Romanɛ 11:25 - Nyangbo New Testament

²⁵ Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Romanɛ 11:25 Referans Kwoze

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Kibui Bubú Kasɛ 10:7

Pɔ nɛ kiwui nabha gɛ axɔ̃ɛdɛ gegenemiɛ ababɔ yɛexoele nɔɔ, kɛlɛ Owusoso Akaa ebui kpukpũɔ nyɔ̃ɔ ababá alɛ mɛ, asɛ kɛɖɔ gɛ aɖɔ etseɖe yɛaxɔ̃ɛdɛ gɛenu ebuiɖɔluanɛ.”

Kibui Bubú Kasɛ 7:9

Nɛ kɛlɛ niedeɛ ɛmɔ banɔɛza kpekpè tili gɛ anɔ nanà atɛ balà akalà nɛ mɛotugbà, bede ɛmadi ka nyia ka, egbogbo, banɔ edi edi nɛ̀ beluhũ ka nyia ka mɛ, pɛ balɔ itití nɛ ekusiegbuɔ nɛ̀ Obhoshieyiɛ otugbà. Bakpɛ akpɛkpɛ dzlolo frɛrɛ, pɛ bevunɔ trɛwɔ̃a nɛ balɛ ahɔɛ mɛ.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Kibui Bubú Kasɛ 11:15

Axɔ̃ɛdɛ gegenemiɛ abɔ yɛexoele nɔ, kɛlɛ izĩ kpɛkpɛ gagalĩ yi nɛititíɛ ɔsɛ, “Kanɔ mɛ ukusi ŋaŋãa tsyina dzi bɔlɔ Apaleteɛ, nɛ̀ yɛ Kristo ɔyɛ, kɛlɛ yɛabaŋã ukusiɛ ovɛnɔ tihɔ, tihɔ.”

Petro 2 3:8

Mɛ ɔbhia alɛ gɛ ɛdɛmɛ nɔ, pɔ nɔtɛ̀ dzɛkɛ kibui tinikpo ɛlɛ ɔsɛ̀, “Nɛ apaleteɛ namɛ, kiwui tinikpo dzì asɛ agɔ ihotu, kɛlɛ agɔ ihotu tsyɛ dzì asɛ kiwui tinikpo ana.

Korintoanɛ 1 10:1

Mɛ adzya alɛ mɔ, pɔ ɛgɛpɛ sɛ tɛ̀ kɛzã tikpukpũ mɛ ɔkɔ wɔnɔ sɛ, bɔlɔ ashuĩ alɛ petee azã ɔmɔlɔ niesi, kɛlɛ balɛ petee agã aƒuɔ mɛ ekoeyì.

Romanɛ 1:13

Mɛelɛ alɛ mɔ, ɛpɛ sɛ tɛ kɛzã tititì mɛ kɔ ɔnɔ ɔsɛ anɛ obo mɛtɔɖɔ wɔnɔ ɔkɔ tɛbaba ibui flogo (pɔ ɛgɛzɛmɔ ɛdzo ɔmana otsiɛ) tɛ mɛmɔ ɛdzo tɛ mɛibu atɔwui nɛ ɔnɔ mɛ, asɛ ibu gɛ itibu atɔwui teli gɛ letinu Yudanɛ nɛ ɛkɔ tili ana.

Korintoanɛ 1 12:1

Mɛ adzya alɛ, otsiɛ nɛ ɔfɔfuĩa mɛ kɛdɔ̃ kɔkɔ shuɔ, ɛgɛ pɛ sɛ tɛ̀ kɛzã tikpukpũ mɛ kɔ wɔnɔ.

Romanɛ 9:18

Kliso Owusoso Akaa eɖi ashagabui akɔ anunɔ gɛ apɛ asɛ tɛ eɖi ashagabui akɔ, kɛlɛ anunɔ gɛ apɛ asɛ ɛtakpu mɛ gagalĩ zã yɛ, akɔ ɛlɛ mɛ gagalĩ.

Romanɛ 11:12

Onupɛ Israelanɛ ebui kpa bhɛbhɛtɛ etsyina edzì tiyuyulà gelee ɔkɔ kanɔ nɔ mɛ, kɛlɛ balɛ kide vɛvɛ nɛ Owusoso Akaa shu tsyina dzì tiyuyulà ɔkɔ bagɛ betinu Yudanɛɛ, kɛlɛ tiyuyulà ɖuwoe kɛbadzì onupɛ Israelanɛ pete etsyina edzì Owusoso Akaa ayɛɛ dza?

Romanɛ 11:24

Wɔnɔ bagɛ notinu Yudanɛ, gɛ nɔlɛ asɛ kifutu mɛ busiushɛ gɛ bebhui edzu atɔɖɔ besidzudzu ushɛ abha ana, gɛ balɛ enu Israel ɛmadiɛ. Kliso kitinu kibui gagalĩ ɔkɔ Owusoso Akaa asɛ tɛ edzini besidzudzu alɛ nɔshɛ bhui bhuiɛ edzu atɔɖɔ besidzudzu alɛ ke abha.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Korintoanɛ 1 4:1

Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Efesoanɛ 1:9

Kɛlɛ akɔ butì ebui kpukpũɔ gɛ akpasɛ yɛ kibui gɛ apɛ, pɛ atɔɖɔ ɔganà Kristo abha,

Efesoanɛ 4:18

Balɛ ebui esi lulũɔ mɛ eku otumũ, kɛlɛ bebu ishu ɔtɔ nɛ Owusoso Akaa ɛkpã shu, nɛ kibui matì matiɛ gɛ kpasɛ alɛ mɛ, nɛ gɛ bagagalĩ balɛ etúɔ mɛ so.

Kibui Bubú Kasɛ 1:20

Kibui kpukpũɔ gɛlɛ awɔ̃ɛ tegegeneɛ gɛ ɔmɔ̃ nɛ mɛŋã ɔhɔɛ mɛ nɛ̀ sikãefu isí tigegeneɛ nu ɛlɛ. Awɔ̃ɛ tegegeneɛ enu baxɔ̃ɛdɛ tegegeneɛ ɔkɔ baha tegegene, kɛlɛ ifu isí tegegeneɛ nu bahá tegegeneɛ.