Romanɛ 15:2 - Nyangbo New Testament

² Kɛlɛ sɛ tɛ bɔlɔ ɔmayɛmɛ aka nyia aka abhɛtɛ kɛgɛ baku yɛɔhagbo awɔ̃, pɛ ebeshe atɔɖɔ nɛ yɛtɛyɛyɛkɛŋã mɛ.

Romanɛ 15:2 Referans Kwoze

Korintoanɛ 1 10:24

Ananà atɛpɛ yɛ tenikpo tɛpɛpɛ̃, pɔ apɛ kɛgbangbã akɔ babhlatɔ tsyɛ.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Korintoanɛ 1 10:33

asɛ gɛ ɛpɛ sɛ tɛ mɛiku aka nyia aka awɔ̃ nɛ kidzo ka nyia ka abhaa. Gɛnɛ mɛ ete tɛpɛpɛ̃ mɛpɛɛ, pɔ banɔ kpekpèɛ tɛpɛpɛ̃, ɔsɛ tɛ bayɛkɛ alɛ elù nɛkpã.

Korintoanɛ 1 13:5

Tɛdɛdɛmɛ nɔ tɛbhɛtɛ̀ awuĩ ebui, tɛtɛ pɛ mɛ ete yɛ tɛpɛpɛ, tɛtɛ kpɛ ɔmɔpɔɛ nɛ̀ anɔ, tɛtɛ balɛ ebui kpa lu ɔkɔ anɔ.

Korintoanɛ 1 10:23

“Bakɔ kibui ka nyia ka shu kidzo,” pɔ gɛnɛ kɛka nyia ka kɛlɛ vɛnɔ anɔ nɛ otugbà. “Bakɔ kibui ka nyia ka shu kidzo-pɔ gɛnɛ kɛka nyia ka kɛlɛ pɛ̃kɔ anɔ.

Korintoanɛ 1 14:3

Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Korintoanɛ 2 12:19

Aabhɛtɛ wɔnɔ sɛ bɔpɛ asɛ tɛ bubu bɔlɔshu ulũ nɛ wɔnɔ amɛ dza? Bɔɔɖɔ kaɖɔ nɛ Owusoso Akaa amɛ asɛ banɔ gɛ akpasɛ Kristo mɛ ana, mɛadzya alɛ gɛ ɛdɛmɛ nɔ, kɛka nyia ka gɛ bɔbhɛtɛ, bɔbhɛtɛ ɛlɛ ɔkɔ wɔnɔ sɛ tɛ nɔzã gagalĩ.

Korintoanɛ 2 13:9

Same eku ɔlɔ gɛ onupɛ bubotsoɔ, pɔ wɔnɔ xɔnɔ ɔgagalĩ, kɛlɛ bɔlɔ Owusoso Akaa tikukulu lɛ ɔkɔ wɔnɔ tɛpɛpɛ̃.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Efesoanɛ 4:29

Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.