbhɛtɛ ɛtakpu soɔ, bebu bɔtsyɔa akɔ banunɔ nyɔ̃ɔ.

Romanɛ 5:18 Referans Kwoze

Korintoanɛ 1 15:22

Asɛ kana gɛ denɔ Adam mɛ bɔlɔ nyɔ̃ɔ tsiɛɛ, kidzo ɛlɛ nabha gana Kristo abha banɔ nɔ nyɔ̃ɔ tsyɛ bamɔ ɛkpã.

Romanɛ 5:12

Kliso asɛ gana anɔ tenikpo abha pɛ kibui kpa ku kanɔ nɔ̀ nyɔ̃ɔ mɛ, kɛlɛ gana kibui kpa bhɛbhɛtɛ mɛ butsí ba banɔ nyɔ̃ɔ abha, ɔmɔsɛ balɛ nyɔ̃ɔ abhɛtɛ ibui kpa-

Romanɛ 5:15

Pɔ kɛdɔ̃ kɔkɔ ɛlɛ gã ɔtɔ nɛ Adam esitata shu. Onupɛ banɔ gelee betsí aganà anɔ tenikpo alɛ gɛ ata esi soɔ, kiɖeso pɛ Owusoso Akaa yɛtibhui bhuibu nɛ̀ kɛdɔ̃ kɔkɔ gikoeyi odenɔ tibhui bhuibu odenɔ anyɛ tenikpo alɛ, gɛ enu Yesu Kristo, gɛ atsakɛ afala nɛ banunɔ nyɔ̃ɔ mɛ.

Romanɛ 5:19

Ɔmɔ asɛ gana anɔ tenikpo alɛ batɔ̃ malũ malu mɛɛ, banɔ petee edzi ebui kpa bhɛbhɛtɛeleteɛ, kidzo ɛlɛ nabha ke gana anɔ tenikpo alɛ batɔ̃ lulũ mɛɛ, babàbhɛtɛ banɔ gele tɛ bedzi banɔ gbangbã.

Banɔkpɛkpɛ Axɔ̃ɛ 13:39

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Hebrianɛ 2:9

Pɔ bɔmɔ Yesu, anunɔ gɛ bezhinɔ yɛesi ibɔɛ adɛ baxɔ̃ɛdɛɛ, otsi alɛ Owusoso Akaa akɔɛ ishu dadalɛ, pɛ akpɛ yɛinye nɛitití, ɔmɔsɛ yɛamɔ bɔtɔ pɛ etsí. Kɛlɛ nɛ Owusoso Akaa yɛ tibhui bhuibu nulũɔ, tɛ ètsí nɛ anɔ ka nyia ka yɛulũ.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Yohanes 1 2:20

Pɔ nɔmɔ bɔbɔ sasara odenɔ Anɔ Dadalɛ Ɔkɔ, kɛlɛ wɔnɔ petee onyi kibui gbã.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Romanɛ 3:25

Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Romanɛ 6:14

Tɛkɔ ɔsɛ kibui kpa dzi wɔapalete, ɔmɔsɛ ɔma ɔsha niesi, pɔ tibhui bhuibu esi wɔlɛ.