Romanɛ 15:6 - Nyangbo New Testament

⁶ sɛ tɛ nɔlɔkɔ kitú tinikpo nɛ̀ olugbũ tonikpo ɔkpɛ Owusoso Akaa, gɛenu bɔlɔ Apalete Yesu Kristo Yɛakaa nɛinye nɛitití.

Romanɛ 15:6 Referans Kwoze

Kibui Bubú Kasɛ 1:6

edzu ukusi aŋãsi akɔ ɔlɔ pɛ abhɛtɛ ɔlɔ bunu banɔlũazazã sɛ tɛ bɔdɛ axɔ̃ɛ ɔkɔ yɛ Owusoso Akaa nɛ̀ Yɛakaa, yɛyɛ́ kɛlɛinu ishu dadalɛ nɛ̀ ohumi odenɔ otsiɛ ɔvɛnɔ tihɔ tihɔ! Amen.

Efesoanɛ 1:3

Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Banɔkpɛkpɛ Axɔ̃ɛ 4:24

Gɛ belũ kibui ɛlɛ, bakpɛ ozĩ kitsù nɛ balɛ Owusoso Akaa tikukulu mɛ. Baɖɔ asɛ, “Apaleteɛ gɛ aŋã bukusiɛ,” wɔbhɛtɛ kititì, kesiakpa, aƒu nɛ̀ kɛka nyia ka gɛ kpasɛ balɛ mɛ.

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Korintoanɛ 2 1:3

Nɔkpɛ Owusoso Akaa gɛenu Apalete Yesu Yɛakaa nɛinye nɛitití, Akaa gɛ ebi ashagabui nɛ̀ Owusoso Akaa gɛ ayɔ banɔ nyɔ̃ɔ ishumɛ,

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Efesoanɛ 1:17

Itsiɖi ɛlɛ abha bisi sɛ tɛ bɔlɔ Apalete Yesu Kristoɔ, Akaa gɛ yɛishu dalɛ, sɛ akɔ ɔnɔ Ɔfɔfuĩa mɛ bubutiɛ nɛ̀ kibui bubu kasɛ, sɛ tɛ nɔoti yɛ piapii ɔdɛ.

Koloseanɛ 1:3

Buuhù Owusoso Akaa gɛenu bɔlɔ Apalete Yesu Kristo Yɛakaa ahɔɛ kibe nyia be gɛ onupɛ bukulu Owusoso Akaa nɛ wɔnɔ ɛtakpu,