Romanɛ 16:2 - Nyangbo New Testament

² Ibisi denɔ wɔnɔ ahɔɛ sɛ tɛ nɔyɛkɛ yɛ nɛ Apalete nɛinye mɛ. Nɔyɛkɛ yɛ asɛ kɛyɛkɛ gɛ nɔyɛkɛ banɔ dadalɛɛ ana, kɛlɛ nɔkɔɛ tɛpɛplɛnɔ ka nyia ka gɛ apɛ edenɔ wɔnɔ ɔkɔ, ɔmɔsɛ axɔ̃ɛdɛ yɛenu akɔ banɔ gelee, gɛ mɛ tsyɛ inu balɛmɛ anɔ tenikpo.

Romanɛ 16:2 Referans Kwoze

Filipianɛ 2:29

Nɔtsyanà yɛ nɛ Apaleteɛ mɛ nɛ̀ same hohoe, tɛ nɔkpɛ ɛtakpu esi ɔkɔ banyɛ gɛ edzì asɛ yɛ ana,

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Yohanes 2 1:10

Onupɛ anɔ teli aba wɔnɔ ɔhha pɛ agɛ mana bɔdɔ̃ kakasɛ ɛlɛ, nɔtɛ̀ gbanà yɛ kpɛ wɔnɔ bɔpã mɛ alo tɛ̀ nɔyɛkɛ yɛ tsyɛ.

Filimon 1:17

Kliso onupɛ ɔlɔkɔ mɛ asɛ wɔ ɔhagbo axɔ̃ɛwɔa ana, kɛlɛ yɛkɛ yɛ asɛ gɛ ɔbɔ yɛkɛ mɛ tsyɛ ana.

Filimon 1:12

Idzinì anɔ gɛ ɛdɛmɛ nɔ nɛ mɛitúɔ mɛ̀ petee nɔ sɛsɛ wɔ.

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Timoteo 2 1:18

Kɛkɔ sɛ tɛ̀ Apaleteɛ aplɛnɔ yɛ tɛ amɔ ashagabui ɖiɖi nɛ kiwui ɛlɛ nabha. Onyi edzo kpekpèɛ gɛ alɛ abha yɛaplɛnɔ mɛ piapii nɛ Efesoɔ.

Timoteo 1 2:10

pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Koloseanɛ 4:10

Mɛɔhagbo Aristaxo gɛ blɔnii kpasɛ ɔɖavũɔ mɛ asɛnɛ wɔnɔ. Marko gɛenu elũdzyɔa ɔkɔ Banaba tsyɛ asɛnɛ wɔnɔ. (Nɔtɛ yɛkɛ ɔshakɔkɔ odenɔ yɛɔkɔ ɔbɔfala nɔ, kliso onupɛ aba wɔnɔ kɔɔ tɛ nɔyɛkɛ yɛ.)

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Romanɛ 16:23

Gayo gɛ yɛɔkɔ bɔzã pɛ edzi bɔlɔ nɛ̀ ɔha pete apaleteɛ asɛnɛ ɔnɔ. Erasto, gɛ abalɛ ɔma ehoeyiɛ, nɛ̀ bɔlɔ adzya Kuarto basɛnɔ ɔnɔ piapii.

Romanɛ 16:9

Sɛnɔ Urbano, anunɔ gɛ azadɛ Kristo axɔ̃ɛ nɛ̀ mɛ, nɛ̀ Staxis anunɔ gɛ ɛdɛmɛ nɔɔ.

Romanɛ 16:6

Sɛnɔ Maria, gɛ edzi anunɔ gɛ azawɔa axɔ̃ɛ nɛ̀ kemikpɛkpɛ akɔ ɔnɔ.

Romanɛ 15:7

Kliso nɔyɛkɛ bagɔlɔ asɛ kɛyɛkɛ gɛ Kristo tsyɛ ayɛkɛ ɔnɔɔ, tɛ kɛkpɛ Owusoso Akaa yɛinye nɛitití.

Banɔkpɛkpɛ Axɔ̃ɛ 9:41

Petro anyana yɛahɔkpɔɔ, pɛ aplɛni yɛalɔ azã yɛtsɛɖɛ nabha. Kɛlɛ ekulu bayɛyɛkɛŋã nɛ̀ bavɛvɛ edzini alɛ pɛ alɔkɔɛ akpɛ ahɔɛ akɔ alɛ enunù.

Banɔkpɛkpɛ Axɔ̃ɛ 9:39

Petro avɛ nɛ̀ alɛ, kɛlɛ gɛ ediku ɛkɛlɛɛ, bagbani yɛavɛnɔ kabhavũɔ mɛ. Kɛlɛ bavɛvɛ edziniɛ alɛ pete abalɔɛtití nɛ Petro ɔbha, pɛ bezebi yoyo kɛlɛ balɔkɔ bɔdɔ̃ kpɛkpɛ gɛ Tabita eyú nɛ kibeɛ gɛ azã balɛ ɔbha aakasɛ alɛ.

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Banɔkpɛkpɛ Axɔ̃ɛ 9:13

Anania ebuiliulũ asɛ, “Apalete, bakɔ mɛ tititì gelee nɛ anyɛ alɛ shu, nɛ̀ bɔdɔ̃ gɛ ezĩ nɛ banɔ dadalɛ shu nɛ Yerusalemuɔ.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 16:15

Sɛnɔ Filologo nɛ̀ Yulia, Nerea, yɛada nɛ̀ Olimpa ɔlɔkɔ plɛnɔ ɔhamɛeyi bhlatɔ pete gɛ balɛ alɛ ɔbha nɛ ɛkɛlɛ.