Romanɛ 3:4 - Nyangbo New Testament

⁴ Kɛma ɛlɛ mɛ ana! Banunɔ pete edzi asɛnɛ elete tsyɛ elo, Owusoso Akaa xɔnɔ atɛba yɔlɔ kɛgɛ lɛ ɛlɛ ɔzãkɔɔ tɛbhɛbhɛtɛ. Asɛ kɛfɔ̀nɔ gɛ bafɔnɔ ɛlɛ elu asɛ, “Sɛ tɛ bayɛkɛ wɔebui nabha aŋã, onupɛ ɔɖɔaɖɔɔ kɛlɛ tɛ bebhui bɔtsyɔa akɔ wɔ.”

Romanɛ 3:4 Referans Kwoze

Galatianɛ 2:17

“Onupɛ nɛ kibeɛ gɛ bɔpɛ ɔsɛ tɛ bebhui bɔtsyɔa akɔ ɔlɔ nɛ Kristoɔ mɛɛ, kɛlɛ mɛ dalɛ ɔsɛ bɔlɔ tsyɛ ebui kpa bhɛbhɛtɛ elete bunu. Pɔ kɛlɛ esi nu ɔsɛ Kristo atɔɖɔ ahɔɛ nɛ ebui kpa tɛbhɛbhɛtɛ abha dza? Gɛnɛ ana!

Hebrianɛ 6:18

Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Kibui Bubú Kasɛ 3:7

“Fɔnɔ ebui alɛ ɔsɛsɛ axɔ̃ɛdɛ nɛ Filadelfia ɔha mɛ. Ebui alɛ enu anunɔ gɛ yɛenu anɔ dadalɛ, pɛ aɖɔ kibui gɛlɛ ɛlɛ ɔzãkɔ, pɛ yɛevunɔ David ukusiupã opupuiakɔɔ. Kɛgɛ adalɛɛ, anɔ nanà atɛ kalà ɛlɛ adã, kɛlɛ kɛgɛ adãa anɔ nanà atɛ kalà adalɛ ɛlɛ.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Romanɛ 9:14

Kiɖuwoe lu bɔbaɖɔ nɛ kɛlɛ shu? Tɛbɔɖɔ ɔsɛ, Owusoso Akaa enu anɔ gɛ eɖi banɔ amɛ dza? Ao, anɛ ana!

Yohanes 1 5:10

Kibui ɛlɛ gɛ baɖɔ adalɛ yɛishuɔ bazã anɔ ka nyia ka yɛitúɔ mɛ gɛ ayɛkɛ Owusoso Akaa Eyi nabha aŋãa. Anɔ nyia anɔ gɛ agɛ yɛkɛ Owusoso Akaa nabha aŋãa abhɛtɛ yɛ yɛedzi asɛnɛ elete, ɔmɔsɛ agɛ yɛkɛ kibuiɛ gɛ Owusoso Akaa aɖɔ adalɛ Yɛeyiɛ shuɔ nabha aŋã.

Galatianɛ 2:21

Ɛgɛ lɔkɔ mɛ Owusoso Akaa tibhui bhuibuɔ lu ɛwɔ̃a, ɔmɔsɛ onupɛ babàmɔ kibui gbangbã tɛbhɛbhɛtɛ ɔgana ɔshaa mɛɛ, kɛlɛ Kristoɔ etsí bɔwɔ̃a kua!”

Romanɛ 6:15

Kiɖuwoe lu otsiɛ mɔ? Bɔbaa bhɛtɛ ibui kpa ɔmɔsɛ bɔma ɔsha niesi, pɔ tibhui bhuibu esi bɔlɛ soɔ dza? Kɛma ɛlɛ mɛ ana!

