Romanɛ 2:27 - Nyangbo New Testament

²⁷ Anunɔ gɛ begibhui kɛhɔ̃a akɔ anii, pɔ aagã nɛ ɔsha nabha piapii nɔ, ebebu wɔ gɛ ɔshaa tɛtɔtɔɖɔ lɛ wɔahɔɛ pɛ onu kɛhɔ̃a bhui bhui elete, pɔ onu anunɔ gɛ ɔta esiɛ.

Romanɛ 2:27 Referans Kwoze

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Romanɛ 8:4

tɛ kɛkɔ ɔsɛ kɛpiapi nɔ gɛ bapɛ asɛ tɛ kɛna nɛ ɔsha nulũɔ, tɛ bamɔ kɛlɛ nɛ bɔlɔ mɛ. Bɔlɔ agɛ tɛzã nɛ̀ ebui kpa bhɛbhɛtɛ mɛ, pɔ pɛ bɔzã nɛ Ɔfɔfuĩa nɔ tɛpɛpɛ ulũ.

Romanɛ 2:29

Ao, anunɔ gɛ enu Yudaeyi tututuɔ yɛenu anɔ gɛ alɛ yɛishu mɛ, kɛlɛ yɛhɔ̃a bhui bhuiɛ nu kitúɔ ɛhɔ̃a bhui bhui odenɔ ɔfɔfuĩa mɛ, kɛlɛ anɛ nɛ ɔsha gɛ bafɔnɔ eluɔ nulũ. Anɔ alɛ nɛidi inye kpɛkpɛ nɛititíɛ, anɛ banɔ ɔkɔ kide pɔ Owusoso Akaa ɔkɔ.

Hebrianɛ 11:3

Denɔ tɛyɛyɛkɛŋã mɛɛ, bulũ kɛlɛ mɛ ɔsɛ, kibui Owusoso Akaa aɖɔ alɔkɔ abhɛtɛ kanɔ nɔ̀ mɛ nɔ̀. Kliso kɛgɛ bɔmɔ otsiɛ nɔ, babhɛtɛ ɛlɛ edenɔ kɛgɛ bɔtɛlà mɔ mɛ.

Galatianɛ 5:14

Bebhui ɔshaa petee gulũi nɛ̀ ɔsha kɔkɔ tonikpo ɔlɛ ɔsɛ, “Dɛmɛ nɛ wɔhagbo asɛ gɛ ɔdɛmɛ nɛ wɔshu ana.”

Romanɛ 13:10

Tɛdɛdɛmɛ nɔ nɛ anɔ tɛmana kibui kpa nɛ ɔhagbo ishi. Kliso ɔsha nabha tɛbhɛbhɛtɛ ibui nu tɛdɛdɛmɛ nɔ nɛ anɔ.

Romanɛ 2:20

gɛ onu adɔkasɛ ɔkɔ bawaga, nɛ̀ adɔkasɛ ɔkɔ bunuvɔɛ, ɔmɔsɛ bùbuti nɛ̀ kibui gɛlɛ ɛlɛ ɔzãkɔɔ, kɛlɛ kpasɛ wɔ mɛɛ.

Banɔkpɛkpɛ Axɔ̃ɛ 13:22

Gɛ atsɛ Saulo nɛ ekusi kegbu nabhaa, alɔkɔ David edzu bukusi akɔ alɛ. Aɖɔ kaɖɔ elú nɛ David shu asɛ, ‘Ɛmɔ David gɛenu Isai yɛeyianyɛ, anɔ gɛ ɛdɛmɛ nɔ nɛ̀ mɛitúɔ, ababhɛtɛ kɛka nyia ka gɛ itseɖe yɛ sɛ abhɛtɛɛ.’

Romanɛ 2:15

pɔ nɛ balɛ tɛgagã nɛ ɔsha lũɔɔ, kɛkasɛ ɔsɛ bafɔnɔ ɔsha nɛ balɛ etúɔ mɛ, kɛlɛ balɛ etúɔ mɛ ebui tsyɛ adalɛ alɛ shu, kɛlɛ balɛ ekpeɖekpeɖeɛ mɛ ebhui alɛ ulũ, kɛlɛ kidzo ɛlɛ nabhaa yɛebu balɛulũ tsyɛ.)

Romanɛ 2:25

Kɛhɔ̃a bhui bhui pɛ popopo onupɛ ɔbhɛtɛ ɛlɛ tibhui bhui ɔsha nabha, pɔ onupɛ ɔta esi nɛ ɔshaa shuɔ, kɛlɛ ɔshɔnɔ anɔ gɛ egibhui kɛhɔ̃a.

Romanɛ 2:26

Onupɛ bagɛ begibhui ahɔ̃a akɔ, pɔ balɛ nɛ̀ ɛkpã nɛ ɔsha nulũɔ, kiɖeso pɛ batɛ balɔkɔ alɛ asɛ anɔ gɛ bebhui ahɔ̃a akɔ anaa dza?

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Korintoanɛ 1 7:19

Kɛhɔ̃a bhui bhui tinu kɛdɔ̃ nanà, kɛhɔ̃a gɛ begi bhui tsyɛ itinu kɛdɔ̃ nanà. Owusoso Akaa ɔshaa nabha tɛbhɛ bhɛtɛ kɛlɛinu kɛgɛ pɛ ɔdɛ.

Efesoanɛ 2:11

Klisoɔ, nɔ bakà ɔsɛ kuku ibeɛ wɔnɔ bagɛ bamɔ́ ɔnɔ pɛ nɔotinu Yudanɛ pɛ beze kulu ɔnɔ asɛ “bagɛ begi bhui kɛhɔ̃a akɔ” banɔ alɛ gɛ ezekulu ishu asɛ “kɛhɔ̃a bhui bhui” (gɛ bebhui nɛ ishudzyaa mɛ nɛ̀ banɔdzyrame ahɔɛ)

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.