Romanɛ 16:7 - Nyangbo New Testament

⁷ Sɛnɔ mɛeshopo alɛ Androniko nɛ̀ Yunio, balɛ nɛ̀ mɛ bɔzã ɔɖavũ. Banɔkpɛkpɛ enyi alɛ piapii gɛ bedzi Kristoelete akpɛ otugbà akɔ mɛ.

Romanɛ 16:7 Referans Kwoze

Romanɛ 16:21

Timoteo gɛ adɛ ɛxɔ̃ɛ ɛlɛ nɛ̀ mɛɛ, Lukio, Yawson nɛ̀ Sesipatro gɛ benu mɛeshopo alɛ tsyɛɛ, basɛnɛ wɔnɔ piapii.

Romanɛ 16:11

Sɛnɔ mɛeshopo Herodion. Sɛnɔ Narkiso nɛ̀ yɛɔpãmɛanɛ gɛ balɛ ɔha kpɛkpɛ mɛ nɛ̀ Apalete Kristoɔ.

Filimon 1:23

Epafra anɔ gɛ akpasɛ ɔɖavũmɛ aplɛnɔ mɛ nɛ Yesu Kristo mɛ asɛnɛ wɔ.

Koloseanɛ 4:10

Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Galatianɛ 1:22

Ɔhaa gɛ ɔzã Kristo mɛ nɛ Yudea nɔ egitì mɛ.

Korintoanɛ 2 5:17

Klisoɔ, onupɛ anɔ teli akpasɛ Kristo mɛɛ, enu kɛdɔ̃ bhɛbhɛtɛ vɔvɔ, kɛdɔ̃ kukuɔ tɛba fala, kɛvɔvɔ ba otsi alɛ!

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Yohanes 1 4:13

Bunyi sɛ bɔkpasɛ yɛmɛ kɛlɛ yɛtsyɛ akpasɛ bɔlɔ mɛ, Ɔmɔsɛ yɛakɔ ɔlɔ Ɔfɔfuĩa nɔ.

Galatianɛ 6:15

Kɛhɔ̃a bhui bhui nɛ̀ kɛhɔ̃a mabhui mabhui tinu kɛdɔ̃ nanà, kɛgɛ pɛɔdɛ kɛlɛinu ebui vɔvɔɔ gɛ babhɛtɛ.

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Galatianɛ 2:6

Bagɛ awɔ̃ɛ anɔ asɛ ɛzãkɔ lɛ balɛ ahɔɛ xɔnɔɔ, kɛka nyia ka ɛdi gɛ benu tsyɛ elo, kitinu kibui gɛ gã ɔtɔ ɔkɔ mɛ, Owusoso Akaa etiekulù kebhu nɛ kana gɛ bɔmɔ anɔ shu, banɔ alɛ agɛ lɔkɔ kɛnanà ɔplɛnɔ mɛ ibuiɛ.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Romanɛ 8:1

Otsiɛ alɛ, kɛpɔ bubu nanà ma ɔkɔ bagɛ alɛ Kristo Yesu mɛ,

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Romanɛ 8:11

Kɛlɛ onupɛ anunɔ gɛ yɛ Ɔfɔfuĩa ɔlɛ ofeke Yesu edenɔ bekpuɔ mɛ ɔlɛ wɔnɔ mɛɛ, kɛlɛ yɛ gɛ efeke Kristo edenɔ bekpuɔ mɛɛ, yɛ ke abakɔ wɔnɔ ishupi tsitsí ɛlɛ ɛkpã ɔgana yɛ Ɔfɔfuĩa nɔ, gɛ ɔlɛ wɔnɔ mɛɛ.

Romanɛ 9:3

Pɔ kɛta dzi mɛ tɛpɛpɛ ɔsɛ tɛ baɖɔ kibui akpɛ mɛ, kɛlɛ tɛ bebhui mɛ atɛɛ nɛ Kristo shu nɛ mɛelɛ alɛ, nɛ̀ mɛepi anɛ,

Romanɛ 16:3

Nɔsɛnɔ Priskila nɛ̀ Akwila, mɛaxɔ̃ɛdɛ ɔhagbo alɛ nɛ Yesu Kristo mɛ.

Romanɛ 16:6

Sɛnɔ Maria, gɛ edzi anunɔ gɛ azawɔa axɔ̃ɛ nɛ̀ kemikpɛkpɛ akɔ ɔnɔ.

Romanɛ 16:8

Sɛnɔ Ampliatus, anunɔ gɛ ɛdɛmɛ nɔ nɛ Apaleteɛ mɛ.

Romanɛ 16:9

Sɛnɔ Urbano, anunɔ gɛ azadɛ Kristo axɔ̃ɛ nɛ̀ mɛ, nɛ̀ Staxis anunɔ gɛ ɛdɛmɛ nɔɔ.

Romanɛ 16:10

Sɛnɔ Apeles, anɔ gɛ eshè nɛ̀ ɔhakpɛkpɛ nɛ Kristo mɛ. Sɛnɔ Aristobolo nɛ̀ yɛɔpãmɛanɛ tsyɛ piapii.

Korintoanɛ 2 12:2

Inyi anyɛ teli gɛ akpasɛ Apaleteɛ mɛ gɛ asɛ agɔ lɔfɔ nɛ talɛ nɛ alɛ befeke yɛ avɛnɔ kititi tramɛ mɛ. Onupɛ ishupi mɛ alo gɛnɛ ishupi mɛ o, mɛxɔnɔ itinyi, Owusoso Akaa xɔnɔ enyi ɛlɛ.