Romanɛ 2:7 - Nyangbo New Testament

⁷ Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Romanɛ 2:7 Referans Kwoze

Timoteo 2 1:10

pɔ otsi alɛ bebu ɛlɛ akasɛ ɔgana agɛ yayɛkɛ akɔ ɔlɔ tɛbaba mɛ, Kristo Yesu, anɔ gɛ aŋã butsì abha pɛ alɔkɔ ɛkpã gɛ bazã tihɔɔ nɔ amana tɛdadalɛ ɔgana kibui gbangbã mɛ.

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Romanɛ 6:23

Ɔmɔsɛ kɛbhɛ gɛ babuia ɔkɔ ebui kpa bhɛbhɛtɛ, kɛli nu butsí, pɔ Owusoso Akaa yɛdɔ̃ kɔkɔ kɛli nu ɛkpã tihɔɔ nɛ Kristo Yesu bɔlɔ Apaleteɛ mɛ.

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Romanɛ 2:10

pɔ ishu dadalɛ, bobo nɛ̀ ishu yɔyɔ ɔkɔ anɔ nyia anɔ gɛ abhɛtɛ ibui gbangbã. Banɔ gɛ eputɔɔ enu Yudanɛ, flogo pɛ ɔkɔ bagɛ betinu Yudanɛ tsyɛ.

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Romanɛ 9:23

Kɛlɛ kɛbazã onupɛ Owusoso Akaa apɛ asɛ tɛ ebu yɛehoeyiudɔ̃ gɛlɛ yɛishu dadalɛ mɛ akasɛ bagɛ eɖi ashagabui pɛ etiputɔ abalɛ elu akɔ yɛishu dadalɛ,

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Korintoanɛ 1 15:42

Kana kɛbazã nɛ tɛlɔlɔ denɔ bekpuɔ mɛ shu. Ishudzya gɛ baɖa nu kɛdɔ̃ tsɔtsɔmɔ̃, pɔ bebe feke ɛlɛ gɛ kɛzakà tsɔmɔ̃,

Korintoanɛ 1 15:50

Mɛadzya alɛ, ɛkɔ notì ɔsɛ ishupi ɛlɛ nɛ̀ dzyosu atɛba mɔ Owusoso Akaa bukusi bɔpã, pɛnɔsɛ kɛdɔ̃ gizĩɛ bamɔ ɔŋãkɔ odenɔ kɛdɔ̃ gitiziɛ ɔkɔ.

Efesoanɛ 6:24

Tibhui bhuibuɔ zã ]plɛnɔ wɔnɔ bagɛ nɔ dɛmɛ nɔ ɔlɔ Apalete Yesu Kristoɔ nɛ̀ tɛdɛdɛmɛ nɔ gɛlɛ tihɔɔ nɔ.

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Hebrianɛ 2:7

Ɔbhɛtɛ yɛ yɛezhi esi ibɔɛ bhlui ko adɛ akaa axɔ̃ɛdɛ, ɔkɔɛ ishu dadalɛ, kɛlɛ ɔkpɛ yɛinye nɛitití