Romanɛ 10:18 - Nyangbo New Testament

¹⁸ Pɔ ibisi sɛ. Begilũ dza? Baa nɔ belũ alɛ, “Balɛ kibuiɛ ozĩ kpɛkpɛ oyi gɛ lɔtsyɔa esiakpa nabha petee, balɛ ebuiɛ avɛ kanɔ nɔ̀ ɔtɔ̃ kɔ.”

Romanɛ 10:18 Referans Kwoze

Romanɛ 1:8

Iputɔ, ihu mɛ Owusoso Akaa ahɔɛ nɛ wɔnɔ ɛtakpu ɔgana Yesu Kristo abha, ɔmɔsɛ baɖɔ wɔnɔ tɛyɛyɛkɛŋã ibui afala nɔ nɛ kanɔ nɔ̀ mɛ nyɔ̃ɔ.

Tesalonikanɛ 1 1:8

Apaleteɛ nɛibuiɛ gɛiku wɔnɔ batɔ̃ mɛ̀ nɛ Makedonia nɛ̀ Axaya ete, bebetì wɔnɔ tɛyɛyɛkɛŋã nɛ Owusoso Akaa nabha nɛ ɔkɔ nyia ɔkɔ. Klisoɔ kɛbha ma ɔsɛ tɛ bɔkaɖɔ kibui nyiɛ bui nɛ kɛlɛ shu,

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 26:20

Iputɔ dɛ bagɛ alɛ Damasko ɔkɔ, kɛlɛ ɛbavɛ Yerusalem nɛ̀ Yudea petee, nɛ̀ bagɛ betinu Yudanɛ ɔkɔ tsyɛ, ɛɖɔ kibuiɛ tseɖe balɛ ɔsɛ̀ tɛ betsyina avɛ Owusoso Akaa ɔkɔ, tɛ̀ bakasɛ balɛ tìtsyitsyina ɔganà ebui bhɛbhɛtɛ mɛ.

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”