Romanɛ 1:9 - Nyangbo New Testament

⁹ Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Romanɛ 1:9 Referans Kwoze

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Timoteo 2 1:3

Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Romanɛ 9:1

Ɛɖɔ kɛgɛ lɛ kɛlɛ ɔzãkɔ nɛ Kristo mɛgɛ ɛtɛsɛ asɛnɛ, mɛitú mɛ ebuiɛ atɔɖɔ ahɔɛ nɛ kɛlɛ abha nɛ Ɔfɔfuĩa Gbangbã mɛ.

Tesalonikanɛ 1 5:17

Nɔzã kɛlɛ abha tɛ nokulu Owusoso Akaa,

Korintoanɛ 2 1:23

Ikulu Owusoso Akaa asɛ anɔ gɛ akpɛ abhalà akɔ mɛ, sɛ kitinu mɛ tɛpɛpɛ ɔsɛ ibhui wɔnɔ bho nɛ kibeɛ gɛ itsyina ba Korinto nɔ.

Tesalonikanɛ 1 3:10

Elishi nɛ̀ kemuze bukulu Owusoso Akaa gagalĩi sɛ tɛ̀ buwlui mɔ wɔnɔ sɛ tɛ bɔkɔ wɔnɔ kɛgɛ ma wɔnɔ ahɔɛ nɛ tɛyɛyɛkɛŋã mɛ.

Tesalonikanɛ 1 1:2

Buuhu Owusoso Akaa ahɔɛ kibe nyia be kɔ wɔnɔ pete pɛ bukulu wɔnɔ kpɛ ɔlɔ Owusoso Akaa tikukulu mɛ̀.

Filipianɛ 3:3

Ɔmɔsɛ bɔlɔ nu kɛhɔ̃a bhui bhuiɛ, bɔlɔ agɛ ɛlɔkɔ ɔfɔfuĩa nɔ ɔkpɛ kɛtakpu esi ɔkɔ Owusoso Akaa nɔ, gɛ bɔdalɛ Yesu Kristo shu, pɛ buti lu awɔ̃ nɛ ishudzya nabha,

Filipianɛ 1:4

Nɛ mɛ Owusoso Akaa tikukuluɔ ɔkɔ ɔnɔ petee mɛɛ, ikulu yɛ nɛ̀ same kibe nyia be

Banɔkpɛkpɛ Axɔ̃ɛ 27:23

Kivũɔ elishiɛ, Owusoso Akaa axɔ̃ɛdɛ teli gɛ ɛkpɛ kɛtakpu esì ɔkɔɔ ebu yɛishu akasɛ mɛ

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Filipianɛ 2:22

Pɔ nɔonyi ɔsɛ Timoteo alɔkɔ yɛishu akɔ, ɔmɔsɛ asɛ eyi gɛ alɛ yɛakaa ɔbhaa, akpɛ kɛtakpu esi aplɛnɔ mɛ nɛ Owusoso Akaa ebuiɛ axɔ̃ɛ wɔawa mɛ.

Galatianɛ 1:20

Ɛtɔɖɔ kɛklagbu nɛ̀ ɛlɛ abha kɔ ɔnɔ nɛ Owusoso Akaa namɛ ɔsɛ, kibuiɛ gɛ ɛfɔnɔ kɔ ɔnɔ, tinu kɛsɛnɛ ibui.

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Banɔkpɛkpɛ Axɔ̃ɛ 12:5

Kliso Petro azã ɔɖavũɔ mɛ, pɔ ɔhaa ezekulu Owusoso Akaa nɛ yɛtakpu gagalĩi nɛ̀ awuhũdzadzã.

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Filimon 1:4

Ihu ahɔɛ nɛ wɔɛtakpu nɛ mɛ Owusoso Akaa tikukulu mɛ kibe nyia be,

Filipianɛ 1:3

Ihu mɛ Owusoso Akaa ahɔɛ kibe nyia be gɛ onupɛ ɛbaka wɔnɔ ɛbui.