Romanɛ 15:5 - Nyangbo New Testament

⁵ Owusoso Akaa gɛ akɔ kemikpɛkpɛ nɛ̀ kité kpɛkpɛɛ, akɔ ɔnɔ tenikpo bhɛbhɛtɛ ɔfɔfuĩa asɛ banɔ gɛ alɛ Yesu ede anaa,

Romanɛ 15:5 Referans Kwoze

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Korintoanɛ 1 1:10

Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.

Filipianɛ 4:2

Ɛɛkɔ Ewodia nɛ̀ Sintixe ɛtakpu sɛ tɛ nɔolũ bagɔlɔ esi nɛ Apaleteɛ mɛ.

Filipianɛ 2:2

kɛlɛ nɔkɔ mɛ same mɔmɔ ana nɛ bɔlɔ ekpeɖekpeɖe tenikpo tɛbhɛbhɛtɛ shu, gɛ tɛdɛdɛmɛ nɔ tinikpo ɛlɛ lɛ ɔlɔ ahɔɛ, pɛ bɔlɛ tenikpo nɛ ɔfɔfuĩa nɛ̀ ebui tɔtɔɖɔ mɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Petro 2 3:15

Nɔkɔ kɛzã wɔnɔ ekpeɖekpeɖe mɛ ɔsɛ, Apaleteɛ tɛdɔdɔ fɔ̃ɔ nu tɛyɛyɛkɛ kɔ ɔlɔ, asɛ kana gɛ Paulo bɔlɔ adzya gɛ bɔdɛmɛ nɔ̀ tsyɛ alɔkɔ bubutiɛ gɛ Owusoso Akaa akɔɛ afɔnɔ keplukpa akɔ wɔnɔ nɔ.

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Petro 2 3:9

Anɛ gɛ Apaleteɛ atɛ ahɔa nɛ yɛ tɛtɔtɔɖɔ shu asɛ ilũɔ gɛ beteli elu tɛmahɔa mahɔa esi anà. Adɔ fɔ̃ɔ kɔ ɔnɔ, gɛ atɛ apɛ asɛ tɛ̀ ananà ɛkpã zĩ, pɔ tɛ̀ aka nyia aka etsyinà yɛitúɔ mɛ.

Romanɛ 15:3

Ɔmɔsɛ Kristo tsyɛ elo, agɛ babhɛtɛ kɛgɛ yɛadɛmɛ nɔ akɔ yɛishu, pɔ asɛ kɛfɔ̀nɔ gɛ bafɔnɔ kibuiɛ elu asɛ, “Akwalatuɔ gɛ banunɔ alɔkɔ akwala wɔ nɔɔ, aba yalɛ̀ mɛ.”

Petro 1 3:20

ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,

Korintoanɛ 2 7:6

Pɔ Owusoso Akaa gɛ ayɔ ishumɛ akɔ agɛ yɛ bezhini akpɛ kesiɛ, alɔkɔ Tito tɛbaba ayɔ bɔlɔ ishumɛ nɔ,