Romanɛ 14:2 - Nyangbo New Testament

² Anɔ teli nɛ yɛtɛyɛyɛkɛŋã lũɔ, adɛmɛ aŋã kɛka nyia ka, pɔ anɔ teli gɛ aka kpɛ ogù nɛ tɛyɛyɛkɛŋã mɛɛ, yɛ xɔnɔ tɛgã ete ko yɛaŋã.

Romanɛ 14:2 Referans Kwoze

Timoteo 1 4:4

Ɔmɔsɛ kɛka nyia ka gɛ Owusoso Akaa abhɛtɛ pɛ̃, kɛlɛ kɛma ɔsɛ bashɛnɛ ahɔɛ nɛ kɛnanà shu onupɛ bayɛkɛ kɛka nyia ka nɛ̀ ahɔɛ huhuɔ,

Romanɛ 14:14

Mɛ, asɛ anɔ gɛ alɛ Apalete Yesu mɛɛ anaa, kɛlɛ mɛ dalɛ ɔkɔ mɛ piapii ɔsɛ, kɛŋaŋã kpa na nà ma nɛ kɛlɛishu ahɔɛ mɛ. Pɔ anunɔ gɛ amɔ kɛŋaŋã tili asɛ kɛlɛishu gɛ dalɛɛ, kɛlɛ anɔ alɛ kɛgɛ dalɛ ɔkɔ.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Galatianɛ 2:12

Flogo tɛ banyɛ teli ebede Yakobo ɔkɔ abaa, azaŋã bɔdɔ̃ nɛ̀ bagɛ etinu Yudanɛ. Pɔ gɛ bebekuɔ, akpà kide yi pɛ ebu yɛishu ɔtɔ nɛ bagɛ etinu Yudanɛ shu, ɔmɔsɛ kifu ziyi yɛ nɛ̀ bagɛ azã kɛhɔ̃a bhui bhui kɛzaa mɛ.

Hebrianɛ 9:10

Bɔdɔ̃ ɔlɛ nu asɛ, bɔdɔ̃ ŋaŋã nɛ̀ ɔdɔ̃ wɔɛwɔɛ nɛ̀ ɛkɔ ediedi ebui tɛbhɛbhɛtɛ ana, alɛ nyɔ̃ɔ enu kanɔ mɛ ebui tɛbhɛbhɛtɛ gɛ lazã ɔvɛnɔ kibeɛ gɛ tɛtɔtɔɖɔ vɔvɔ ɛlɛ baba.

Tito 1:15

Nɛ banɔ gɛ balɛishu dalɛ shuɔ, kɛka nyia ka shu dalɛ, pɔ nɛ bagɛ batsɔmɔ̃ pɛ bagɛ yɛkɛ aŋã ɔkɔ xɔnɔ, kɛnanà shu gɛ dalɛ. Nɛ kibui gbã mɛ, balɛ ekpeɖekpeɖe nɛ̀ balɛ etúɔ mɛ atsɔmɔ.

Korintoanɛ 1 10:25

Nɔŋã kɛdɔ̃ ka nyia ka gɛ baadɛ nɛ kedziɛ mɛ, pɔ nɔtɛ kɔ kɛkpɛ wɔnɔ bulũhũ tɛ nodi bisi kɛliesi olũ,

Romanɛ 14:1

Nɔyɛkɛ anunɔ gɛ yɛtɛyɛyɛkɛŋãa kakpɛ oguɔ tsyɛ ɔkpɛ wɔnɔishi, tɛ nɔtɛ ozokulu ebhu nɛ ebui wawlãkɛ shu.

Romanɛ 14:20

Tɛkɔ ɔsɛ kɛŋaŋã so tɛ Owusoso Akaa yɛxɔ̃ɛ izĩ. Kɛŋaŋã ka nyia ka shu dalɛ, pɔ kɛgɛpɛ ɔsɛ tɛ anɔ aŋã kɛdɔ̃ nɔnɔ́ gɛ bakɔ ɔsɛ tɛ anɔ teli etso dzi nɛ yɛtɛyɛyɛkɛŋã niede.

Romanɛ 15:1

Bɔlɔ agɛ kpɛ ogù nɛ tɛyɛyɛkɛŋã mɛɛ, kɛlɛ sɛ tɛ bɔyɛkɛ ɔkɔ bagɛ lɔma alɛ ahɔɛ, kɛlɛ kɛma sɛ tɛ bɔɔ bhɛtɛ kɛgɛ iku ɔlɔ awɔ̃ɔ.

Korintoanɛ 1 8:9

Nɔoɖi piapii, sɛ tɛ̀ wɔnɔ ishu ahɔɛ mɛ zazã gɛ nɔmɔɔ tidzì kɛdɔ̃ kpakpatà ɔkɔ bagɛ bakakpɛ iguɔ.

Korintoanɛ 1 9:22

Onupɛ ɛkpasɛ bagɛ ebotso nishiɛ, ɛzã asɛ balɛ sɛ tɛ ibu alɛ. Idzi kɛdɔ̃ ka nyia ka ɛdi kɔ anɔ ka nyia ka sɛ tɛ gana kidzo ka nyia ka abha tɛ mɛibu balɛ banɔ teli.