Romanɛ 13:13 - Nyangbo New Testament

¹³ Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Romanɛ 13:13 Referans Kwoze

Galatianɛ 5:21

nɛ̀ kawɔ̃kpɛ, bunù tibubuku, edzo kpa ede tɛtɔtɔnɔ, nɛ agɛ dzi asɛ alɛ nɛidi. Ɛkpɛ ɔnɔ ɔsha, asɛ gɛ ɛtɛ kpɛ bafala nɔ ɔsɛ, banɔ gɛ edzi nɛ ɛkpã ɛlɛ nɛidiɛ batɛ bavɛ Owusoso Akaa bukusi ŋaŋãa mɛ.

Efesoanɛ 5:18

Nɔtɛwɔɛ bunu obuku, kɛdɔ̃ gɛ gbana anɔ kpɛ same mɔmɔ falanɔ ɛfú mɛ. Pɔ nɔkɔ ɔfɔfuĩa nɔ zã ɔnɔ mɛ.

Tesalonikanɛ 1 4:12

sɛ tɛ kɛkɔ sɛ wɔnɔ kibe nyia be ɛkpã zazãna sɛ tɛ bagɛ etinu Kristoanɛ bamɔ wɔnɔ tɛpɛpɛ, tɛ nɔtɛ zã ananà yɛabha.

Yohanes 1 2:6

Anunɔ gɛ aɖɔ asɛ akpasɛ yɛmɛɛ, kɛlɛ sɛ agã asɛ Yesu anà tsyɛ.

Efesoanɛ 5:15

Nɔoɖi piapii nɛ kana gɛ nɔodzinɔ wɔnɔ ɛkpã shu-nɔtɛ zã asɛ bagɛ etinyi ibui, pɔ asɛ bagɛ enyi ibui ana,

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Tesalonikanɛ 1 5:17

Nɔzã kɛlɛ abha tɛ nokulu Owusoso Akaa,

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Yuda 1:23

nɔbhɛ̃ bagɔgɔɛ odenɔ kifúɔ gɛta mɛ tɛ̀ nɔyɛkɛ ɔkɔ alɛ. Banɔ gɔgɔɛ nɔ nɔobì alɛ ashagabui nɛ kifu sisi mɛ̀, kɛlɛ nɔtɛ dɛmɛnɔ nɛ̀ balɛ akpɛkpɛ gɛ etuturu edenɔ ebui kpa bhɛbhɛtɛ mɛɛ tsyɛ.

Yohanes 2 1:4

Kɛkɔ mɛ same gbagbla sɛ ɛmɔ wɔnɔ eyi alɛ teli sɛ bagã nɛ kibui gbã mɛ, asɛ kana gɛ Akaa akpɛ ɔsha akɔ wɔnɔ ana.

Yakobo 4:5

Pɛnɔsɛ noɖi ɔsɛ kibui ete ko baɖɔ elu nɛ Kibui fɔfɔnɔ luuɔ mɛ ɔsɛ, yɛɔfɔfuĩa nɔ gɛ akɔ asɛ lɔzã ɔlɔ mɛɛ ɔwlɔãkɛ abhã gagalĩi.

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Galatianɛ 5:19

Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,

Banɔkpɛkpɛ Axɔ̃ɛ 2:15

Gɛnɛ bunu banɔ alɛ adɔ asɛ gɛ noɖiɛ, kɛvɔlɔ ɛɖa tizhita nɛlɛ ko gɛta. (ɔmɔsɛ Yudanɛ atɛ dalɛ bunu ɔwɔ̃ɛkɔ nɛ kɛvɔlɔ mɛ)

Korintoanɛ 1 3:3

Kanɔ mɛ banɔ ete nonu. Gɛ kiwuhũ dzadzã nɛ̀ ebela ebui akpasɛ wɔnɔɛishiɛɛ, kɛlɛ kanɔ mɛ anɔ nonuɔ dza? Nɔtɛ ɔbhɛtɛ ebui ɔmɔ asɛ kanɔ nɔ̀ mɛ banɔ nɔ ete dza?