Romanɛ 4:11 - Nyangbo New Testament

¹¹ Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.

Romanɛ 4:11 Referans Kwoze

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Korintoanɛ 2 1:22

alɔkɔ adadã gɛ akasɛ asɛ yayɛ bunuɔ adã bɔlɔ ulũ nɔ, kɛlɛ alɔkɔ yɛ Ɔfɔfuĩa nɔ akpɛ bɔlɔ etúɔ mɛ̀ asɛ kɛdɔ̃ gɛ alɔkɔ atɔɖɔ kɛklagbu nɛ kɛgɛ baba nabha.

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Efesoanɛ 4:30

Kɛlɛ nɔtɛ kɔ Owusoso Akaa Ɔfɔfuĩa Gbangbã ɔmɔ̃ ɔwɔ̃nyɔnɔ, gɛ ɔlɛ balɔkɔ adã ɔnɔ ɔdɔ̃ elu nɔ, odiyinɔ kiwuiɛ gɛ bebè bu ɔnɔ.

Efesoanɛ 1:13

Kɛlɛ wɔnɔ tsyɛ ɔkpasɛ Kristoɔ nɛ kibeɛ gɛ nolũ kibuiɛ gɛinu kibui gbãa, kibui gbangbã gɛ yɛkɛ ɔnɔ lu nɛkpã. Gɛ nɔyɛkɛ ɔŋã soɔ, atsà kɛna ɔkɔ ɔnɔ elu pɛ balɔkɔ adadã edere ɔnɔ ulũ, nɛ̀ Ɔfɔfuĩa Gbangbã gɛ atɔɖɔ eluɔ akɔ ɔnɔ,

Galatianɛ 6:16

Ishu yɔyɔ nɛ̀ ashagabui ɖiɖi ɔkɔ bagɛ alɛ idzo vɔvɔ ɛlɛ niedeɛ, kɛlɛ sɛ Israelanɛ gɛenu Owusoso Akaa ayɛ tsyɛ azã ɔsha ɔlɛ niesi.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Galatianɛ 3:29

Onupɛ onu Kristo ayɛ, kɛlɛ onu Abraham yɛeshui, nɛ̀ kaŋãsi elete nɛ kɛgɛ batɔɖɔ elu nulũ.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Galatianɛ 3:7

Nɔolũ ɛlɛ esi ɔsɛ, bagɛ ayɛkɛ aŋã enu Abraham yɛeyi alɛ.

Romanɛ 10:11

Owusoso Akaa nɛibuiɛ ɖɔ ɔsɛ, “Anɔ ka nyia ka gɛ ayɛkɛ yɛabha aŋãa, kiwuĩ tɛbabà yɛabha oɖi ɖa.”

Romanɛ 10:6

Pɔ tɛzazã gbangbã ɔgana tɛyɛyɛkɛŋã mɛɛ, aɖɔ asɛ, “Tɛɔɖɔ nɛ wɔitúɔ mɛ ɔsɛ, ‘Afana gɛ ebewu avɛ ititíɛ?’ ” (gɛ kɛlɛ esi nu ɔsɛ, tɛ badɛ gbana Kristo amana)

Romanɛ 10:4

Kristo yɛtɛbaba ɔkɔ ɔsɛ ohumi obele nɛ ɔsha ahɔɛ, sɛ tɛ anɔ ka nyia ka gɛ ayɛkɛ aŋãa, tɛ amɔ tɛzazã gbangbã.

Kibui Bubú Kasɛ 9:4

Bagɛkɔ alɛidzo asɛ tɛ bezĩ tɛwɔa nanà, bɔdɔ̃eyi alo beesi nanà nɛ esiakpa nabha, pɔ bagɛ begitũ Owusoso Akaa ɛnyeɛ nɛ alɛ utuɔ ete.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Romanɛ 9:6

Anɛ gɛ Owusoso Akaa yɛibuiɛ gɛ wɔa ɛxɔ̃ɛ. Ɔmɔsɛ anɛ anɔ ka nyia ka gɛ ede Israelanɛ ishopoɔ mɛ balɛ enu Israelanɛ.

Romanɛ 3:26

Abhɛtɛ ana nɛ kibe ɛlɛ sɛ tɛ alɔkɔ akasɛ asɛ, enu anunɔ gɛ abhɛtɛ ibui nɛ ɛlɛ ɔzãkɔ. Kidzo ɛlɛ nabhaa, yɛalɔkɔ bagɛ ayɛkɛ Yesu abha aŋã tsyɛ asɛ benu banɔ gbangbã.

Romanɛ 9:33

Asɛ kibuiɛ gɛ bafɔnɔ elu asɛ, “Dio, ilu kɛklagbu gɛkɔ sɛ anɔ akpata pɛ adɔ oboeɛ nɛ Zion ɔxɔa gɛ lɔkɔ ɔsɛ banɔ bakpata tɛ badɔ oboe, anɔ gɛ elu awɔ̃ nɛ Owusoso Akaa nabhaa, batɛ bakpɛ yɛalɛ awuĩ.”

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Romanɛ 4:10

Ɛkpã ɖuwoe mɛ yɛazã flogo pɛ balɔkɔɛ asɛ edzi anɔ gbangbã? Kɛhɔ̃a bebhui akɔɛ flogo loo, pɛnɔsɛ gɛ bekebhui ɛlɛ akɔɛ nɛibeɛ dza? Anɛ kidegba ibe, pɔ kɛba kpɛ otugbà.