Romanɛ 12:6 - Nyangbo New Testament

⁶ Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Romanɛ 12:6 Referans Kwoze

Korintoanɛ 1 7:7

Ɛpɛ sɛ tɛ̀ tsyɛ alo anyɛ ka nyia ka atazã asɛ mɛ ana. Pɔ anyɛ ka nyia ka nɛ kɛgɛ bakɔ yɛ edenɔ Owusoso Akaa ɔkɔ, anɔ alɛ bakɔ yɛ kɛdɔ̃ ɛlɛ, abhlatɔ tsyɛ bakɔ yɛ kɛlɛ.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Romanɛ 1:11

Mɛ tɛpɛpɛ kɛlɛinu ɔsɛ tɛ mɛmɔ ɔnɔ, sɛ tɛ mɛlɔkɔ ɔfɔfuĩa mɛ bɔdɔ̃ kɔkɔ tuli kɔ ɔnɔ tɛ nɔmɔ ohumi.

Korintoanɛ 1 13:2

Onupɛ kibuiɖɔlu kɛdɔ̃ kɔkɔ gɛbalà ebui kpukpũ nɛ bubutì ebui bukasɛ lɛ mɛahɔɛ, kɛlɛ tɛyɛyɛkɛŋã gɛbalà betu akpa ebu lɛ mɛahɔɛ, pɛ tɛdɛdɛmɛ nɔ ma mɛahɔɛ elo, itinu kɛdɔ̃ nanà.

Efesoanɛ 4:11

Yɛenu anɔ gɛ akɔ asɛ beteli edzi banɔkpɛkpɛ, tɛ beteli edzi ebuiɖɔluanɔ, beteli tɛ baɖɔ yɛebuiɛ akanà, kɛlɛ beteli tsyɛ tɛ bedzi kibuiɛ aɖɔɖɔ elete nɛ̀ kɛlɛ adɔ̃kasɛ,

Korintoanɛ 1 14:1

Nɔtɔnɔ tɛdɛdɛmɛ nɔ kidzoɔ ede gagalĩ, tɛ̀ nɔpɛ ɔfɔfuĩa mɛ bɔdɔ̃ kɔkɔ, asɛ kibuiɖɔlu bɔdɔ̃ kɔkɔ ana.

Korintoanɛ 2 8:12

Ɔmɔsɛ onupɛ tɛpɛpɛ ɔkɔ kɛdɔ̃ kɔkɔ lɛɛ, baba yɛkɛ kɛgɛ ɔlàkɔ nɛ kɛgɛ lɛ wɔahɔɛ mɛ, gɛnɛ kɛgɛ ma wɔahɔɛ pɛ ɔtɛbɔlà kɔ shu.

Tesalonikanɛ 1 5:20

nɔtɛ lɔkɔ ebuiɖɔlu ebuiɛ wɔ ufù nɔ.

Korintoanɛ 1 14:29

Ebuiɖɔluanɛ asɛ taabha alo tata baɖɔaɖɔ, kɛlɛ tɛ̀ bagɔgɔ banyɔ kibuiɛ gɛ kɛlɛ yɛaɖɔ shu piapii.

Banɔkpɛkpɛ Axɔ̃ɛ 15:32

Yuda nɛ̀ Sila gɛedzi ebuiɖɔluanɔ baɖɔ ebui gele alɔkɔ akpɛ badzya kemi nɛ̀ ohumi nɔ.

Banɔkpɛkpɛ Axɔ̃ɛ 2:17

“ ‘Owusoso Akaa aɖɔ asɛ, nɛ ewui gɔgɔɛ mɛɛ, mɛ Ɔfɔfuĩa nɔ ɔbɔdɔ banunɔ petee abha. Wɔnɔ beyianyɛ nɛ̀ beyiadzɛ abaɖɔ ebui elu, wɔnɔ bayɛsɔ̃ abamɔ ebui nɛ bɔlala mɛ, wɔnɔ banɔ sheshèɛ babaza balalá.

Filipianɛ 3:15

Kɛlɛ sɛ bɔlɔ agɛ ishèɛ petee zilu awɔ̃ ɖi ebuiɛ ana. Kɛlɛ onupɛ nɛ kawɔ̃pɛ tieli mɛ wɔ bhɛtɛ ekpeɖekpeɖe bhlatɔ mɛ tsyɛɛ, kɛlɛ tsyɛ Owusoso Akaa abadãlɛ ɛlɛ mɛ akɔ wɔ.

Efesoanɛ 3:5

kibui gɛ begi bu akasɛ banɔ nɛ kibeɛ gɛtɛ bafala mɛ, asɛ gɛ Ɔfɔfuĩa nɔ obu ɛlɛ ɔkasɛ Owusoso Akaa anɔkpɛkpɛ dadalɛ nɛ̀ ebuiɖɔluanɔ.

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Korintoanɛ 1 14:24

Pɔ onupɛ anɔ gɛ agɛ yɛkɛŋã, alo anunɔ gɛ etielũ buluhũ niesi ebekoeyì nɛ kibeɛ gɛ anɔ ka nyia ka aaɖɔ kibui elu xɔnɔɔ, ebelũ ɛlɛ esi ɔsɛ ebui kpa bhɛbhɛtɛ elete yɛenu kɛlɛ babalɔkɔ ebui alɛ petee ekulu kebhu nii nɔ̀,

Banɔkpɛkpɛ Axɔ̃ɛ 21:9

Beyiadzɛ talɛ gɛ bakazana anyɛ azã yɛahɔɛ gɛ baɖɔ ebui elú.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Korintoanɛ 1 12:18

Pɔ nɛ kibui gbã mɛ, Owusoso Akaa alɔkɔ bɔwɔ̃pɛ ɔwɔ̃pɛ abhɔ ishupiɛ nɔ, bɔlɛ mɛ ɔkɔ nyia ɔkɔ, nɛ kana gɛ apɛ asɛ tɛ̀ bɔzã nulũ.

Petro 2 1:20

Kɛgɛ dɛ alɛ petee kɛlɛinu ɔsɛ, kibui ɖɔɖɔlu nanà ma gɛ ebuiɖɔluanɔ aɖɔ nɛ balɛishu ahɔɛ mɛ.