Romanɛ 2:25 - Nyangbo New Testament

²⁵ Kɛhɔ̃a bhui bhui pɛ popopo onupɛ ɔbhɛtɛ ɛlɛ tibhui bhui ɔsha nabha, pɔ onupɛ ɔta esi nɛ ɔshaa shuɔ, kɛlɛ ɔshɔnɔ anɔ gɛ egibhui kɛhɔ̃a.

Romanɛ 2:25 Referans Kwoze

Galatianɛ 6:15

Kɛhɔ̃a bhui bhui nɛ̀ kɛhɔ̃a mabhui mabhui tinu kɛdɔ̃ nanà, kɛgɛ pɛɔdɛ kɛlɛinu ebui vɔvɔɔ gɛ babhɛtɛ.

Banɔkpɛkpɛ Axɔ̃ɛ 7:51

“Wɔnɔ batɔ̃mɛ gagalĩ elete! Wɔnɔ etú mɛ̀ nɛ̀ batɔ gɛegetsyina elete! Nɔodzi asɛ wɔnɔ akaalɛ. Nɔtɛ ɔpɛɛ ɔsɛ Ɔfɔfuĩa Gbangbãa ɔba!

Romanɛ 2:28

Anɔ etinu Yudaeyi onupɛ ishupi mɛ ete ko yɛalɛ, pɛnɔsɛ kɛhɔ̃a bhui bhuiɛ nu ishudzya mɛ ibui ete ko.

Romanɛ 2:23

Wɔ gɛ ofeke ishu nɛ ɔsha shuɔ, wɔtɛɛ Owusoso Akaa olu pɛ ɔta esi nɛ ɔsha shuɔ dza?

Romanɛ 2:13

Ɔmɔsɛ anɛ bagɛ belũ ɔshaa balɛ enu banɔ dadalɛ nɛ Owusoso Akaa yɛamɛ, pɔ bagɛ aabhɛtɛ ɔsha nabhaa, balɛ Owusoso Akaa ebebu akasɛ asɛ benu anɔ dadalɛ.

Romanɛ 2:26

Onupɛ bagɛ begibhui ahɔ̃a akɔ, pɔ balɛ nɛ̀ ɛkpã nɛ ɔsha nulũɔ, kiɖeso pɛ batɛ balɔkɔ alɛ asɛ anɔ gɛ bebhui ahɔ̃a akɔ anaa dza?

Romanɛ 2:27

Anunɔ gɛ begibhui kɛhɔ̃a akɔ anii, pɔ aagã nɛ ɔsha nabha piapii nɔ, ebebu wɔ gɛ ɔshaa tɛtɔtɔɖɔ lɛ wɔahɔɛ pɛ onu kɛhɔ̃a bhui bhui elete, pɔ onu anunɔ gɛ ɔta esiɛ.

Korintoanɛ 1 7:19

Kɛhɔ̃a bhui bhui tinu kɛdɔ̃ nanà, kɛhɔ̃a gɛ begi bhui tsyɛ itinu kɛdɔ̃ nanà. Owusoso Akaa ɔshaa nabha tɛbhɛ bhɛtɛ kɛlɛinu kɛgɛ pɛ ɔdɛ.

Galatianɛ 6:13

Bagɛ bebhui ahɔ̃a akɔ alɛ tsyɛ elo, batɛ abhɛtɛ atɔɖɔ ɔshaa nabha, pɔ bapɛ asɛ tɛ̀ bebhui kɛhɔ̃a akɔ ɔnɔ sɛ tɛ̀ betũ itelũ nɛ ɔnɔ ishu tɛlɔlɔkɔ kɔ alɛ sɛ bebhui kɛhɔ̃a akɔ ɔnɔ shu.