Romanɛ 2:26 - Nyangbo New Testament

²⁶ Onupɛ bagɛ begibhui ahɔ̃a akɔ, pɔ balɛ nɛ̀ ɛkpã nɛ ɔsha nulũɔ, kiɖeso pɛ batɛ balɔkɔ alɛ asɛ anɔ gɛ bebhui ahɔ̃a akɔ anaa dza?

Romanɛ 2:26 Referans Kwoze

Koloseanɛ 2:11

Yɛmɛ bebhui kɛhɔ̃a akɔ ɔnɔ, gɛ nɔ shɛnɛ ahɔɛ nɛ wɔnɔ ebui kpa bhɛbhɛtɛ shu, gɛnɛ kɛhɔ̃a gɛ bebhui nɛ̀ banɔdzyrame ahɔɛ, pɔ kɛhɔ̃a gɛ Kristo ebhui,

Romanɛ 8:4

tɛ kɛkɔ ɔsɛ kɛpiapi nɔ gɛ bapɛ asɛ tɛ kɛna nɛ ɔsha nulũɔ, tɛ bamɔ kɛlɛ nɛ bɔlɔ mɛ. Bɔlɔ agɛ tɛzã nɛ̀ ebui kpa bhɛbhɛtɛ mɛ, pɔ pɛ bɔzã nɛ Ɔfɔfuĩa nɔ tɛpɛpɛ ulũ.

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Efesoanɛ 2:11

Klisoɔ, nɔ bakà ɔsɛ kuku ibeɛ wɔnɔ bagɛ bamɔ́ ɔnɔ pɛ nɔotinu Yudanɛ pɛ beze kulu ɔnɔ asɛ “bagɛ begi bhui kɛhɔ̃a akɔ” banɔ alɛ gɛ ezekulu ishu asɛ “kɛhɔ̃a bhui bhui” (gɛ bebhui nɛ ishudzyaa mɛ nɛ̀ banɔdzyrame ahɔɛ)

Romanɛ 3:30

Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ.

Romanɛ 2:25

Kɛhɔ̃a bhui bhui pɛ popopo onupɛ ɔbhɛtɛ ɛlɛ tibhui bhui ɔsha nabha, pɔ onupɛ ɔta esi nɛ ɔshaa shuɔ, kɛlɛ ɔshɔnɔ anɔ gɛ egibhui kɛhɔ̃a.

Romanɛ 2:27

Anunɔ gɛ begibhui kɛhɔ̃a akɔ anii, pɔ aagã nɛ ɔsha nabha piapii nɔ, ebebu wɔ gɛ ɔshaa tɛtɔtɔɖɔ lɛ wɔahɔɛ pɛ onu kɛhɔ̃a bhui bhui elete, pɔ onu anunɔ gɛ ɔta esiɛ.

Galatianɛ 6:15

Kɛhɔ̃a bhui bhui nɛ̀ kɛhɔ̃a mabhui mabhui tinu kɛdɔ̃ nanà, kɛgɛ pɛɔdɛ kɛlɛinu ebui vɔvɔɔ gɛ babhɛtɛ.