Romanɛ 5:1 - Nyangbo New Testament

¹ Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Romanɛ 5:1 Referans Kwoze

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Koloseanɛ 1:20

kɛlɛ ɔganà yɛabha tɛ̀ abhɛtɛ̀ yɛishu tenikpo nɛ̀ bɔdɔ̃ petee, edzì asɛ kesiakpa abha ɔdɔ̃ alo kititi ɔyɛ tsyɛ elo, tɛ̀ abhɛtɛ tenikpo ɔganà yɛ dzyosu nɔ gɛ babalɛ̀ nɛ butsi osiɛ shuɔ mɛ.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Tesalonikanɛ 2 3:16

Nɔkɔ ishu yɔyɔ Apaleteɛ, akɔ wɔnɔ ishu yɔyɔ kibe nyia be nɛidzo ka nyia ka abha. Apaleteɛ azã aplɛnɔ wɔnɔ petee.

Romanɛ 4:5

Anɔ teliɛ anɛ kɛxɔ̃ɛ wɔawɔa mɛ yɛagã, pɔ ayɛkɛ Owusoso Akaa gɛ abhɛtɛ ɛtakpu mɛ gagalĩelete yɛedzi anɔ gbangbã nabha aŋãa, yɛtɛyɛyɛkɛŋãa tɛkɔ ɔsɛ tɛ edzi anɔ gbangbã.

Koloseanɛ 3:15

Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Romanɛ 15:33

Owusoso Akaa gɛ yɛakɔ ishu yɔyɔ azãplɛnɔ wɔnɔ petee. Amen.

Banɔkpɛkpɛ Axɔ̃ɛ 10:36

Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Romanɛ 5:18

Gɛ gana anɔ tenikpo yɛesi tatá ɛtakpu so bebu banunɔ petee ɛpɔɔ, kidzo ɛlɛ nabhaa, gana anɔ tenikpo yɛibui gbangbã bhɛbhɛtɛ ɛtakpu soɔ, bebu bɔtsyɔa akɔ banunɔ nyɔ̃ɔ.

Romanɛ 1:7

Wɔnɔ banɔ dadalɛ pete nɛ Roma gɛ bekulu, pɛ Owusoso Akaa adɛmɛ nɔɔ, Tibhui bhuibu nɛ̀ ishuyɔyɔ odenɔ bɔlɔ Owusoso Akaa nɛ̀ Apalete Yesu Kristo ɔkɔ kɔ wɔnɔ.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Romanɛ 10:10

Ɔmɔsɛ wɔɛtúɔ wɔlɔkɔ ɔyɛkɛ ɔŋã nɔ, pɛ bamɔ ɔsɛ onu anɔ gbangbã, kɛlɛ olugbũ wɔlɔkɔ ɔdalɛ ebui mɛ nɔ pɛ bayɛkɛ wɔ elu nɛ ɛkpã.

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Romanɛ 1:17

Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Hebrianɛ 13:20

Tɛ ishu yɔyɔeleteɛ gɛenu Owusoso Akaa, anunɔ gɛ gana olugbũ nyanyã tihɔɔ dzyosu alɛ mɛ, pɛ akɔ Apalete Yesu alɔ ede bekpu mɛ, gɛ yɛenu Ibhoshi agbagbanaelete gbagblaa,

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Galatianɛ 3:25

Otsiɛ alɛ gɛ tɛyɛyɛkɛŋã bakoeyiɛ, bɔbha ma ɔshaa ɔlɛ anɔ abha ɖiɖi esi.

Romanɛ 10:15

Kɛlɛ́ babalà ibuiɛ aɖɔ onupɛ bagɛ kpɛ ananà nɔɔ dza? Asɛ kɛfɔ̀nɔ gɛ bafɔnɔ elu asɛ, “Bagɛ bamana Owusoso Akaa ibui gbangbãa, bagbã ɔtsɛɖɛ gbangbã!”

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Romanɛ 5:11

Anɛ kɛlɛ ete ko, pɔ bɔmɔ same tsyɛ nɛ Owusoso Akaa mɛ ɔgana bɔlɔ Apalete Yesu Kristo abha, anunɔ gɛ yɛabhaa bɔgã, pɛ bɔmɔ tenikpo bhɛbhɛtɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,