Romanɛ 3:25 - Nyangbo New Testament

²⁵ Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Romanɛ 3:25 Referans Kwoze

Yohanes 1 4:10

Kɛlɛ kɛlɛinu tɛdɛdɛmɛ nɔ, gɛnɛ kana gɛ bɔdɛmɛ nɔ nɛ̀ Owusoso Akaa yɛenu tɛdɛdɛmɛ nɔ, pɔ yɛadɛmɛ ɔlɔ ɛbui sopɛ asɛsɛ Yɛeyianyɛ asɛ tɛ̀ abedzi bɔdɔ̃ pɔpɔɛ ɔkɔ bɔlɔ ebui kpa etsye bɔlɔ.

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Romanɛ 5:9

Otsi alɛ gɛ bebhui utsyɔa akɔ ɔlɔ ɔgana yɛdzyosu nɔ mɛɛ, kidzo ɛlɛ nabha ke yɛebebu ɔlɔ, odenɔ Owusoso Akaa yɛɔmɔpɔɛ nɔ mɛ.

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Hebrianɛ 10:4

ɔmɔsɛ banɛtsyɔɛ nɛ̀ bepidzya dzyosu atɛ balà ebu ebui kpa atɛ ɖa.

Kibui Bubú Kasɛ 13:8

Kesiakpa abha anɛ pete abakpɛ ɛtakpu esi akɔ agãhoeɛ, bagɛ alɛ enye bagɛ fɔnɔ akpɛ ɛkpã eplukpa gɛenu Obhoshieyiɛ gɛ beyiɛ ayɛ mɛ, denɔ kanɔ mɛ esi kpɛkpɛ mɛ.

Hebrianɛ 11:7

Gana tɛyɛyɛkɛŋã mɛɛ, gɛ bakɔ Noa yɛeti asɛ kɛgɛ kabaɖi bàba ɛlɛ mɛɛ, alɔkɔ atɔ̃ lulũ gbangbã afatɛ kelĩabha ohu pɛ alɔkɔ ebu yɛɔpã nɔ. Alɔkɔ yɛtɛyɛyɛkɛŋã ebu kanɔ mɛanɛ nɛpɔ nɔ̀, kɛlɛ edzi kaŋãsiɛelete gbangbã gɛide tɛyɛyɛkɛŋã mɛ.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Kibui Bubú Kasɛ 20:15

Onupɛ bágɛmɔ anɔ teli yɛinye sɛ bafɔnɔ ɛlɛ akpɛ ɛkpãeplukpa mɛɛ, balɔkɔ yɛatɛ́ akpɛ kifu ɔɖɛklɛmɛ nɔ mɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Hebrianɛ 11:14

Bànɔ nɔ̀ gɛ baɖɔ ebui alɛ nɛidiɛ, kɛkasɛ ɔsɛ baapɛ esiakpa gɛenu balɛ ahɔɛ ayɛ.

Yohanes 1 1:10

Onupɛ bɔɖɔ ɔsɛ bɔgɛ bhɛtɛ kibui kpa, kɛlɛ bɔbhɛtɛ yɛ asɛ asɛnɛ elete ana, kɛlɛ yɛeibuiɛ ama ɔkɔ nanà nɛ bɔlɔ ɛkpã mɛ.

Hebrianɛ 11:17

Nɛ tɛyɛyɛkɛŋã mɛɛ, gɛ Owusoso Akaa efeke Abraham eɖiɛ, alɔkɔ Isak akɔ, asɛ ɔdɔ̃ pɔpɔɛ ana. Gɛ yɛenu anunɔ gɛ batɔɖɔ tɛtɔtɔɖɔ ɛlɛ elu akɔ tsyɛ elo, adɛmɛ alɔkɔ eyiɛ gɛenu yɛeyianyɛ tenikpo nɔ asɛ ɔdɔ̃ pɔpɔɛ,

Hebrianɛ 9:5

Bekerubim alɛ aɖaka nabha gɛ baakasɛ Owusoso Akaa yɛishu dadalɛ, kɛlɛ balɛ ɔsɛ̀ fè tɔɖɔ ɛkɛlɛ gɛ bɔmɔ ashagabui ɖiɖi odenɔ nabha. Bɔtɛ balà bu ebui alɛ nyɔ̃ɔ mɛ ɔvɛnɔ otugbà otsiɛ.

