Romanɛ 12:10 - Nyangbo New Testament

¹⁰ Nɔlɔkɔ tɛpɛplɛnɔ ɔkɔ bagɔlɔ nɛ tɛdɛdɛmɛ nɔ̀ nɛ̀ bagɔlɔ mɛ, ɔmɔ asɛ bélɛɛ nɛ Kristo mɛ ana. Nɔkpɛ ɛtakpu esi ɔkɔ bagɔlɔ ɔdɛ wɔnɔ ahɔɛ ishu.

Romanɛ 12:10 Referans Kwoze

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Hebrianɛ 13:1

Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Yohanes 1 4:11

Mɛɔbhia alɛ gɛ ɛdɛmɛ nɔ, gɛ Owusoso Akaa adɛmɛ ɔlɔ ibui soɔ, kɛlɛ sɛ bɔlɔ tsyɛ dɛmɛ nɛ̀ bagɔlɔ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Yohanes 1 4:20

Onupɛ anɔ teli aɖɔ asɛ “Ɛdɛmɛ nɔ Owusoso Akaa,” pɛ atɛ adɛmɛ nɔ nɛ̀ yɛadzyaa, asɛnɛ elete yɛenu. Ɔmɔsɛ anɔ ka nyia ka gɛ agɛ dɛmɛ nɔ nɛ̀ yɛadzyaa, anɔ gɛ amɔ nɛ̀ awuhuɔ, atɛ balà adɛmɛ nɔ nɛ̀ Owusoso Akaa gɛ atɛ amɔ nɛ̀ awuhũ.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Romanɛ 13:7

Anɔ ka nyia ka shu gɛ nɔdɔ ɛbhɛ tiliɛ, nɔbuia ɛlɛ ɔkɔɛ, ɔmɛa dzyɔ awɔ wɔnɔ shuɔ, nɔbuia alɛ, kɛxɔ̃ɛ nɔnɔ ɛtakpu gɛ kɛlɛ ɔsɛ tɛ nɔbuia kadzyɔɔ, nɔbuia alɛ, anunɔ gɛ kɛlɛ ɔsɛ nosi yɛifuɔ, tɛ nosii, kɛlɛ anɔ gɛ kɛlɛ sɛ tɛ nɔkpɛ ɛtakpu esi ɔkɔ yɛɛ, nɔkpɛ ɛtakpu esi ɔkɔɛ.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Koloseanɛ 1:4

ɔmɔsɛ bulu wɔnɔ tɛyɛyɛkɛŋã nɛ Yesu Kristo abha nɛ̀ wɔnɔ tɛdɛdɛmɛ nɔ gɛ nɔlɔkɔ ɔkɔ banɔ dadalɛ petee,

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.