Romanɛ 10:12 - Nyangbo New Testament

¹² Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Romanɛ 10:12 Referans Kwoze

Filipianɛ 4:19

Kɛlɛ mɛ Owusoso Akaa abakɔ ɔnɔ ɔdɔ̃ pɛpɛ nɔ nɛ yɛ ehoeyi udɔ̃ dadalɛ gɛ kpasɛ Kristo Yesu mɛ.

Kibui Bubú Kasɛ 17:14

Babà lɔkɔ eyu nɛ Obhoshieyiɛ shu, pɔ Obhoshieyiɛ abaŋã alɛ abha, ɔmɔsɛ yɛenu Apalete akɔ bapaleteɛ nɛ̀ Ekusi akɔ bekusiɛ-bagɛ babà plɛni yɛɛ, balɛ enu bagɛ ekuluɔ, bagɛ ebuɔ nɛ̀ bagɛ ayɛkɛ yɛabha aŋãa.”

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,

Filipianɛ 2:11

kɛlɛ kineke ka nyia ka dalɛ kɛlɛ mɛ ɔsɛ Yesu Kristo yɛenu Apaleteɛ, ɔkɔ Owusoso Akaa gɛenu Akaa shu tɛdadalɛ.

Efesoanɛ 3:6

Kibui kpukpũ ɛlɛ kɛlɛinu ɔsɛ ɔgana kibui gbangbã nabha, bagɛ etinu Yudanɛ tsyɛ abamɔ̃ kaŋãsiɛ ɔplɛnɔ Israel, gɛ bebedzi banɔ tenikpo gɛede ishudzya tinikpo mɛ, nɛ̀ banɔ gɛ aba yɛkɛ ɔdɔ̃ itsù nɛ tɛtɔtɔɖɔ lu nulũ nɛ Kristo Yesu mɛ.

Kibui Bubú Kasɛ 19:16

Bafɔnɔ kinye ɛlɛ nɛ yɛakpɛkpɛ dzlolo nɛ̀ ɛtsrɛta nabha asɛ, BEKUSI ABHA EKUSI NƐ̀ BAPALETE ABHA APALETE.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Romanɛ 14:9

Kɛlɛ̀ nɛ̀ ɛtakpu so ko pɛ gɛ Kristo etsíɛ, alɔ pɛ alɛ nɛ ɛkpã sɛ tɛ edzi Apalete akɔ bavɛvɛ nɛ̀ bagɛ alɛ nɛ ɛkpãa.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Korintoanɛ 1 15:47

Anyɛ gɛiputɔ edzì osubhududu odenɔ kesiakpa mɛ, kɛlɛ anyɛ abhalà ede kititì aba.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Efesoanɛ 2:4

Pɔ, nɛ yɛ tɛdɛdɛmɛ nɔ gi gbogblo ɔkɔ ɔlɔ soɔ, Owusoso Akaa gɛ yɛashagabuiɛ ayɛkɛ kedziɛ,

Romanɛ 15:12

Kɛlɛ Yesaya tsyɛ azaɖɔ asɛ, “Isai yɛyamɛeyi teli ebekoeyì aba, gɛ yɛenu anunɔ gɛ abá baŋã ukusi nɛ ɛmadi nabha, bagɛ betinu Yudanɛ, bebèlu awɔ̃ nɛ yɛabha.”

Banɔkpɛkpɛ Axɔ̃ɛ 9:14

Kɛlɛ aba ɛkɛlɛ nɛ̀ ohumi edenɔ banɔlũazazã agbagbla ɔkɔ asɛ tɛ ebevũ anɔ ka nyia ka gɛekulu wɔɛnyeɛ.”

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Banɔkpɛkpɛ Axɔ̃ɛ 7:59

Kibeɛ gɛ baata aklagbuɔ ehu Stefanoɔ, ekulu Owusoso Akaa asɛ, “Apalete Yesu, yɛkɛ mɛɔfɔfuĩa nɔ.”