Romanɛ 15:19 - Nyangbo New Testament

¹⁹ ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Romanɛ 15:19 Referans Kwoze

Korintoanɛ 2 12:12

Kɛgɛ kɔ bamɔ anɔ ɔsɛ enu anɔ kpɛkpɛ yɛenu ebui bubukasɛ, ebui gɛ abhɛtɛ ibi nɛ̀ atsyindzye ebui alɛ babhɛtɛ nɛ wɔnɔɛshi nɛ kemikpɛkpɛ.

Hebrianɛ 2:4

Owusoso Akaa tsyɛ aɖɔaɖɔ adalɛ ɛlɛishu ɔgana ɔdɔ̃ tibubu kasɛ, ebui gɛ leku ifu nɛ̀ atsyindzye ebui edi edi mɛ, ɔlɔkɔ plɛnɔ Ɔfɔfuĩa Gbangbã ɔdɔ̃ ɔkɔkɔ nɛ yɛtɛdɛdɛ mɛ ulũ.

Galatianɛ 3:5

Pɔ bɔlɔkɔ Owusoso Akaa alɔkɔ yɛ Ɔfɔfuĩa nɔ akɔ ɔnɔ pɛ abhɛtɛ yɛ atsyindzye ebui nɛ ɔnɔ ɛshi nɛ gɛ nɔbhɛtɛ ɔtɔɖɔ ɔshaa nabha so, pɛnɔsɛ gɛ nɔyɛkɛ kɛgɛ nolũ nabha ɔŋã soɔ dza?

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Banɔkpɛkpɛ Axɔ̃ɛ 20:6

Pɔ buku kelĩabhaohuɔ odenɔ Filipi nɛ kibeɛ gɛ baŋã kifufulũ gɛ Kɛgɛ Nyanyã Iwuiɛ ebeke, kɛlɛ nɛ ewui tetì edeɛ bɔdɛ taplɛnɔ banɔ gɔgɔ nɛ Troa kɛlɛ bɔzã ɛkɛlɛ ewui tegegene.

Banɔkpɛkpɛ Axɔ̃ɛ 17:10

Gɛ keliɛ ebele koɔ, badzya akpɛ Paulo nɛ̀ Sila nɛ Beroea. Gɛ bediku ɛkɛlɛ, bavɛ Yudanɛ ɔtsyɔakɔ.

Banɔkpɛkpɛ Axɔ̃ɛ 20:20

Nɔonyi ɔsɛ igi yide nɛ ebui ɖɔɖɔ nɔnɔ gɛ laba aplɛnɔ wɔnɔ shu, pɔ ɛkasɛ wɔnɔ bɔdɔ̃ nɛ kɛtsalɛ mɛ, nɛ̀ denɔ bɔpã mɛ ɔvɛnɔ bɔpã mɛ.

Banɔkpɛkpɛ Axɔ̃ɛ 19:1

Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli

Banɔkpɛkpɛ Axɔ̃ɛ 18:19

Bediku Efeso, ɛkɛlɛ Paulo ashɛ ayɔlɔ Priskila nɛ̀ Akwila. Yɛ xɔnɔ avɛ ɔtsyɔakɔ pɛ adɛ bhɛtɛ ekpeɖekpeɖe mɛ aplɛnɔ Yudanɛ.

Banɔkpɛkpɛ Axɔ̃ɛ 18:1

Nɛ kibui ɛlɛ niedeɛ, Paulo ashɛ nɛ Atene avɛ Korinto.

Banɔkpɛkpɛ Axɔ̃ɛ 17:15

Banyɛ gɛ bagbana Paulo evunɔɔ agbana yɛ avɛnɔ Atene kɛlɛ Paulo akɔ banyɛ ɔklasɔ̃ asɛ tɛ̀ betseɖe Sila nɛ̀ Timoteo asɛ tɛ badɛ taplɛnii odunu ɔlɛ.

