Romanɛ 16:25 - Nyangbo New Testament

²⁵ Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Romanɛ 16:25 Referans Kwoze

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Tesalonikanɛ 2 2:14

Ekulu wɔnɔ akpɛ kɛxɔ̃ɛ ɛlɛ mɛ ɔgana kibui gbangbã mɛ, sɛ tɛ nɔmɔ tɛdadalɛ gɛ kpasɛ ɔlɔ Apalete Yesu Kristoɔ mɛ.

Korintoanɛ 2 4:3

Kɛlɛ onupɛ kidzi asɛ badã kibui gbangbã nɔdɔ̃ tsyɛ elo, badã kɛlɛ bɔdɔ̃ ɔkɔ bagɛ balɛ ɛkpã yalaa.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Timoteo 2 2:8

Baka Yesu Kristoɔ, anɔ gɛ befeke edenɔ bekpuɔ nɛishi pɛ enu David yɛeshui nɔ. Kɛlɛ nu mɛibui gbangbã,

Tesalonikanɛ 2 3:3

Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.

Efesoanɛ 6:19

Nɔ okulu Owusoso Akaa kɔ mɛ tsyɛ, sɛ tɛ onupɛ ɛdalɛ mɛolugbũɔ, babàkɔ mɛ ebui ɖɔɖɔ sɛ tɛ ɛdalɛ kibui kpukpũɔ gɛ kpasɛ kibui gbangbã mɛ kifù masi masi,

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Korintoanɛ 2 4:5

Ɔmɔsɛ anɛ bɔlɔ shu kibui bɔɖɔ, pɔ Yesu Kristoɔ bɔlɔ Apaleteɛ shu bɔɖɔ kaɖɔɔ, kɛlɛ budzi asɛ baxɔ̃ɛdɛ akɔ Yesu ana.

Korintoanɛ 1 1:23

pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Efesoanɛ 3:11

nɛ kɛgɛ atɔɖɔ ɔkɔ ɛkpã tihɔɔ nɔ, gɛ abhɛtɛ ɛlɛ ebeke ɔgana Kristo Yesu bɔlɔ Apaleteɛ mɛ.

Korintoanɛ 1 4:1

Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Romanɛ 14:4

Afana wonu pɛ kɛlɛ sɛ tɛ okulu ebhu nɛ̀ Owusoso Akaa yɛaxɔ̃ɛdɛ? Apaleteɛ ete ko yɛenyi asɛ alɛ piapii alo agɛpɛ. Abalà azã piapii, ɔmɔsɛ Apaleteɛ abalà bhɛtɛ asɛ tɛ akpɛ ogù.

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Romanɛ 16:24

Apalete Yesu Kristo tibhui bhuibuɔ zã ɔplɛnɔ ɔnɔ nyɔ̃ɔ. Amen.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Koloseanɛ 4:3

Kɛlɛ nɔ okulu Owusoso Akaa nɛ bɔlɔ tsyɛ ɛtakpu, sɛ tɛ̀ Owusoso Akaa adalɛ kedulũ ɔkɔ kibuiɛ gɛ bɔɖɔɔ, sɛ tɛ̀ bɔɖɔ Kristo yɛebui kpukpũɔ ɔkanà, kibuiɛ gɛ ɛlɛ shu mɛ kpasɛ ɛɖahuiɛ mɛ.

Kibui Bubú Kasɛ 10:7

Pɔ nɛ kiwui nabha gɛ axɔ̃ɛdɛ gegenemiɛ ababɔ yɛexoele nɔɔ, kɛlɛ Owusoso Akaa ebui kpukpũɔ nyɔ̃ɔ ababá alɛ mɛ, asɛ kɛɖɔ gɛ aɖɔ etseɖe yɛaxɔ̃ɛdɛ gɛenu ebuiɖɔluanɛ.”