Romanɛ 4:16 - Nyangbo New Testament

¹⁶ Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

Romanɛ 4:16 Referans Kwoze

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Romanɛ 9:8

Nɛibui mɛ dadalɛ ulũɔ, anɛ beshui ka nyia ka balɛ enu Owusoso Akaa yɛeyi alɛ, pɔ beyiɛ gɛ Owusoso Akaa atɔɖɔ elu asɛ bedzi Abraham yɛeyi alɛ, balɛ enu yɛtsyɛ yɛeyimɔmɔ alɛ.

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Romanɛ 15:8

Ɛkɔ noti ɔsɛ Kristo ebedzi axɔ̃ɛdɛ akɔ Yudanɛ nɛ̀ Owusoso Akaa yɛibui gbangbã nɛinye mɛ, sɛ tɛ atɔɖɔ ɛklagbu nɛ kɛgɛ atɔɖɔ elu akɔ balɛ ashuĩ alɛ nabha,

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Romanɛ 4:11

Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Galatianɛ 3:14

Ebu ɔlɔ ɔsɛ tɛ tiyuyula gɛ balɔkɔ akɔ Abrahamuɔ ba bagɛ etinu Yudanɛ tsyɛ ɔkɔ ɔgana Kristo Yesu abha, ɔsɛ tɛ ɔgana tɛyɛyɛkɛŋã mɛɛ, bɔba yɛkɛ kɛgɛ Ɔfɔfuĩa nɔ tɔɖɔ lu kɔ ɔlɔ.

Galatianɛ 3:16

Baɖɔ ebuiɛ gɛ batɔɖɔ eluɔ etseɖe Abraham nɛ̀ yɛeshui alɛ. Kibuiɛ gɛ bafɔnɔ eluɔ gɛɖɔ ɔsɛ “ɔkɔ wɔ beshui alɛ” gɛ kɛlɛ esi kɛlɛinu ɔsɛ banɔ kpekpèɛ, pɔ kɛɖɔsɛ, “nɛ̀ wɔ eshui nɔ,” gɛ kɛlɛ esi ɔsɛ enu anɔ tenikpo, gɛenu Kristoɔ.