Timoteo 1 1:15

Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.

Romanɛ 5:11

Anɛ kɛlɛ ete ko, pɔ bɔmɔ same tsyɛ nɛ Owusoso Akaa mɛ ɔgana bɔlɔ Apalete Yesu Kristo abha, anunɔ gɛ yɛabhaa bɔgã, pɛ bɔmɔ tenikpo bhɛbhɛtɛ.

Romanɛ 3:26

Abhɛtɛ ana nɛ kibe ɛlɛ sɛ tɛ alɔkɔ akasɛ asɛ, enu anunɔ gɛ abhɛtɛ ibui nɛ ɛlɛ ɔzãkɔ. Kidzo ɛlɛ nabhaa, yɛalɔkɔ bagɛ ayɛkɛ Yesu abha aŋã tsyɛ asɛ benu banɔ gbangbã.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Banɔkpɛkpɛ Axɔ̃ɛ 4:28

Babhɛtɛ̀ kɛgɛ wɔ ohumi nɔ pɛ nɛ̀ kɛgɛ wɔɛbuiɛ tɔɖɔ lùɔ tɛ̀ kɛba ɛlɛ mɛ.

Banɔkpɛkpɛ Axɔ̃ɛ 3:18

Pɔ, kana Owusoso Akaa abhɛtɛ kɛgɛ aɖɔ elúɔ ɔgana yɛebuiɖɔluanɔ nabha gɛ aɖɔ asɛ, yɛ Kristoɔ abamɔ bɔtɔ.

Banɔkpɛkpɛ Axɔ̃ɛ 15:18

ebui gɛ benyi edenɔ kibè tili ke.

Banɔkpɛkpɛ Axɔ̃ɛ 2:23

Owusoso Akaa yɛalɔkɔ anyɛ alɛ akpɛ ahɔɛ akɔ wɔnɔ nɛ yɛ tɛpɛpɛ nɛ̀ kɛgɛ apɛ asɛ tɛ̀ kɛba ɛlɛ mɛ̀ nulũ. Kɛlɛ wɔnɔɔ, atakpu mɛ gagalĩ elete aplɛnɔ ɔnɔ pɛ noyii ɔganà yɛ tɛkpakpalà nɛ osi shu.

Banɔkpɛkpɛ Axɔ̃ɛ 14:16

Nɛ kuku ibeɛ, akɔ ɛmadi ka nyia ka azã nɛ ɛkpã nɛ balɛ tɛpɛpɛ ulũ.

Romanɛ 5:18

Gɛ gana anɔ tenikpo yɛesi tatá ɛtakpu so bebu banunɔ petee ɛpɔɔ, kidzo ɛlɛ nabhaa, gana anɔ tenikpo yɛibui gbangbã bhɛbhɛtɛ ɛtakpu soɔ, bebu bɔtsyɔa akɔ banunɔ nyɔ̃ɔ.

Korintoanɛ 1 5:7

Nɔlɔkɔ amawɔ kuku tsɔtsɔ̃mɔ ɔtɛɛ sɛ tɛ nɔodzi amɔwɔ vɔvɔ gɛ kɛdɔ̃ tsɔtsɔmɔ̃ ma yɛmɛ, asɛ kidziɛ gɛ nodziɛ. Ɔmɔsɛ balɔkɔ Kristoɔ gɛenu Tɛdɔdɔ fala obhoshi eyiɛ abhɛtɛ bɔdɔ̃ pɔpɔɛ nɔ.

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Efesoanɛ 2:13

Pɔ otsi alɛ xɔnɔ nɛ Kristo Yesu mɛɛ, wɔnɔ bagɛ nɔtɛ zã kitsí oɖiɛɛ, bagbana ɔnɔ ɔplɛnɔ ɔgana Kristo yɛ dzyosu nɔ mɛ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,