Romanɛ 14:8 - Nyangbo New Testament

⁸ Onupɛ bɔlɛ nɛ ɛkpãa, bɔlɛ ɛlɛ ɔkɔ Apaleteɛ, kɛlɛ onupɛ butsí tsyɛɛ, butsí ɔkɔ Apaleteɛ, kliso bɔlɛ nɛ ɛkpã alo butsí tsyɛɛ elo, Apaleteɛ ayɛ ko bunu.

Romanɛ 14:8 Referans Kwoze

Filipianɛ 1:20

Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.

Tesalonikanɛ 1 5:10

Etsi akɔ ɔlɔ, sɛ tɛ edzi asɛ budzi nɛ̀ awɔ̃ alo bɔdɔ̃ taɖa tsyɛ elo, bɔba zã ɛkpã plɛni.

Korintoanɛ 1 15:23

Pɔ anɔ nyia anɔ nɛ yɛibè gɛ batɔɖɔ akɔɛ. Kristo gɛenu anɔ gɛiputɔ, gɛ onupɛ etsodzi aba ebefeke bagɛ benu yɛayɛ.

Banɔkpɛkpɛ Axɔ̃ɛ 21:13

Kɛlɛ Paulo ebuiliulũ asɛ, “Kiɖe sopɛ nɔobiyoyò pɛ nɔyɛɛ mɛ kitúɔ ana? Gɛnɛ mɛ tɛnyanyã ete shu mɛ balɛ ɔkɔ, pɔ ɛbalɛ tsyɛ sɛ tɛ̀ itsi nɛ Yerusalem nɛ Apalete Yesu yɛinyeɛ nɛtakpu.”

Kibui Bubú Kasɛ 14:13

Kɛlɛ ilũ ozĩ loyi odenɔ ititíɛ ɔsɛ, “Fɔnɔ ɔsɛ, beyula bagɛ bazã Apaleteɛ mɛ flogo pɛ betsíɛ, denɛ otsiɛ ɔvɛnɔ.” Ɔfɔfuĩa nɔ ɔɖɔ ɔsɛ, “Ee, bebèmoelɛ odenɔ balɛ axɔ̃ɛ wɔawɔa mɛ, ɔmɔsɛ balɛ axɔ̃ɛ wɔawɔa abazã alɛ ede avɛ.”

Filipianɛ 2:17

Pɔ edzi asɛ babalɛ mɛ dzyosu esi odenɔ wɔnɔ ishu tɛlɔlɔkɔ ɔkɔ nɛ̀ kɛxɔ̃ɛ wɔawɔa gɛide tɛyɛyɛkɛŋã mɛɛ tsyɛ elo, same eekù mɛ nɛ ɔnɔ petee shu.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Filipianɛ 2:30

ɔmɔsɛ agɔ̃ kɛbɔɛ tɛ etsí nɛ Kristo yɛxɔ̃ɛ shu, gɛ alɔkɔ yɛkpã sɛ tɛ akɔ mɛ tɛpɛplɛnɔ gɛ nɔgɛ là kɔ mɛɛ shu.

Banɔkpɛkpɛ Axɔ̃ɛ 13:36

“Gɛ David abhɛtɛ atɔɖɔ Owusoso Akaa yɛ tɛpɛpɛ nɛ yɛibeɛ ebekeɛ, adɔ taɖa, bavɔbɔ yɛ nɛ yashuĩ alɛ nɛwɔ̃a kɛlɛ yɛetsitsíɛ atsɔmɔ̃.