Romanɛ 15:16 - Nyangbo New Testament

¹⁶ ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Romanɛ 15:16 Referans Kwoze

Romanɛ 11:13

Ɛɖɔ kaɖɔ ɔkɔ wɔnɔ bagɛ notinu Yudanɛ. Mɛ asɛ anɔkpɛkpɛ ɔkɔ wɔnɔ bagɛ notinu Yudanɛ ana, ɛwɔa mɛaxɔ̃ɛ

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Filipianɛ 2:17

Pɔ edzi asɛ babalɛ mɛ dzyosu esi odenɔ wɔnɔ ishu tɛlɔlɔkɔ ɔkɔ nɛ̀ kɛxɔ̃ɛ wɔawɔa gɛide tɛyɛyɛkɛŋã mɛɛ tsyɛ elo, same eekù mɛ nɛ ɔnɔ petee shu.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Romanɛ 15:18

Ɛtɛbapɛ ɛwɔawɔa sɛ ibu olugbũ mɛ tɛɖɔ kibui na nà ɔdɛ kɛgɛ Kristo abhɛtɛ aganà mɛabha, sɛ tɛ bagɛ betinu Yudanɛ tsyɛ tɛ belũ atɔ̃ akɔ Owusoso Akaa, ɔgana kɛgɛ ɛɖɔ pɛ ɛbhɛtɛ mɛ-

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Korintoanɛ 2 5:20

Klisoɔ bunu Kristo yɛanɔkpɛkpɛ, gɛ Owusoso Akaa agã bɔlɔ abha pɛ aɖɔaɖɔ etseɖe wɔnɔ. Kliso bubisi denɔ wɔnɔkɔ nɛ Kristo kinye mɛ sɛ tɛ̀ nɔbhɛtɛ tenikpo nɛ̀ Owusoso Akaa.

Korintoanɛ 1 4:1

Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Tesalonikanɛ 1 2:9

Mɛ adzya alɛ mɔ, kibui gbã, bɔtɔ nɛ ɛkpã zazãna gɛ gagalĩ ɔkɔ bɔlɔ, bɔwɔa axɔ̃ɛ elishi nɛ̀ kemuze sɛ tɛ butidzi bɔtɔ ɔkɔ ananà gɛ onupɛ bɔɖɔ Owusoso Akaa kibuiɛ tseɖe wɔnɔ.

Tesalonikanɛ 1 2:2

Bɔtɛ mɔ bɔtɔ bafalanɔ pɛ bazakwala bɔlɔ nɛ Filipi, asɛ gɛ nonyi ana, pɔ nɛ bɔlɔ Owusoso Akaa anɔ tɛpɛplɛnɔ mɛɛ, bɔkpɛ kité pɛ ɖɔ yɛibuiɛ tseɖe wɔnɔ nɛ kititì lɔlɔ gagalĩ ɛlɛ mɛ tsyɛ.

Filipianɛ 4:18

Ɛtɛ yɛkɛ mɛ ɛbhɛ babuia petee, kɛlɛ bazabà buia ɛlɛ atɔɖɔ akɔ mɛ ɔdɛ, baakɔ mɛ bɔdɔ̃ kpekpe, pɔ otsi ko mɛ yɛkɛ bɔdɔ̃ gɛ nɔ sɛsɛ mɛ ɔganà Epafrodito abha. Bunu bɔdɔ̃ gbangbã kɔkɔ, bɔdɔ̃ pɔpɔɛ gɛ kɛlɛ sɛ bayɛkɛ, gɛ buku Owusoso Akaa awɔ̃.

Efesoanɛ 2:22

Kɛlɛ yɛmɛ babhɔ ɔnɔ tsyɛ akpɛ itsù sɛ tɛ nɔodzì ɔzãkɔ gɛ Owusoso Akaa abazã nɛ̀ yɛ ɔfɔfuĩa nɔ.

Efesoanɛ 2:18

Ɔmɔsɛ ɔgana yɛabha bɔlɔ ediɛ taabha mɔ kidzo ɔvɛ Akaa ɔkɔ ɔganà ɔfɔfuĩa tonikpo mɛ.

Galatianɛ 3:5

Pɔ bɔlɔkɔ Owusoso Akaa alɔkɔ yɛ Ɔfɔfuĩa nɔ akɔ ɔnɔ pɛ abhɛtɛ yɛ atsyindzye ebui nɛ ɔnɔ ɛshi nɛ gɛ nɔbhɛtɛ ɔtɔɖɔ ɔshaa nabha so, pɛnɔsɛ gɛ nɔyɛkɛ kɛgɛ nolũ nabha ɔŋã soɔ dza?

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.

Korintoanɛ 2 8:5

Kɛlɛ bagɛ bhɛtɛ asɛ gɛ bɔpɛ nɔ, pɔ beputɔ alɔkɔ balɛishu akɔ Apaleteɛ nɛ bɔlɔ nɛ Owusoso Akaa tɛpɛpɛ ulũ.

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Romanɛ 15:29

Inyi sɛ ɛbaku wɔnɔ ɔkɔɔ, ɛbalɔkɔ Kristo yɛtiyuyula gɛ lɛ Yɛibui Gbangbã mɛ mana wɔnɔ nɛ tikpekpè mɛ.

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Romanɛ 15:20

Kidzi mɛtakpu tɔtɔɖɔ ɔsɛ tɛ mɛɖɔ Kibui Gbangbã nɛ ɛklɛ gɛ betinyi Kristoɔ, sɛ tɛ mɛtɛ kpɛ ɛtakpu nɛ ɛkɛlɛ gɛ anɔ bhlatɔ teli atɛkpɛ ibuiɛ tɛɖɔɖɔ esi akɔ banunɔ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.