Romanɛ 3:27 - Nyangbo New Testament

²⁷ Fakɔ kura ishu fefeke lɛ? Kɛma ɛlɛ mɛ. Nɛ idzo ɖuwoe lu abha? Kɛlinu sɛ ɔbhɛtɛ nɛ ɔsha nabha loo? Ao, nɛ tɛyɛyɛkɛŋã mɛ boŋ.

Romanɛ 3:27 Referans Kwoze

Romanɛ 2:23

Wɔ gɛ ofeke ishu nɛ ɔsha shuɔ, wɔtɛɛ Owusoso Akaa olu pɛ ɔta esi nɛ ɔsha shuɔ dza?

Romanɛ 4:2

Onupɛ kɛgbã, balɔkɔ Abraham asɛ enu anɔ gbangbã nɛ yɛaxɔ̃ɛ wɔawɔa lũ soɔ, kɛlɛ kɛdɔ̃ tili zã yɛahɔɛ gɛ kɛlɛishu yɛalɔkɔ etũ kitelũ nɔ, pɔ anɛ nɛ Owusoso Akaa yɛamɛ.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Romanɛ 2:17

Wɔ, onupɛ okulu ishu ɔsɛ Yudaeyi wonu, pɛ olu awɔ̃ nɛ ɔsha nabha, pɛ ofeke ishu nɛ wɔ Owusoso Akaa yɛeyi dzidzì shu,

Romanɛ 7:21

Kliso ilũ ɔsha axɔ̃ɛ wɔawɔa niesi ɔsɛ, onupɛ ɛpɛ sɛ tɛ mɛbhɛtɛ kibui gbangbãa, kibui zizĩɛ lɛ mɛɔbha nɛ ɛkɛlɛ.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Korintoanɛ 1 4:7

Ɔmɔsɛ afana gɛ abhɛtɛ wɔ pɛ ɔgã ɔtɔ nɛ banɔ bhlatɔ shu? Kiɖe gɛlɛ wɔ ahɔɛ pɛ gɛnɛ bɔyɛkɛ wɔ yɛkɛ ɛlɛɛ dza? Kɛlɛ onu pɛ ɔyɛkɛ ɛlɛɛ, kiɖe so pɛ ofeke ishu ɔmɔ asɛ gɛnɛ bɔkɔ bakɔ wɔɔ dza?

Romanɛ 11:6

Kliso onupɛ ɔgana tibhui bhuibu mɛɛ, kɛlɛ́ɛ, kɛtɛ kanu ɔsɛ kide balɛ axɔ̃ɛ wɔawɔa mɛ̀. Onupɛ balɛ axɔ̃ɛ wɔawɔa mɛ kide pɔɔ, kɛlɛ kɛtɛ kanu tibhui bhuibu.

Romanɛ 10:5

Mose ebu tɛzazã gbangbã gɛ lɛ ɔsha nulũ asɛ, “Anunɔ gɛ akpɛ emi pɛ abhɛtɛ nɛ ɔsha nulũɔ abamɔ ɛkpã edenɔ kɛlɛ mɛ.”

Romanɛ 9:32

Kiɖuwoe lu so? Ɔmɔsɛ bagɛ lɔkɔ tɛyɛyɛkɛŋã atɔnɔ ɔlɛ abha tɛbhɛbhɛtɛ edeɛ, pɔ beɖi asɛ gana balɛ ahɔɛ axɔ̃ɛ wɔawɔa mɛ. Kɛkɔ ɔsɛ bakpatà “kɛklagbu gɛ bakpatàa.”

Romanɛ 9:11

Pɔ flogo tɛ baba mɔ́ taabhaeyiɛ alo pɛ babhɛtɛ kibui gbangbã tili alo kɛkpa, sɛ tɛ Owusoso Akaa ɛtakpu mɛ tɔtɔɖɔ lu nɛ yɛanɔ bubuɔ shu vɛ ɛlɛ abhaa,

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Romanɛ 7:25

Buhu Owusoso Akaa ahɔɛ-ɔgana bɔlɔ Apalete Yesu Kristo abha! Kliso mɛ xɔnɔ nɛ mɛekpeɖekpeɖe nulũɔɔ, inu anɔ dzidzì ɔkɔ Owusoso Akaa yɛɔsha, pɔ mɛ asɛ anɔdzyrame anaa, inu anɔ dzidzì ɔkɔ ebui kpa ɔshaa.

Romanɛ 7:23

pɔ iwlui mɔ ɔsha bhlatɔ gɛ lɔwɔa axɔ̃ɛ nɛ mɛishu udzyaa mɛ, gɛ lɔlɔkɔ keyu nɛ mɛekpeɖekpeɖe mɛ bhɛbhɛtɛ shu, kɛlɛ lɔkpɛ mɛ ɔɖavũ anɔ ɔkɔ ɔsha kpa gɛ ɔwɔa axɔ̃ɛ nɛ mɛishu udzya mɛ.

Romanɛ 3:19

Otsi alɛ bunyi sɛ kɛka nyia ka gɛ ɔsha ɔɖɔɔ, kinu bagɛ balɛ ɔsha niesi ibui, tɛ kɛkɔ ɔsɛ anɔ nyia anɔ ataatɔ̃, tɛ Owusoso Akaa ekulu ebhu nɛ̀ kanɔ nɔ̀ petee.

Romanɛ 3:26

Abhɛtɛ ana nɛ kibe ɛlɛ sɛ tɛ alɔkɔ akasɛ asɛ, enu anunɔ gɛ abhɛtɛ ibui nɛ ɛlɛ ɔzãkɔ. Kidzo ɛlɛ nabhaa, yɛalɔkɔ bagɛ ayɛkɛ Yesu abha aŋã tsyɛ asɛ benu banɔ gbangbã.

Romanɛ 9:31

pɔ Israel gɛ azatɔnɔ ɔsha nabha tɛbhɛbhɛtɛ edeɛ, akamɔ tɛzazã piapii nɔ.