Romanɛ 5:14 - Nyangbo New Testament

¹⁴ Klisoɔ butsí zɛŋã ukusi odenɔ Adam ibe ɔmana Mose abha, gɛ bagɛta esi asɛ Adam yɛibui kpa bhɛbhɛtɛ ana tsyɛ flogo. Anunɔ gɛ yɛtɛzazã mɛ lɛ asɛ anunɔ gɛ ababaa.

Romanɛ 5:14 Referans Kwoze

Korintoanɛ 1 15:45

Asɛ gɛ bafɔnɔ elu asɛ, “anyɛ gɛiputɔ gɛedzì adam abazã nɛkpã”, Adam gɔgɔɛ nɔ yɛedzì-ɔfɔfuĩa gɛ lɔkɔ ɛkpã.

Hebrianɛ 9:27

Asɛ ɛtɔɖɔ gɛ batɔɖɔ akɔ anɔdzyrame asɛ tɛ etsí titsitsí tinikpo, kɛlɛ nɛ ɛlɛ niedeɛ, bebèkulu ebhu nii,

Romanɛ 5:17

Onupɛ gana anɔ tenikpo alɛ esi tatá mɛ butsí ŋã bukusi ɔgana yɛtakpuɔ, kɛlɛ́ kɛbazã ɔkɔ bagɛ ayɛkɛ Owusoso Akaa tibhui bhuibu gelee nɔ nɛ̀ ɛlɛ ɔdɔ̃ kɔkɔ ginu ishu dadalɛ ɛkpã ukusi ŋaŋã ɔgana anɔ tenikpo alɛ gɛenu Yesu Kristoɔ abha dza?

Romanɛ 8:22

Nɛ kibe ɛlɛ mɛɛ, bunyi sɛ kanɔ mɛ bɔdɔ̃ petee nimi asɛ kɛtã gɛ ɛya tã ayamunɔ ana ɔlɔkɔ mana oboewui nabha.

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 8:20

Ɔmɔsɛ bebu Owusoso Akaa kanɔ mɛɔdɔ̃ gɛ ebuɔ nɛ pɔ asɛ, bɔma kɛnanà mɛ, gɛ anɛ yɛtɛtɔtɔɖɔ kinu, Owusoso Akaa yɛapɛ asɛ kɛzã ana, nɛ awɔ̃ lulu asɛ kɛbàba ɛlɛ mɛ,

Romanɛ 5:12

Kliso asɛ gana anɔ tenikpo abha pɛ kibui kpa ku kanɔ nɔ̀ nyɔ̃ɔ mɛ, kɛlɛ gana kibui kpa bhɛbhɛtɛ mɛ butsí ba banɔ nyɔ̃ɔ abha, ɔmɔsɛ balɛ nyɔ̃ɔ abhɛtɛ ibui kpa-

Korintoanɛ 1 15:22

Asɛ kana gɛ denɔ Adam mɛ bɔlɔ nyɔ̃ɔ tsiɛɛ, kidzo ɛlɛ nabha gana Kristo abha banɔ nɔ nyɔ̃ɔ tsyɛ bamɔ ɛkpã.