Romanɛ 10:16 - Nyangbo New Testament

¹⁶ Pɔ anɛ Israelanɛ petee balɛ ayɛkɛ ibui gbangbã nabha aŋã, ɔmɔsɛ Yesaya afɔnɔ elu asɛ, “Apalete, afana gɛ ayɛkɛ kibuiɛ gɛ bɔɖɔɔ tseɖe alɛ nabha aŋã?”

Romanɛ 10:16 Referans Kwoze

Romanɛ 3:3

Kɛlɛ kɛbazã onupɛ balɛ mɛ eteli agɛyɛkɛ aŋã? Balɛ ibui abha mayɛkɛ ŋãa bakɔ ɔsɛ Owusoso Akaa tsyɛ abayɔlɔ ɛbui gɛlɛ ɛlɛ ɔzãkɔɔ tɛbhɛbhɛtɛ dza?

Hebrianɛ 4:2

Kɛɖɔ gɛ baɖɔ Ibui Gbangbã etseɖe olɔɔ, kɛlɛɛ ko baɖɔ etseɖe alɛ tsyɛ, pɔ kibuiɛ gɛ belũɔ gɛ yɛkɛ edzi nanà ɔkɔ alɛ, ɔmɔsɛ bagɛ elũ ɛlɛ agɛ lɔkɔɛ ɛlɛ akpɛ tɛyɛyɛkɛŋã mɛ.

Tesalonikanɛ 2 1:8

Abapɔ̃ batɔ̃ akɔ bagɛ betinyi Owusoso Akaa pɛ batɛ abhɛtɛ atɔɖɔ kibui gbangbã gɛide Apalete Yesu ɔkɔ nabha.

Galatianɛ 5:7

Nɔzɔ̀ dɛ kɛxɔ̃ɛ gbangbã. Pɔ afana gɛ akpɛ ɛlɛ nɛ wɔnɔ mɛ ɔsɛ tɛ nɔ otolũ atɔ̃ ɔkɔ kibuiɛ gɛlɛ ɛlɛ ɔzãkɔ dza?

Petro 1 2:8

kɛlɛ “Kɛklagbuɔ gɛkɔ asɛ bɔnɔ akpatà nɛ̀ ɔxɔa gɛɔkɔ asɛ baadɔ oboeɛ.” Bakpatà bɔdɔ̃ ɔmɔsɛ bagɛ yɛkɛ kibuiɛ, kibuiɛ gɛ babalɛ elu asɛ kɛba alɛ abha.

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Romanɛ 2:8

Pɔ bagɛ bapɛ balɛyɛ ete tɛpɛpɛ, pɛ bashɛ nɛ ahɔɛ nɛ kibui gɛlɛ ɛlɛ ɔzãkɔ shu pɛ balɛ ebui kpa edeɛ, batɔ̃ pɔpɔ̃ gagalĩi nɛ̀ ɔmɔpɔɛ ɔlɛ ɔkɔ alɛ.

Petro 1 3:1

Banyɛedzini mɔ, nɛ kidzo ɛlɛ nabha, nɔozhinì wɔnɔ ishu esi ɔkɔ wɔnɔ enyine alɛ sɛ tɛ̀, onupɛ balɛ ɔmaɛyɛmɛ teli agɛ yɛkɛ kibui nabha ŋãa tsyɛ elo, tɛ bè tsyina ɔganà wɔnɔ ɛkpã zazãna mɛ,

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Romanɛ 11:17

Onupɛ bebhui bɔshɛ nɔ tuli pɛ balɔkɔ wɔnɔ bagɛ notinu Yudanɛ, pɛ nɔlɛ asɛ kifutù mɛ besi ana, pɛ bebhui wɔnɔ bɔshɛ nɔ atɔɖɔ besidzudzu nulũɔ, kɛlɛ wɔnɔ tsyɛ nɔmɔ̃ bɔŋaŋã gɛide besidzudzuɔ balɛ iguɔ mɛ̀.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Banɔkpɛkpɛ Axɔ̃ɛ 28:24

Beteli ekpeɖekpeɖe mɛ ebetsyina nɛ ebuiɛ gɛ azaɖɔ shu, pɔ bagɔgɔɛ nɔ xɔnɔ agɛ yɛkɛ aŋã.