Romanɛ 13:11 - Nyangbo New Testament

¹¹ Nɔbhɛtɛ kɛlɛ tɛ nolũ kibeɛ mɛ gɛ bɔkpasɛ otsiɛ nɔ. Ɔmɔsɛ kibeɛ na ɔkɔ ɔnɔ ɔsɛ tɛ nɔnyɛmɛ odenɔ wɔnɔ taɖa dɔdɔ mɛ, ɔmɔsɛ bɔlɔ tibubu ibeɛ itsu plɛnɔ ɔlɔ ɔdɛ kibeɛ gɛ bulũ kibuiɛ pɛ bɔyɛkɛŋãa.

Romanɛ 13:11 Referans Kwoze

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Efesoanɛ 5:14

ɔmɔsɛ kiwuiɛ kɛlɛ ɔkɔ ɔsɛ bamɔ̃ kɛka nyia ka. Kliso pɛ baɖɔ asɛ, “Nyɛmɛ, O wɔ agɛ ɔɔdɔ̀ taɖaa, lɔ odenɔ bekpuɔ mɛ, kɛlɛ Kristoɔ aba tsé kifu atɔɖɔ wɔabha.”

Korintoanɛ 1 15:34

Nɔotsodzi ɔba wɔnɔ ekpeɖekpeɖe mɛ asɛ gɛ kɛlɛ sɛ nɔbhɛtɛ, tɛ̀ nɔyɔlɔ ebui kpa tɛbhɛbhɛtɛ, ɔmɔsɛ banɔ teli etinyi asɛ Owusoso Akaa alɛ-ɛɖɔ kibui ɛlɛ kpɛ wɔnɔ kiwũi nɔ.

Kibui Bubú Kasɛ 22:20

Anɔ nɔ̀ gɛ aɖɔaɖɔ adalɛ ebui alɛ shuɔ aɖɔ asɛ, “Ee, ɛɛba otsiɛ tsĩɔɔ.” Amen, Apalete Yesu ba.

Kibui Bubú Kasɛ 22:12

“Noɖio, ɛɛba otsiɛ tsĩɔɔ! Ivũnɔ kɛbhɛ gɛ ɛbabuia nɔ, kɛlɛ ɛbakɔ anɔ ka nyia ka nɛ kɛbhɛtɛ gɛ abhɛtɛ nulũ.

Korintoanɛ 1 10:11

Ebui alɛ aba balɛ abha sɛ tɛ balɔkɔ amɔ elu, kɛlɛ bafɔnɔ alɛ elú sɛ tɛ balɔkɔ etseɖe nɔ nɛ bɔlɔ, bɔlɔ bagɛ ebuiɛ gɛ bafɔnɔ eluɔ aba bɔlɔ abha.

Yakobo 5:8

Wɔnɔ tsyɛ elo, nɔdɔ fɔ̃ɔ tɛ nɔzã gagalĩi, ɔmɔsɛ Apaleteɛ nɛbabe na beke.

Petro 2 3:9

Anɛ gɛ Apaleteɛ atɛ ahɔa nɛ yɛ tɛtɔtɔɖɔ shu asɛ ilũɔ gɛ beteli elu tɛmahɔa mahɔa esi anà. Adɔ fɔ̃ɔ kɔ ɔnɔ, gɛ atɛ apɛ asɛ tɛ̀ ananà ɛkpã zĩ, pɔ tɛ̀ aka nyia aka etsyinà yɛitúɔ mɛ.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Yohanes 1 2:18

Mɛeyi alɛ gɛ ɛdɛmɛ nɔ, ɔɖà tata gɔgɔɛ nɔ nɔlɛ, nɛ̀ asɛ kana gɛ notilũ ɔsɛ asɛnɛ kristoelete abaa, otsiɛ nɔ tsyɛ asɛnɛ kristoeleteɛ atɛba eku. Kana bɔlɔkɔ tì ɔsɛ ɔɖà tata gɔgɔɛ nɔ nɔlɛ.

Kibui Bubú Kasɛ 1:3

Tiyuyula ɔkɔ anunɔ gɛ aakalà ebuiɖɔluanɔ ebui alɛ, kɛlɛ tiyuyula ɔkɔ banunɔ gɛ belũ alɛ pɛ bayɛkɛ kɛgɛ bafɔnɔ eluɔ akpɛ itúɔ mɛ, ɔmɔsɛ kibeɛ tsu ba.

Kibui Bubú Kasɛ 22:10

Kɛlɛ etseɖe mɛasɛ, “Tidere ɔdɔ̃ nɛ ebui alɛ gɛ baɖɔ elu nɛ eplukpa alɛ mɛ ulũ, ɔmɔsɛ kibeɛ tso ba.