Romanɛ 4:17 - Nyangbo New Testament

¹⁷ Asɛ kɛfɔ̀nɔ gɛ bafɔnɔ ɛlɛ elu asɛ, “Ɛbhɛtɛ wɔ sɛ tɛ odzi Akaa ɔkɔ ɛmadi gelee.” Yɛenu bɔlɔ Akaa nɛ Owusoso Akaa namɛ, anunɔ abha gɛ ayɛkɛ aŋã. Owusoso Akaa gɛ akɔ bekpu bamɛ ɛkpã, kɛlɛ ekulu bɔdɔ̃ gɛgɛ̀zã kuku ibeɛ amana otsiɛ.

Romanɛ 4:17 Referans Kwoze

Korintoanɛ 1 1:28

Alɔkɔ bɔdɔ̃ gɛmã kɛnanà mɛ nɛ kanɔ alɛ mɛ pɛ banɔ etie ɖi akpɛ kɛnanà mɛ, nɛ̀ ebuiɛ gɛ legi yi kɛdɔ̃ nanàa, ebù ebuiɛ gɛalɛ eyinɔ,

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Hebrianɛ 11:12

Kliso denɔ Abraham tenikpo alɛ gɛ asɛ etsí ebeke mɛɛ, yɛeyi mɔmɔ́ alɛ ebékpè asɛ awɔ̃ɛ nɛititíɛ kɛlɛ asɛ ayisɛ nɛ aƒutɔ̃, gɛ lama tɛkaklà mɛ ana.

Romanɛ 3:29

Owusoso Akaa pɔ, Yudanɛ ayɛ ete ko yɛenu dza? Anɛ bagɛ betinu Yudanɛ tsyɛ ayɛ yɛenuɔ dza? Ee, bagɛ betinu Yudanɛ tsyɛ ayɛ yɛenu.

Petro 2 3:8

Mɛ ɔbhia alɛ gɛ ɛdɛmɛ nɔ, pɔ nɔtɛ̀ dzɛkɛ kibui tinikpo ɛlɛ ɔsɛ̀, “Nɛ apaleteɛ namɛ, kiwui tinikpo dzì asɛ agɔ ihotu, kɛlɛ agɔ ihotu tsyɛ dzì asɛ kiwui tinikpo ana.

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Timoteo 1 6:13

Nɛ Owusoso Akaa namɛɛ, anɔ gɛ yɛakɔ kɛdɔ̃ ka nyia ka ɛkpã, nɛ̀ Kristo Yesu, anɔ gɛ nɛ kibeɛ gɛ adalɛ kibuiɛ mɛ nɛ Pontio Pilatoɔ amɛ, adalɛ kibui mɛ piapii, gɛ kɛlɛ mɛlɔkɔ kpɛ wɔahɔɛ

Romanɛ 9:26

Kɛlɛ, “Kɛbàba ɛlɛ mɛ ɔsɛ ɛkɛlɛ tututu gɛ baɖɔ etseɖe balɛ asɛ, ‘Gɛnɛ mɛanɔ nonu,’ bebekulu balɛ asɛ, ‘Owusoso Akaa enunuɔ yɛeyi alɛ.’ ”

Korintoanɛ 1 15:45

Asɛ gɛ bafɔnɔ elu asɛ, “anyɛ gɛiputɔ gɛedzì adam abazã nɛkpã”, Adam gɔgɔɛ nɔ yɛedzì-ɔfɔfuĩa gɛ lɔkɔ ɛkpã.

Romanɛ 4:2

Onupɛ kɛgbã, balɔkɔ Abraham asɛ enu anɔ gbangbã nɛ yɛaxɔ̃ɛ wɔawɔa lũ soɔ, kɛlɛ kɛdɔ̃ tili zã yɛahɔɛ gɛ kɛlɛishu yɛalɔkɔ etũ kitelũ nɔ, pɔ anɛ nɛ Owusoso Akaa yɛamɛ.

Banɔkpɛkpɛ Axɔ̃ɛ 15:18

ebui gɛ benyi edenɔ kibè tili ke.

Romanɛ 4:18

Gɛ tɛtɔtɔɖɔ kɔɛ ɛlɛ gɛzɛba kɛlɛ mɛ tsyɛ elo, Abraham akpɛemi ayɛkɛ aŋã, kɛlɛ kɔ ɔsɛ ebedzi Akaa ɔkɔ amadi gelee, asɛ kitseɖeɛ gɛ betseɖe yɛasɛ, “Kana wɔeyi mɔmɔ alɛ abazãa.”

Romanɛ 9:11

Pɔ flogo tɛ baba mɔ́ taabhaeyiɛ alo pɛ babhɛtɛ kibui gbangbã tili alo kɛkpa, sɛ tɛ Owusoso Akaa ɛtakpu mɛ tɔtɔɖɔ lu nɛ yɛanɔ bubuɔ shu vɛ ɛlɛ abhaa,

Hebrianɛ 11:3

Denɔ tɛyɛyɛkɛŋã mɛɛ, bulũ kɛlɛ mɛ ɔsɛ, kibui Owusoso Akaa aɖɔ alɔkɔ abhɛtɛ kanɔ nɔ̀ mɛ nɔ̀. Kliso kɛgɛ bɔmɔ otsiɛ nɔ, babhɛtɛ ɛlɛ edenɔ kɛgɛ bɔtɛlà mɔ mɛ.