Romanɛ 12:8 - Nyangbo New Testament

⁸ onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Romanɛ 12:8 Referans Kwoze

Korintoanɛ 2 9:7

Kɛlɛ sɛ anɔ ka nyia ka akɔ kɛgɛ atɔɖɔ asɛ akɔ edenɔ yitúɔ mɛ̀, gɛnɛ gana kibui tɔtɔɖɔ ɔkɔ banɔ abha, ɔmɔsɛ Owusoso Akaa adɛmɛ nɛ̀ anɔ gɛ akɔ kɛdɔ̃ nɛ̀ same.

Timoteo 1 5:17

Besheshèɛ gɛ beɖì ɔhaa nabha, kɛshɔnɔ ɔsɛ balɔkɔ kɛtakpu esi kpɛkpɛ gbangbã tili idi akɔ alɛ, asɛ banunɔ gɛ balɛxɔ̃ɛ wɔawɔa kɛlɛinu kibuiɛ tɛɖɔɖɔ nɛ̀ kɛlɛ tɛkakasɛ.

Korintoanɛ 1 12:28

Kɛlɛ nɛ ɔhaa mɛ tsyɛ, Owusoso Akaa eputɔ ebu banɔkpɛkpɛ, babhalà balɛenu ebuiɖɔluanɔ, batramɛ balɛenu badɔkasɛ, flogo pɛ bagɛ abhɛtɛ̀ ebui gɛ abhɛtɛ̀ ibì, ɔplɛnɔ bagɛ bɔnyã bubu nɛ̀, baagɛ aplɛnɔ banɔ, bagɛ bazã banɔ ulũ nɛ̀ bagɛ behu beluhũ vɔvɔ.

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Banɔkpɛkpɛ Axɔ̃ɛ 15:32

Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.

Banɔkpɛkpɛ Axɔ̃ɛ 13:15

Gɛ bakalà kibuiɛ odenɔ Mose ɔsha nɛ ebuiɖɔluanɛ buplukpa mɛ ebekeɛ, bagɛ beɖi ɔtsyɔakɔ nabha asɛsɛ alɛ ɔklasɔ̃ asɛ, “Bɔlɔ adzya alɛ mɔ, onupɛ kibui tili lɛ wɔnɔ ahɔɛ pɛ nɔbɔ lɔkɔ ɔkpɛ ɔha kemi nɔ, nɔɖɔ ɛlɛ otseɖe bɔlɔ.”

Hebrianɛ 13:24

Nɔsɛnɔ bagɛ agbana ɔnɔ nɛ̀ Owusoso Akaa anɔ petee. Bagɛ bede Italia aba pete asɛnɔ ɔnɔ.

Hebrianɛ 13:22

Mɛadzya alɛ mɔ, ɛɛkpalà ɔnɔ gagalĩi sɛ tɛ nɔyɛkɛ uluhũɔ gɛihu kɔ ɔnɔ gana eplukpa gulũi alɛ gɛ ɛfɔnɔ sɛsɛ ɔnɔ mɛ.

Hebrianɛ 13:7

Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Korintoanɛ 2 8:12

Ɔmɔsɛ onupɛ tɛpɛpɛ ɔkɔ kɛdɔ̃ kɔkɔ lɛɛ, baba yɛkɛ kɛgɛ ɔlàkɔ nɛ kɛgɛ lɛ wɔahɔɛ mɛ, gɛnɛ kɛgɛ ma wɔahɔɛ pɛ ɔtɛbɔlà kɔ shu.

Korintoanɛ 1 14:3

Pɔ anɔka nyia ka gɛ aɖɔ kibui elu xɔnɔ, aɖɔaɖɔ akɔ banɔ sɛ tɛ̀ akpɛ balɛ ohumi, tɛ̀ akpɛ balɛ kemi nɛ̀ tɛ ayɔ balɛ ishumɛ.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 20:2

Anyɔ afala nɛ kɛma ɛlɛ mɛ, pɛ alɔkɔ kaɖɔ ɖɔɖɔ gelee akpɛ banɔ kemi nɔ, gɔgɔɛ nɔ, ediyì nɛ Hela bɔdɔ̃ mɛ,

Timoteo 1 4:13

Ɔvɛnɔ kibeɛ gɛ ɛba baa, lɔkɔ wɔ ishu ɔkpɛ bɔdɔ̃ kakla ɔlɛ mɛ nɛ banɔ ɛshi, ɔkɔ kibuiɛ tɛɖɔɖɔ nɛ̀ kɛlɛ bɔdɔ̃ kakasɛ.