Banɔkpɛkpɛ Axɔ̃ɛ 16:18

Azã kibui ɛlɛ abha nɛ ewui gelee mɛ̀. Kidegba kɛbadɛ Paulo ulũ kɛlɛ etsyina kɛlɛ etseɖe ɔfɔfuĩa nɔ asɛ, “Nɛ Yesu Kristo kinye mɛɛ, ɛkpɛ ɔsha akɔwɔ ɔsɛ tɛ okoeyi nɛ adzɛnuvɔɛ nɔ mɛ!” Tsiɔ̃ ɔlɛ koɔ, ɔfɔfuĩa nɔ koeyi nɛ adzɛnuvɔɛ nɔ mɛ.

Banɔkpɛkpɛ Axɔ̃ɛ 15:12

Kɛza petee abadɔ kananáa gɛ belũ kaɖɔ gɛ Barnaba nɛ̀ Paulo aɖɔ etseɖe alɛ nɛ atsyindzye ebuiɛ gɛ labhɛtɛ ibiɛ gɛ Owusoso Akaa abhɛtɛ nɛ bagɛ etinu Yudanɛ nɛishi ɔgana balɛ abha.

Banɔkpɛkpɛ Axɔ̃ɛ 14:25

kɛlɛ gɛ baɖɔ kibui nɛ Perge ebekeɛ, bagã ediyi nɛ Atalia.

Banɔkpɛkpɛ Axɔ̃ɛ 14:20

Pɔ kidegba gɛ badɔkpasɛnɛ ebeshogo nɛishuɔ, alɔ kɛlɛ etsyina avɛ ɔmamɛ. Gɛ keli azaa, yɛ nɛ̀ Barnaba abashɛ avɛ Derbe.

Banɔkpɛkpɛ Axɔ̃ɛ 14:10

kliso Paulo akpɛ ozĩ ekulu yɛasɛ, “Lɔɛtití nɛ wɔtsɛɖɛ nabha!” Nɛ kibui ɛlɛ̀ tɛɖɔɖɔ shuɔ anyɛ alɔ, etsopoele kɛlɛ akpa gã.

Banɔkpɛkpɛ Axɔ̃ɛ 14:6

Pɔ bebu kɛlɛ akasɛ alɛ, kɛlɛ bebu tɛtsɛɖɛmɛ avɛ Listra nɛ̀ Derbe gɛinu Likonia ɛma hohoeɛ nɛ̀ bɔgbatuɔ gɛkpasɛ ayakpa mɛ,

Banɔkpɛkpɛ Axɔ̃ɛ 13:51

Nɛ kititi lɔlɔ nɛ balɛishu soɔ, bexoelɛ osubhududu nɔ nɛ balɛ ɔtsɛrɛkpɔ shu elu kɛlɛ bashɛ avɛ Ikonio.

Banɔkpɛkpɛ Axɔ̃ɛ 13:14

Denɔ Pergeɛ, bavɛ Pisidia nɛ Antioxia. Nɛ Kimoelewui nabhaa, bavɛ balɛ ɔtsyɔakɔ pɛ badɛ zã kesi.

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Koloseanɛ 1:25

Ɛbadzì kɛlɛ axɔ̃ɛdɛ ɔganà kɛxɔ̃ɛ gɛ Owusoso Akaa akɔ mɛ sɛ ɛkpɛ ahɔɛ akɔ ɔnɔ gɛinu Owusoso Akaa ibuiɛ petee,

Romanɛ 15:24

ɛtɔɖɔ sɛ tɛ mɛba wɔnɔ ɔkɔ nɛ kibeɛ gɛ ɛvɛ Spania. Kibui tɔtɔɖɔ kinu ɔsɛ tɛ mɛiku wɔnɔ ɔkɔ nɛ kibeɛ gɛ ɛfala pɛ ɛvɛɛ, kɛlɛ tɛ mɛbabisi tɛpɛplɛnɔ odenɔ wɔnɔ ɔkɔ nɛ kidzoɔ tɛgagã mɛ, onupɛ ɛzã wɔnɔ ɔbha kɛbɔɛ nɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.