Romanɛ 13:7 - Nyangbo New Testament

⁷ Anɔ ka nyia ka shu gɛ nɔdɔ ɛbhɛ tiliɛ, nɔbuia ɛlɛ ɔkɔɛ, ɔmɛa dzyɔ awɔ wɔnɔ shuɔ, nɔbuia alɛ, kɛxɔ̃ɛ nɔnɔ ɛtakpu gɛ kɛlɛ ɔsɛ tɛ nɔbuia kadzyɔɔ, nɔbuia alɛ, anunɔ gɛ kɛlɛ ɔsɛ nosi yɛifuɔ, tɛ nosii, kɛlɛ anɔ gɛ kɛlɛ sɛ tɛ nɔkpɛ ɛtakpu esi ɔkɔ yɛɛ, nɔkpɛ ɛtakpu esi ɔkɔɛ.

Romanɛ 13:7 Referans Kwoze

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Efesoanɛ 6:5

Banɔ dzidzi mɔ, nɔolũ atɔ̃ ɔkɔ ɔnɔ esiakpa abha apaleteɛ nɛ kɛtakpu esi kpɛkpɛ nɛ̀ kifu sisi mɛ, nɛ wɔnɔ etú dadalɛ mɛ, asɛ kana gɛ nobolũ atɔ̃ ɔkɔ Kristo ana.

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Timoteo 1 6:1

Banunɔ petee gɛ akpasɛ banɔ dzidzì ɔsha niesiɛ, kɛlɛ sɛ tɛ bakpɛ kɛtakpu esi akɔ balɛ apalete alɛ, sɛ tɛ̀ batɛ bagã olũgbu kedzi nɛ Owusoso Akaa yɛinyéɛ nɛ̀ yɛɔdɔ̃ kakasɛ shu.

Efesoanɛ 5:33

Pɔ, kɛlɛ sɛ tɛ wɔnɔ mɛ aka nyia aka tsyɛ adɛmɛ nɛ̀ yɛedzinì asɛ gɛ adɛmɛ nɔ nɛ yɛishu ana, kɛlɛ sɛ tɛ anyɛ edziniɛ akpɛ kɛtakpu esi akɔ yɛinyineɛ.

Timoteo 1 5:13

Nɛ kɛlɛ̀ niedeɛ, balɔkɔ balɛishu akpɛ kɛxɔ̃ɛ mawɔa mawɔa mɛ, pɛ banyɔ afala ode bɔpã ɔlɛ mɛ ɔvɛnɔ bɔlɛ̀ mɛ. Gɛnɛ sɛ gɛ bedzi kɛxɔ̃ɛ mawɔa mawɔa ete, pɔ baɖɔ banɔ shu tibui pɛ bezĩ banɔ shu, pɛ baɖɔ ebui nɔnɔ gɛ kɛma sɛ tɛ baɖɔɔ.

Romanɛ 12:10

Nɔlɔkɔ tɛpɛplɛnɔ ɔkɔ bagɔlɔ nɛ tɛdɛdɛmɛ nɔ̀ nɛ̀ bagɔlɔ mɛ, ɔmɔ asɛ bélɛɛ nɛ Kristo mɛ ana. Nɔkpɛ ɛtakpu esi ɔkɔ bagɔlɔ ɔdɛ wɔnɔ ahɔɛ ishu.

Romanɛ 13:6

Kɛlɛ́ nɛtakpu tsyɛ so pɛ nɔbuia ɔmɛadzɔ, ɔmɔsɛ bagaŋã abha enu Owusoso Akaa yɛaxɔ̃ɛdɛ, gɛ balɔkɔ balɛ kibe akɔ nɛ esiakpa abha axɔ̃ɛ abha tiɖiɖi mɛ.