11 Ɔmɔsɛ Owusoso Akaa xɔnɔ etiɖi ananà amɛ.
Kɛlɛ Petro akpa kaɖɔɖɔ asɛ, “Otsi alɛ ilũ kɛlɛ esi piapii ɔsɛ, Owusoso Akaa etiɖì banɔ amɛ
Bagɛ awɔ̃ɛ anɔ asɛ ɛzãkɔ lɛ balɛ ahɔɛ xɔnɔɔ, kɛka nyia ka ɛdi gɛ benu tsyɛ elo, kitinu kibui gɛ gã ɔtɔ ɔkɔ mɛ, Owusoso Akaa etiekulù kebhu nɛ kana gɛ bɔmɔ anɔ shu, banɔ alɛ agɛ lɔkɔ kɛnanà ɔplɛnɔ mɛ ibuiɛ.
Aka nyia aka gɛ abhɛtɛ kibui kpa, babà buia kɛlɛ bhɛ̃ akɔɛ, kɛlɛ bamɛ ɖiɖi nanà mã ɛlɛ mɛ.
Kɛlɛ wɔnɔ bapaleteɛ tsyɛ, nɔbhɛtɛ ɔkɔ wɔnɔ banɔ dzidziɛ nɛ kidzo ɛlɛ nabha. Nɔtɛ kpɛ alɛ ɛkpã ifù, ɔmɔsɛ nɔonyi ɔsɛ agɛ yɛenu wɔnɔ Apaleteɛ nɛ̀ balɛ ayɛ alɛititíɛ, kɛlɛ yɛetiɖi banɔ amɛ.
Gɛ nokulu Akaa gɛ ekulù kebhu nɛ̀ anɔ nyia anɔ axɔ̃ɛ wɔawɔa pɛ etiɖì banɔ amɛɛ soɔ, nɔzã nɛ̀ wɔnɔ ɛkpã asɛ bafafala ana nɛ ishu esi zhizhini nɛ̀ kifusisi mɛ̀.
Kiɖuwoe lu bɔbaɖɔ nɛ kɛlɛ shu? Tɛbɔɖɔ ɔsɛ, Owusoso Akaa enu anɔ gɛ eɖi banɔ amɛ dza? Ao, anɛ ana!