Romanɛ 3:31

Kliso otsi alɛɛ, nɛ tɛyɛyɛkɛŋã lɛ nulũ soɔ bɔba shɛnɛ ahɔɛ nɛ ɔsha shu dza? Ao, kɛma ɛlɛ mɛ ana kura! Pɔ, kɛlɛ sɛ tɛ bɔnyana ɔlɛ mɛ vunɔ gagalĩi.

Galatianɛ 6:14

Kɛnanà tɛkɔ mɛitũ mɛitelũ ɖi, ɔdɛ Apalete Yesu Kristo yɛ butsi osiɛ shu ibui ete, gɛ ɔgana yɛabhaa bakpalà kanɔ nɔ̀ nɛ butsi osiɛ shu akɔ mɛ, kɛlɛ mɛtsyɛ kɔ kanɔ nɔ̀.

Romanɛ 11:1

Kɛlɛ ibisi sɛ, Owusoso Akaa ashɛnɛ ahɔɛ nɛ yɛmadiɛ shu dza? Kɛma kɛlɛ mɛ ana! Israelaeyi mɛinu, kɛlɛ Abraham yɛeshui mɛinu gɛ ide Benyamin yɛigbogboɔ mɛ.

Korintoanɛ 2 1:18

Pɔ asɛ kana gɛ Owusoso Akaa aɖɔ kibui gbãa, kana bɔlɔ kibui ɖɔɖɔ ɔkɔ wɔnɔ tsyɛ itinu “Ee nɛ̀ Oo.”

Romanɛ 11:11

Ezebisì asɛ, Israel akpata bɔdɔ̃ adɔ oboè pɛ azalà alɔ odenɔ nɛ ɛkɛlɛ dza? Ao, kɛma kɛlɛ mɛ ana! Nɛ Yudanɛ ebui kpa bhɛbhɛtɛ soɔ, tibubu tsyina vɛ bagɛ betinu Yudanɛ ɔkɔ sɛ tɛ kidzi awuhũdzadzã ibui ɔkɔ Israelanɛ.

Romanɛ 7:7

Otsiɛ nɔ pɔ, kiɖuwoe lu bɔbaɖɔ? Kibui kpa ɔsha onu dza? Ao, kɛma ɛlɛ mɛ ana! Kibui gbã kinu ɔsɛ, ɛgɛ tatì kɛdɔ̃ nɔnɔ gɛ kibui kpa nu, pɔ gana ɔshaa mɛɛ, iti ɛlɛ ana. Tsyɛ alo ɛgɛ tatì kɛgɛ inu kiwuhũ dzadzã nɛ anɔ teli idɔ̃ shu, onupɛ ɔsha ɔma ɔsɛ, “Tɛɔdzã kiwuhũ nɛ ɔhagbo ɛdɔ̃ shuɔ.”

Romanɛ 6:2

Kɛma ɛlɛ mɛ ana! Gɛ butitsí kɔ kibui kpaa, kiɖeso pɛ bɔbazã kɛlɛ tɛbhɛbhɛtɛ abha vɛnɔ otugbà?

Romanɛ 7:13

Otsiɛ pɔ, kibuiɛ gɛinu kɛgbangbãa kɛli tsyina dzi butsí kɔ mɛɛ dza? Ao kɛma ɛlɛ mɛ ana! Pɔ tɛ kibui kpa bu ishu kasɛ asɛ kibui zizĩɛ, kɛgã kibui gbangbã nabha pɛ kibu butsí bakpɛ mɛ, so gana ɔsha kpɛkpɛ mɛɛ, sɛ tɛ kibui kpa wlui zĩ tɔɖɔ dɛ.

Korintoanɛ 1 6:15

Nɔotinyi ɔsɛ wɔnɔ shudzyaa nu Kristoɔ ɔyɛ dza? Pɔ kɛpɛ̃ sɛ ɛlɔkɔ mɛ ishudzyaa gɛinu Kristoɔ ɔyɛ bhɛtɛ tenikpo nɛ kedulũ azazã eleteɛ dza? Kɛma ɛlɛ mɛ ana!

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.