Romanɛ 10:9 - Nyangbo New Testament

⁹ Kɛlɛinu ɔsɛ, tɛɔdalɛ kɛlɛ mɛ nɛ wɔolũgbuɔ ɔsɛ, “Yesu enu Apalete,” kɛlɛ ɔyɛkɛ ɔŋã nɛ wɔɛtúɔ mɛ ɔsɛ, Owusoso Akaa efeke edenɔ bekpuɔ mɛɛ, bebè bu wɔ.

Romanɛ 10:9 Referans Kwoze

Banɔkpɛkpɛ Axɔ̃ɛ 16:31

Bebuiliulũ asɛ, “Yɛkɛ Apalete Yesu abha ɔŋã kɛlɛ ɔbɔ mɔ ɛkpã, wɔ nɛ̀ wɔ bɔpã mɛ anɛ.”

Filipianɛ 2:11

kɛlɛ kineke ka nyia ka dalɛ kɛlɛ mɛ ɔsɛ Yesu Kristo yɛenu Apaleteɛ, ɔkɔ Owusoso Akaa gɛenu Akaa shu tɛdadalɛ.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Romanɛ 14:11

Bafɔnɔ kibuiɛ elu asɛ, “Apalete aɖɔ asɛ, ‘Gɛ ɛnya lɛ nɛ ɛkpã koɔ,’ anɔ nyia anɔ ebedzu ekluisi esi akɔ mɛ, kɛlɛ olugbũ ka nyia ka ɔbɔdalɛ ɛlɛ mɛ ɔsɛ mɛinu Owusoso Akaa.’ ”

Korintoanɛ 1 12:3

Klisoɔ, itseɖe wɔnɔ sɛ anɔ nanà gɛ aɖɔaɖɔ nɛ̀ Owusoso Akaa ɔfɔfuĩa nɔ atɛ baɖɔ asɛ, “Baɖɔ kibui akpɛ Yesu,” kɛlɛ ananà tsyɛ atɛbàla aɖɔ asɛ, “Yesu yɛenu Apaleteɛ,” ɔdɛ sɛ Ɔfɔfuĩa Gbangbã ɔkpasɛ yɛ mɛ.

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.

Banɔkpɛkpɛ Axɔ̃ɛ 8:36

Gɛ bagã pɛ bavɛɛ, badɛ tɔnɔ bulĩ tuli kɛlɛ anyɛ gɛ batsarà aɖɔ asɛ, “Ɖio, bulĩ nɔlɛ. Kiɖuwoe so pɛ batɛ akpɛ bulĩ nɛ kɛtakpu ɔkɔ mɛ dza?”

Banɔkpɛkpɛ Axɔ̃ɛ 2:24

Pɔ Owusoso Akaa efeke yɛ odenɔ bekpuɔ mɛ, kɛlɛ ebui aganà butsíɛ bɔlɛ bɔtɔ mɔmɔ mɛ, ɔmɔsɛ butsí gɛmɔ kidzo tɛ bɔkɔ yɛawɔ bɔlɛ ahɔɛ mɛ.

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.

Romanɛ 4:24

pɔ ɔkɔ ɔlɔ tsyɛ, gɛ Owusoso Akaa balɔkɔ asɛ bunu banɔ gbangbã, bɔlɔ agɛ yɛkɛ yɛ gɛ efeke Yesu bɔlɔ Apaleteɛ edenɔ bekpu mɛ abha aŋãa.

Romanɛ 10:10

Ɔmɔsɛ wɔɛtúɔ wɔlɔkɔ ɔyɛkɛ ɔŋã nɔ, pɛ bamɔ ɔsɛ onu anɔ gbangbã, kɛlɛ olugbũ wɔlɔkɔ ɔdalɛ ebui mɛ nɔ pɛ bayɛkɛ wɔ elu nɛ ɛkpã.

Romanɛ 14:9

Kɛlɛ̀ nɛ̀ ɛtakpu so ko pɛ gɛ Kristo etsíɛ, alɔ pɛ alɛ nɛ ɛkpã sɛ tɛ edzi Apalete akɔ bavɛvɛ nɛ̀ bagɛ alɛ nɛ ɛkpãa.

Yohanes 1 4:15

Onupɛ anɔ teli adalɛ ɛlɛ mɛ asɛ Yesu yɛenu Owusoso Akaa Yɛeyiɛ, Owusoso Akaa akpasɛ yɛmɛ kɛlɛ yɛtsyɛ akpasɛ Owusoso Akaa mɛ.