Romanɛ 3:22 - Nyangbo New Testament

²² Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Romanɛ 3:22 Referans Kwoze

Romanɛ 10:12

Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Romanɛ 2:1

Klisoɔ wɔɛtakpu kɔkɔ nanà ma, wɔ anunɔ gɛ okulu ebhu ɔkɔ anɔ teliɛ, ɔmɔsɛ kibui nɔnɔ́ idi gɛ ɔlɔkɔ okulu ebhu ɔkɔ anɔ bhlatɔ nɔɔ, kɛlɛ wɔ tsyɛ ɔlɔkɔ obu ishui ipɔ nɔ, ɔmɔsɛ wɔanɔ gɛ obhui ibui mɛ tsyɛɛ, ɔbhɛtɛ kibui ɛlɛ nɛidi.

Yakobo 2:23

Kɛkɔ ɔsɛ ibui fɔfɔnɔ lu ɛlɛ bá ɛlɛ mɛ ɔsɛ, “Abraham ayɛkɛ Owusoso Akaa nabha aŋã, kɛlɛ balɔkɔɛ ɛlɛ akɔɛ asɛ, enu anɔ gbangbã,” kɛlɛ bekului asɛ Owusoso Akaa yɛɔbhia.

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Korintoanɛ 1 4:7

Ɔmɔsɛ afana gɛ abhɛtɛ wɔ pɛ ɔgã ɔtɔ nɛ banɔ bhlatɔ shu? Kiɖe gɛlɛ wɔ ahɔɛ pɛ gɛnɛ bɔyɛkɛ wɔ yɛkɛ ɛlɛɛ dza? Kɛlɛ onu pɛ ɔyɛkɛ ɛlɛɛ, kiɖe so pɛ ofeke ishu ɔmɔ asɛ gɛnɛ bɔkɔ bakɔ wɔɔ dza?

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Banɔkpɛkpɛ Axɔ̃ɛ 3:16

Ɔgana Yesu yɛinye nabha tɛyɛyɛkɛŋã mɛɛ, bakɔ anyɛ alɛ gɛ nonyi pɛ nɔmɔ amɔ ishumɛ gagalĩ. Yesu yɛinyeɛ nɛ̀ yɛabha tɛyɛyɛkɛŋã gɛide koeyi nɛ yɛ mɛɛ, kɛlɛ kɔ anyɛ alɛ ishumɛ gagalĩ kɔɛ asɛ gɛ wɔnɔ petee ɔmɔ ana.

Banɔkpɛkpɛ Axɔ̃ɛ 11:12

Ɔfɔfuĩa nɔ otseɖe mɛ ɔsɛ, ɛlɔ tɔnɔ̀ alɛ ɔvɛ. Badzya tehlo alɛ tsyɛ avɛ aplɛnɔ mɛ, kɛlɛ budiku anyɛ nɔpã mɛ.

Romanɛ 1:17

Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Romanɛ 4:16

Kliso tɛtɔtɔɖɔ ɛlɛ de tɛyɛyɛkɛŋã mɛ, sɛ tɛ kidzi asɛ tibhui bhuibu gɛ badɛ mɛ alɔkɔ akɔ bagɛ benu Abraham yɛeyi alɛ pete, anɛ ɔkɔ banunɔ gɛ beshù ɔsha ete ko, pɔ ɔkɔ bagɛ bayɛkɛ aŋã asɛ Abraham ana. Gɛ yɛenu akaa akɔ bɔlɔ petee nɔ.

Romanɛ 10:4

Kristo yɛtɛbaba ɔkɔ ɔsɛ ohumi obele nɛ ɔsha ahɔɛ, sɛ tɛ anɔ ka nyia ka gɛ ayɛkɛ aŋãa, tɛ amɔ tɛzazã gbangbã.

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Efesoanɛ 3:12

Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.