Romanɛ 12:12 - Nyangbo New Testament

¹² Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Romanɛ 12:12 Referans Kwoze

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Hebrianɛ 10:36

Nɔkpɛ emi, pɛ nɔbhɛtɛ nɛ Owusoso Akaa yɛtɛtɔtɔɖɔ lu abhaa, nɔbɔ yɛkɛ kɛgɛ atɔɖɔ elu asɛ abakɔ ɔnɔɔ.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Yakobo 5:7

Kliso mɛadzya alɛ mɔ, nɔdɔ fɔ̃ɔ ɔvɛnɔ Apalete nɛbabe. Nolu awɔ̃ nɛ kɛdɔ gɛ ayadɛ àdɔ fɔ̃ɔ akɔ esiakpa sɛ tɛ kakɔ ɔdɔ̃eyi eshè nɛ alɛ abha, nɛ̀ kipoɔ gɛ epo subha nɛ yɛdɔbeɛ oɖi.

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Filipianɛ 4:4

Nɔmɔ same nɛ Apaleteɛ mɛ kibe nyia bè, iwlui kaɖɔ ɛlɛ sɛ, nɔmɔ same!

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Tesalonikanɛ 2 3:5

Nɔkɔ Apaleteɛ ashɔrɔ wɔnɔ etúɔ akpɛ tɛdɛdɛmɛ nɔ nɛ̀ Owusoso Akaa nɛ kemi kpɛkpɛ nɛ Kristo mɛ.

Tesalonikanɛ 1 5:8

Pɔ gɛ bɔlɛ kɔ kelizaza soɔ, nɔkɔ bɔnyana ishu vunɔ, tɛ bɔkpɛ tɛyɛyɛkɛŋã nɛ tɛdɛdɛmɛ nɔ asɛ kitelũ ɔɖa akpɛkpɛ ana, tɛ bukumũ kidzo mɛ ɖiɖi ɔkɔ tibubu asɛ kikutu ana.

Banɔkpɛkpɛ Axɔ̃ɛ 1:14

Banɔ alɛ nyɔ̃ɔ abhɛtɛ tenikpo nɛ Owusoso Akaa tikukulu mɛ kibe nyia be ɔplɛnɔ badzɛ, nɛ̀ Maria gɛenu Yesu yɛelĩ nɛ̀ yɛadzya alɛ.

Timoteo 1 6:11

Pɔ wɔ, Owusoso Akaa anɔ, bu tɛtsɛɖɛ mɛ ɔshɛ nɛ ebui alɛ petee shu, tɛ ɔtɔnɔ ebui gbangbã tɛbhɛbhɛtɛ, Owusoso Akaa mɛ tɛzazã, tɛyɛyɛkɛŋã, tɛdɛdɛmɛ nɔ, kemikpɛkpɛ nɛ̀ anɔ yɔyɔ tidzidzi ede.

Hebrianɛ 10:32

Nɔbaka ewuiɛ gɛ abafala pɛ nɔyɛkɛ tɛdadalɛ oɖi. Kibe ɛlɛ nɔzã piapii, nɔɔkpɛ emi ɔzɔwlɔãkɛ gagalĩi nɛ bɔtɔ gelee mɛ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 1:11

tɛ̀ nɔzã gagalĩ nɛ̀ ohumi petee nɛ yɛ ohumi dadalɛ nulũ, sɛ tɛ̀ nɔmɔ kemi kpɛkpɛ nɛ̀ kitu esi lulu tɛ nozohu Akaa

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Kibui Bubú Kasɛ 13:10

Onupɛ kɛlɛ sɛ tɛ anɔ teli azã anɔ esiɛ, anɔ esi yɛbavɛ adɛzã. Onupɛ kɛlɛ sɛ bɛtɛ̀ balɔkɔ tɛ beyí anɔ teli nɔɔ, bɛtɛ̀ babàlɔkɔ eyí nɔ. Baɖɔ kɛlɛ ana, sɛ tɛ bagɛ badalɛ balɛishuɔ tɛ baadɔ fɔ̃ɔ nɛ̀ kemi kpɛkpɛ nɛ̀ tɛyɛyɛkɛŋã mɛ.

Petro 2 1:6

kɛlɛ tɛ̀ kibuititiɛ plɛnɔ ishu abha ŋaŋã, ishu abha ŋaŋã, kemi kpɛkpɛ, tɛ̀ kemi kpɛkpɛ aplɛnɔ Akaa mɛ tɛzazã,

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Tesalonikanɛ 2 1:4

Klisoɔ, nɛ Owusoso Akaa ɔhaa nɛishiɛ, butũ ahɔɛ nɛitélũ nɛ kana gɛ nɔkpɛ kemi nɛ wɔnɔ tɛyɛyɛkɛŋã, kede tɛtɔtɔnɔ nɛ̀ tifefekeɖiɛ gɛ nɔkpɛ emi ɔkɔ.

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Romanɛ 15:4

Ɔmɔsɛ Owusoso Akaa yɛibui ka nyia ka gɛ bafɔnɔ elu nɛ kibeliɛɛ, bafɔnɔ kɛlɛ elu asɛ tɛ kɛkasɛ ɔlɔ bɔdɔ̃, sɛ tɛ gana kitèkpɛkpɛ nɛ̀ kemikpɛkpɛ mɛɛ, tɛ bɔyɛkɛ kɛgɛ ɛlɛ idzo mɛ buɖi nabha ɔŋã.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Romanɛ 8:25

Pɔ onupɛ bulu awɔ̃ nɛ kɛdɔ̃ gɛ kaku ɔlɔ ahɔɛ mɛɛ, kɛlɛ bulú kitú esi ipo ɛlɛ.

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Timoteo 2 3:10

Wɔ, onyi ibui odenɔ mɛɔdɔ̃ kakasɛ petee shu, mɛ ɛkpã gɛ idzinɔ, kɛgɛ ɛtɔɖɔ, mɛ tɛyɛyɛkɛŋã, mɛ kitú esi lulu, mɛ tɛdɛdɛmɛ nɔ, mɛ kemì tɛkpɛkpɛ,

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Filipianɛ 3:1

Gɔgɔɛ nɔ mɛadzya alɛ mɔ, nɔmɔ same nɛ Apaleteɛ mɛ. Kitinu bɔtɔ ɔkɔ mɛ sɛ iwlui kaa fɔnɔ ebui alɛ sɛsɛ ɔnɔ, kɛlɛinu kibui gɛ ba po ɔnɔ.

Korintoanɛ 2 12:8

Bɔtɛ tɛtà mɛkɔ Apalete nɛtakpu sɛ tɛ ebu mɛ eyinɔ edenɔ kɛlɛ mɛ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Banɔkpɛkpɛ Axɔ̃ɛ 12:5

Kliso Petro azã ɔɖavũɔ mɛ, pɔ ɔhaa ezekulu Owusoso Akaa nɛ yɛtakpu gagalĩi nɛ̀ awuhũdzadzã.

Banɔkpɛkpɛ Axɔ̃ɛ 6:4

tɛ kɛkɔ bɔmɔ kibè ɔkɔ Owusoso Akaa tikukulu nɛ̀ yɛibuiɛ tɛɖɔɖɔ.”

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.