Tesalonikanɛ 1 2:8

Bɔdɛmɛ wɔnɔɛbui popoopo, klisoɔ bɔmɔ same nɛ wɔnɔ sɛ anɛ Owusoso Akaa ɛbuiɛ ete bɔmana wɔnɔ pɔ tɛ nɔkpasɛ bɔlɔ ɛkpã zazãna tsyɛ, ɔmɔsɛ wɔnɔɛbui baku bɔlɔ awɔ.

Tesalonikanɛ 1 2:3

Ɔmɔsɛ tibibisiɛ gɛ bubisiɛ gɛide kesitata alo ekpeɖekpeɖeɛ gɛ yɛishuɔ gɛ dalɛ mɛ alo sɛ tɛ bɔwɔɛ wɔnɔ.

Koloseanɛ 3:22

Banɔ dzidziɛ, nɔolũ atɔ̃ ɔkɔ wɔnɔ kesiakpa abha apaleteɛ nɛ kɛka nyia ka mɛ, nɔtɛ bhɛtɛ ɛlɛ sɛ gɛ balɛ awuhũɔ etsiɖi wɔnɔ abha tɛ nɔoku alɛ awɔ̃ so, pɔ nɔbhɛtɛ ɛlɛ odenɔ ɛyamɛ nɛ̀ kitu gbangbã mɛ tɛ nɔlɔkɔ ɔkpɛ kɛtakpu esi ɔkɔ Apaleteɛ nɔ.

Efesoanɛ 6:5

Banɔ dzidzi mɔ, nɔolũ atɔ̃ ɔkɔ ɔnɔ esiakpa abha apaleteɛ nɛ kɛtakpu esi kpɛkpɛ nɛ̀ kifu sisi mɛ, nɛ wɔnɔ etú dadalɛ mɛ, asɛ kana gɛ nobolũ atɔ̃ ɔkɔ Kristo ana.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 2 9:13

Nɛ axɔ̃ɛ gɛ alɛishu nɔkpɛ kemiɛ pɛ nobu ishu kasɛ, banɔ abakpɛ̀ Owusoso Akaa nɛinye nɛitití nɛ wɔnɔ batɔ̃ lulũɔ gɛ akpà plɛnɔ wɔnɔ ebuimɛ dadalɛ nɛ Kristo shu, nɛ̀ wɔnɔ ɛyamɛ gbangbã gɛ nɔlɔkɔ ɔkɔ alɛ nɛ anɔ ka nyia ka.

Korintoanɛ 2 9:11

Babà bhɛtɛ wɔnɔ nobodzì ehoeyielete nɛ kidzo ka nyia ka abha sɛ tɛ̀ wɔnɔ tsyɛ wɔnɔ ɛyamɛ pɛ̃ kibè nyia bè, kɛlɛ gana bɔlɔ abhaa, wɔnɔ bɔdɔ̃ kɔkɔ badzi ahɔɛhuhu akɔ Owusoso Akaa.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Romanɛ 13:6

Kɛlɛ́ nɛtakpu tsyɛ so pɛ nɔbuia ɔmɛadzɔ, ɔmɔsɛ bagaŋã abha enu Owusoso Akaa yɛaxɔ̃ɛdɛ, gɛ balɔkɔ balɛ kibe akɔ nɛ esiakpa abha axɔ̃ɛ abha tiɖiɖi mɛ.

Romanɛ 12:13

Nɔplɛnɔ ɔhamɛeyi nɔnɔ́ gɛ kɛdɔ̃ nanà ma yɛahɔɛ. Nɔzã ɛyamɛ gbangbã tɛbhɛbhɛtɛ abha ɔkɔ befu.

Banɔkpɛkpɛ Axɔ̃ɛ 13:12

Gɛ ɔma ekusiɛ amɔ kɛgɛ ba ɛlɛ mɛɛ, ayɛkɛ aŋã ɔmɔsɛ Apaleteɛ shu bɔdɔ̃ kakasɛ bhɛtɛ yɛibi.

Banɔkpɛkpɛ Axɔ̃ɛ 4:36

Yosef Levieyi teli gɛede Kipro pɛ banɔkpɛkpɛ ekulu yɛasɛ Barnaba (kinye niesi kɛlɛinu ɔsɛ, eyi gɛ akpɛ anɔ kemi).

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Timoteo 1 6:18

Kpɛ alɛ ɔsha sɛ babhɛtɛ kibui gbangbã, sɛ tɛ bamɔ ehoeyi ɔdɔ̃ nɛ ebui gbangbã tɛbhɛbhɛtɛ mɛ, nɛ̀ tɛ balɛ ɛyamɛ pɛ̃ tɛ kɛdɔ̃ kɔkɔ anɔ zã alɛ mɛ.