Romanɛ 3:23 - Nyangbo New Testament

²³ ɔmɔsɛ anɔ ka nyia ka abhɛtɛ ibui kpa, kɛlɛ Owusoso Akaa yɛishu dadalɛ yala nɛ bɔlɔ nyɔ̃ɔ shu,

Romanɛ 3:23 Referans Kwoze

Romanɛ 3:9

Otsiɛ nɔ pɔ, kiɖuwoe lu bɔbaɖɔ? Bɔbaɖɔ ɔsɛ bɔpɛ̀ dɛ anɔ teli dza? Ao, kɛma ɛlɛ mɛ ana kura! Bɔtɛ ibu kɛlɛ mɛ kpɛ otugbà ɔsɛ, bagɛ enu Yudanɛ nɛ̀ bagɛ etinu Yudanɛ pete alɛ ebui kpa bhɛbhɛtɛ esi.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Romanɛ 11:32

Ɔmɔsɛ Owusoso Akaa abhɛtɛ banunɔ pete asɛ tɛ bagagalĩ batɔ sɛ tɛ alà eɖi alɛ ashagabui.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Romanɛ 3:19

Otsi alɛ bunyi sɛ kɛka nyia ka gɛ ɔsha ɔɖɔɔ, kinu bagɛ balɛ ɔsha niesi ibui, tɛ kɛkɔ ɔsɛ anɔ nyia anɔ ataatɔ̃, tɛ Owusoso Akaa ekulu ebhu nɛ̀ kanɔ nɔ̀ petee.

Tesalonikanɛ 2 2:14

Ekulu wɔnɔ akpɛ kɛxɔ̃ɛ ɛlɛ mɛ ɔgana kibui gbangbã mɛ, sɛ tɛ nɔmɔ tɛdadalɛ gɛ kpasɛ ɔlɔ Apalete Yesu Kristoɔ mɛ.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Romanɛ 5:2

anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.

Romanɛ 1:28

Otsi nɔ, gɛ bagɛmɔ asɛ kinu ibui gɛ kɛyɛkɛ edzi sɛ tɛ bayɛkɛ Owusoso Akaa bubuti akpɛ ishu mɛ soɔ, etsyina balɛ ekpeɖekpeɖeɛ mɛ etũ, sɛ tɛ baabhɛtɛ ebuiɛ gɛ lama ɔbhɛtɛ kɔɔ.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Hebrianɛ 4:1

Kliso gɛ tɛtɔtɔɖɔ ɔkɔ yɛomoelekɔ mɛ tɛvɛvɛ tsiɖi lɛ abha soɔ, nɔkɔ bɔzã nawɔ̃ piapii sɛ tɛ wɔnɔ mɛ anɔ nanà atɛ bawɔɛ idzo.