Romanɛ 12:3 - Nyangbo New Testament

³ Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Romanɛ 12:3 Referans Kwoze

Galatianɛ 6:3

Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Petro 1 5:8

Nɔŋã wɔnɔ ishu abha tɛ̀ nɔzã nɛ̀ awɔ. Agɛ atɛadɛmɛ wɔnɔ ɛbui gɛenu abosamuɔ aafala asɛ dzata gɛ aadzɔ̀ pɛ apɛ anɔ asɛ tɛ̀ evũ atã.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Yakobo 4:6

Pɔ ebhui ɔlɔ ebu popopo. Kliso pɛ Yɛibuiɛ ɖɔ ɔsɛ, “Owusoso Akaa alɔɛtití nɛ bagɛ befeke ishuɔ shu pɔ ebhui bagɛ ezhinɔ ishu esiɛ ebu.”

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Korintoanɛ 1 7:17

Kɛkpasɛ kɛlɛ mɛ pɔ, anɔ ka nyia ka anyana ɔzãkɔ gɛ Apaleteɛ akpɛ ahɔɛ akɔɛ nɛ̀ kɛgɛ Owusoso Akaa ekulu yɛakɔ evunɔ. Ɔsha lɛ nabha mɛidzu ɔhaa petee tɔɖɔ.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Tito 2:2

Kasɛ banɔ sheshèɛ tɛ belu kitu esi, sɛ tɛ bakpɛ kɛtakpu esi akɔ alɛ, ishu abha ŋaŋã, bazã piapi nɛ tɛyɛyɛkɛŋã mɛ, nɛ tɛdɛdɛmɛ nɔ nɛ̀ kemikpɛkpɛ mɛ.

Korintoanɛ 2 12:7

Tɛ kibu mɛ oyinɔ denɔ ishu fefeke mɛ gɛ, nɛ ebui gɛ labhɛtɛ kibi alɛ gɛ bebu akasɛ mɛ so, balɔkɔ kiwú akpɛ mɛishuɔ mɛ, gɛenu Satana yɛanɔkpɛkpɛ sɛ tɛ̀, ahɔhɔlɛ mɛ.

Romanɛ 11:20

Kɛlɛ kɛlɛ́ mɛ. Pɔ bebhui bɔshɛ nɔ atsɛ ɔmɔsɛ bagɛ yɛkɛ aŋã, wɔ xɔnɔ wɔ tɛyɛyɛkɛŋã so pɛ bayɛkɛ wɔedzu. Tɛofeke ishu, kɔ kifu pɔ zã wɔ mɛ.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Petro 1 1:13

Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Tito 2:4

Kɛlɛɛ babalà kasɛ badzɛnuvɔɛ nɔ tsyɛ ɔsɛ tɛ badɛmɛ nɔ nɛ̀ balɛ enyine nɛ̀ balɛ eyi alɛ,

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Tito 2:6

Kidzo ɛlɛ nabha, nɔkpɛ bayisɔ̃ nɔ emi tɛ baŋã balɛishu abha.

Timoteo 1 2:15

Pɔ bebèbu badzɛ ɔgana eyimɔmɔ mɛ, onupɛ bazã ɛlɛ abha nɛ tɛyɛyɛkɛŋã mɛ, tɛdɛdɛmɛ nɔ, ishu dadalɛ nɛ̀ ɛkpã zazãna gbangbã mɛ.

Timoteo 1 2:9

Ɛpɛ tsyɛ sɛ tɛ badzɛ akpɛ bɔdɔ̃ asɛ badzɛ ana, tɛ̀ apɔɔɖi, ɔkɔ ɔhaɛshi tɛzazã asɛ baadzɛ ana, gɛnɛ tɛ beyu ɛtakpu alo tɛ bazã sikã ɔdɔ̃ nɛ̀ bɔdɔ̃ kpɛkpɛ gɛ yɛkɛ kedziɛ mɛ,

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Efesoanɛ 3:4

Denɔ kibui ɛlɛ tɛkaklà mɛ, nɔobolũ mɛibui ɛlɛ mɛ piapi nɛ Kristo yɛebui kpukpũɔ shu,

Korintoanɛ 2 12:13

Kɛlɛ nɔzã asɛ banɔ bhlui ɔkɔ ɔhaa bhlatɔ, gɛ idzi bɔtɔ kɔ wɔnɔ flogo nɔɔ dza? Nɔlɔkɔ kesitata alɛ tsye mɛ!

Korintoanɛ 1 3:10

Nɛ kibhuiɛ gɛ Owusoso Akaa ebhui mɛebuɔ, mɛkpɛ buvũ niesi asɛ buvũdzudzu gbangbã elete ana, kɛlɛ anɔbhlatɔ yɛaba bhɔ bɔlɛ atɔɖɔ. Pɔ anɔ nyia anɔ eɖi piapii nɛ̀ kɛbhɔ gɛ abhɔɔ yɛuvũɔ.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Yohanes 3 1:9

Ɛfɔnɔ keplukpa kɔ ɔhaa, pɔ Ɖiotrefo, gɛ apɛ asɛ tɛ̀ eku anɔ awɔ̃ soɔ, atɛ eɖi ɔlɔ akpɛ kɛnanà mɛ.

Koloseanɛ 2:13

Kibeɛ gɛ nɔotsí nɛ wɔnɔ ebui kpa bhɛbhɛtɛ mɛ, gɛ beke bhui kɛhɔ̃a akɔ ɔnɔ pɛ nɔzã ebui kpa bhɛbhɛtɛ mɛ tyɛ elo, Owusoso Akaa akɔ nɔzã nɛkpã nɛ̀ Kristo. Alɔkɔ ebui kpa etsye ɔlɔ petee,

Koloseanɛ 1:29

Ɔvɛnɔ kibui ɛlɛ ɔgɔgɔɛ ɔkɔɔ mɛɛtɔ, pɛ ɛwlɔ̃akɛ nɛ̀ yɛohumi nɔ petee, gɛ lɔwɔa axɔ̃ɛ gagalĩi nɛ mɛ mɛ̀.

Efesoanɛ 3:2

Kɛlɛ ɛlɛ mɛ ɔsɛ nɔolũ Owusoso Akaa yɛ tibhui bhuibu ɛxɔ̃ɛ gɛ akɔ mɛ akɔ ɔnɔ,

Korintoanɛ 2 10:13

Bɔlɔ xɔnɔɔ, tɛbàtũ ahɔɛ nɛ etelũ falanɔ kifú, bɔbà lɔkɔ etelũɔ gɛ butũɔ kpɛ kɛxɔ̃ɛ nɔnɔ gɛ Owusoso Akaa akpɛ ahɔɛ akɔ bɔlɔ mɛ, axɔ̃ɛ wɔawɔa gɛ leku wɔnɔ kɔɔ tsyɛ.

Filipianɛ 2:13

ɔmɔsɛ Owusoso Akaa yɛawɔa axɔ̃ɛ nɛ ɔnɔ mɛ, flogo tɛ ɔtɔɖɔ ɛbui tili, nɛ̀ tɛ obu katsɛɖɛ tieli nɛ yɛ tɛtɔtɔɖɔ gbangbã nɔlũ.