Romanɛ 4:1 - Nyangbo New Testament

¹ Otsiɛ nɔ pɔ, kiɖuwoe lu bɔbaɖɔ nɛ bɔlɔ ashuĩ Abraham shu ɔsɛ amɔ nɛ kibui ɛlɛ mɛ?

Romanɛ 4:1 Referans Kwoze

Romanɛ 4:16

Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

Korintoanɛ 2 11:22

Anɛ Yudaeyi benuɔ dza? Yudaeyi mɛtsyɛ inu. Anɛ Israelanɛ benuɔ dza? Israeleyi mɛtsyɛ inu. Anɛ Abraham yɛeshui alɛ benuɔ dza? Abraham Yɛeshui mɛtsyɛ inu.

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Romanɛ 7:7

Otsiɛ nɔ pɔ, kiɖuwoe lu bɔbaɖɔ? Kibui kpa ɔsha onu dza? Ao, kɛma ɛlɛ mɛ ana! Kibui gbã kinu ɔsɛ, ɛgɛ tatì kɛdɔ̃ nɔnɔ gɛ kibui kpa nu, pɔ gana ɔshaa mɛɛ, iti ɛlɛ ana. Tsyɛ alo ɛgɛ tatì kɛgɛ inu kiwuhũ dzadzã nɛ anɔ teli idɔ̃ shu, onupɛ ɔsha ɔma ɔsɛ, “Tɛɔdzã kiwuhũ nɛ ɔhagbo ɛdɔ̃ shuɔ.”

Romanɛ 8:31

Kiɖuwoe bɔbaɖɔ otsiɛ tɛ bɔlɔkɔ bu kibui ɛlɛ nulũ nɔ? Onupɛ Owusoso Akaa enu ɔlɔ ayɛɛ, afana gɛ abalà alɔɛtití nɛ ɔlɔ shu?

Hebrianɛ 12:9

Kɛgɛ zɛdɛɛ nu ɔsɛ bakaa alɛ ɔlɔ nyɔ̃ɔ ahɔɛ nɛ kanɔ nɔ̀ mɛ gɛ bapɔ atɔ̃ akɔ ɔlɔ, kɛlɛ bɔkpɛ alɛ inye nɛitití nɛ ɛlɛ takpu. Kiɖuwoe gɛkɔ ɔsɛ bɔtaa zhinɔ ishu esi kpɛ bɔlɔ ɛfɔfuĩa mɛ Akaa niesi pɛ bɔbazã nɛ ɛkpãa dza?

Romanɛ 6:1

Kɛlɛ bɔbaɖɔ otsiɛ? Bɔbaavɛ ɛlɛ abha zɛbhɛtɛ ebui kpaa ko, tɛ kɛkɔ ɔsɛ ɔlɔ tibhui bhuibuɔ zikpè tɔɖɔ koɔ dza?

Romanɛ 1:3

nɛ Yɛeyianyɛ shu, gɛ nɛ yɛ anɔdzyrame mɛ tɛzazã ulũɔ, David yɛeshui yɛedzi,

Romanɛ 3:5

Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.)