Romanɛ 4:25 - Nyangbo New Testament

²⁵ Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Romanɛ 4:25 Referans Kwoze

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Korintoanɛ 1 15:17

Kɛlɛ onupɛ begi feke Kristoɔ denɔ bekpuɔ mɛɛ, wɔ tɛyɛyɛkɛŋã ma kɛnanà mɛ, nɔkɔ kpasɛ wɔnɔ ebui kpa bhɛbhɛtɛ mɛ.

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Romanɛ 5:18

Gɛ gana anɔ tenikpo yɛesi tatá ɛtakpu so bebu banunɔ petee ɛpɔɔ, kidzo ɛlɛ nabhaa, gana anɔ tenikpo yɛibui gbangbã bhɛbhɛtɛ ɛtakpu soɔ, bebu bɔtsyɔa akɔ banunɔ nyɔ̃ɔ.

Romanɛ 3:25

Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Korintoanɛ 2 5:15

Kɛlɛ etsí akɔ bɔlɔ petee, sɛ tɛ bagɛ alɛ nɛkpã atakazã nɛkpã akɔ balɛishu pɔ tɛ̀ bàzã nɛkpã akɔ agɛ yɛetsí nɛ balɛ kɛtakpuɔ pɛ beze feke yɛ edenɔ bekpuɔ mɛ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.