Romanɛ 12:16 - Nyangbo New Testament

¹⁶ Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Romanɛ 12:16 Referans Kwoze

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Hebrianɛ 13:5

Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”

Romanɛ 15:5

Owusoso Akaa gɛ akɔ kemikpɛkpɛ nɛ̀ kité kpɛkpɛɛ, akɔ ɔnɔ tenikpo bhɛbhɛtɛ ɔfɔfuĩa asɛ banɔ gɛ alɛ Yesu ede anaa,

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Korintoanɛ 1 8:2

Anunɔ gɛ abhɛtɛ yɛ asɛ enyi kibui tiliɛ, eketì kɛlɛ asɛ kana gɛ kɛlɛ sɛ etiɛ.

Korintoanɛ 1 6:5

Ɛɖɔ ebui alɛ sɛ tɛ ɛlɔkɔ kpɛ wɔnɔ awuĩ nɔ. Kɛpɛ otsiɛ sɛ ebutinɛ nanà atɛzã wɔnɔ ɛshi gɛ abalà kebhu ekulu nɛ bayɛyɛkɛŋã nɛishi dza?

Filipianɛ 4:2

Ɛɛkɔ Ewodia nɛ̀ Sintixe ɛtakpu sɛ tɛ nɔolũ bagɔlɔ esi nɛ Apaleteɛ mɛ.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Petro 1 5:3

gɛnɛ tɛ̀ nɔodzì bapalete ɔkɔ bagɛ bakpasɛ wɔnɔ esiɛ, pɔ tɛ̀ ibhoshiɛ ɖi wɔnɔ ɛkpã tɛ̀ bazã balɛ ɛyɛ nɛ ɛlɛ ulũ.

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Korintoanɛ 1 1:10

Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Yohanes 3 1:9

Ɛfɔnɔ keplukpa kɔ ɔhaa, pɔ Ɖiotrefo, gɛ apɛ asɛ tɛ̀ eku anɔ awɔ̃ soɔ, atɛ eɖi ɔlɔ akpɛ kɛnanà mɛ.

Romanɛ 6:2

Kɛma ɛlɛ mɛ ana! Gɛ butitsí kɔ kibui kpaa, kiɖeso pɛ bɔbazã kɛlɛ tɛbhɛbhɛtɛ abha vɛnɔ otugbà?

Romanɛ 11:20

Kɛlɛ kɛlɛ́ mɛ. Pɔ bebhui bɔshɛ nɔ atsɛ ɔmɔsɛ bagɛ yɛkɛ aŋã, wɔ xɔnɔ wɔ tɛyɛyɛkɛŋã so pɛ bayɛkɛ wɔedzu. Tɛofeke ishu, kɔ kifu pɔ zã wɔ mɛ.