Romanɛ 1:8 - Nyangbo New Testament

⁸ Iputɔ, ihu mɛ Owusoso Akaa ahɔɛ nɛ wɔnɔ ɛtakpu ɔgana Yesu Kristo abha, ɔmɔsɛ baɖɔ wɔnɔ tɛyɛyɛkɛŋã ibui afala nɔ nɛ kanɔ nɔ̀ mɛ nyɔ̃ɔ.

Romanɛ 1:8 Referans Kwoze

Romanɛ 16:19

Anɔ nyia anɔ elũ kibui nɛ wɔnɔ batɔ̃ lulũ shu, kɛlɛ kinu kibui gɛ iku mɛ same nɛ wɔnɔ shu, kɛlɛ kɛgɛ̀ ɛpɛ kɔ wɔnɔ kɛlɛinu ɔsɛ tɛ nodzi bebutinɛ nɛ kibui gbangbã shu, kɛlɛ nɛ ebui kpa shu pɔɔ, nɔkɔ wɔnɔ ahɔɛ ladalɛ nɛ kɛka nyia ka shu.

Korintoanɛ 1 1:4

Iihu Owusoso Akaa yɛahɔɛ kibe nyia be nɛ wɔnɔ kɛtakpu, nɛ tibhui bhuibuɔ gɛ akɔ wɔnɔ nɛ Yesu Kristo mɛɛ shu.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Hebrianɛ 13:15

Kliso gana Yesu abhaa, nɔkɔ bɔzɛ lɔkɔ kitití kpɛkpɛ gɛlɛ asɛ bɔdɔ̃ pɔpɔɛ anaa zɛkɔ Owusoso Akaa- gɛenu ebuiɛ gɛ baɖɔ adalɛ yɛinyeɛ shu nɔ.

Koloseanɛ 1:3

Buuhù Owusoso Akaa gɛenu bɔlɔ Apalete Yesu Kristo Yɛakaa ahɔɛ kibe nyia be gɛ onupɛ bukulu Owusoso Akaa nɛ wɔnɔ ɛtakpu,

Filipianɛ 1:3

Ihu mɛ Owusoso Akaa ahɔɛ kibe nyia be gɛ onupɛ ɛbaka wɔnɔ ɛbui.

Efesoanɛ 1:15

Nɛ kibui ɛlɛ shu soɔ, odenɔ kibeɛ gɛ ilũ wɔnɔ tɛyɛyɛkɛŋã nɛ Apaleteɛ Yesu abha nɛ̀ wɔnɔ tɛdɛdɛmɛ nɔ ɔkɔ banɔ dadalɛ petee nɔ,

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Efesoanɛ 5:20

tɛ nɔozohu Owusoso Akaa gɛ enu Akaa ahɔɛ kibe nyia ibe ɔkɔ kɛka nyia ka, nɛ bɔlɔ Apalete Yesu Kristo inyeɛ mɛ.

Efesoanɛ 3:21

ishu dadalɛ ɔkɔyɛ nɛ ɔhaa mɛ, nɛ̀ Kristo Yesu mɛ ɔgana kibeɛ petee gɛ babaa mɛ, odenɔ tihɔɔ ɔvɛnɔ tihɔɔ! Amen.

Banɔkpɛkpɛ Axɔ̃ɛ 11:28

Balɛ ɔmayɛmɛ tenikpo gɛ bezekulu asɛ Agaboɔ, abalɔɛtití, kɛlɛ ɔgana Ɔfɔfuĩa nɔ mɛɛ, aɖɔ elú asɛ bɔbhɛ gagalĩ tuli badɔ nɛ Roma kɛmadiɛ petee mɛ. (Kibui ɛlɛ ba ɛlɛ mɛ nɛ Klauda bukusi ŋãbe.)

Banɔkpɛkpɛ Axɔ̃ɛ 28:22

Pɔ bɔpɛ sɛ tɛ̀ bulũ kɛgɛ ɔmɔ nɛ kɛlɛ shuɔ, ɔmɔsɛ bunyi sɛ banunɔ nɛ ɔkɔ nyia ɔkɔ aɖɔaɖɔ nɛ ɔhakpa alɛ shu.”

Romanɛ 10:18

Pɔ ibisi sɛ. Begilũ dza? Baa nɔ belũ alɛ, “Balɛ kibuiɛ ozĩ kpɛkpɛ oyi gɛ lɔtsyɔa esiakpa nabha petee, balɛ ebuiɛ avɛ kanɔ nɔ̀ ɔtɔ̃ kɔ.”

Korintoanɛ 2 2:14

Pɔ ahɔɛhuhu yɛenu Owusoso Akaa ayɛ, anɔ gɛ agbana bɔlɔ kibe nyia be sɛ tɛ bɔŋã kabha nɛ Kristo mɛ, kɛlɛ gana bɔlɔ abhaa yɛ bubutì kɛlɛɛ huhuhuɔ fu vɛ ɔkɔ nyia ɔkɔ.

Efesoanɛ 1:16

ɛka yɔlɔ ahɔɛhuhu nɛ ɔnɔ ɛtakpu ɖi, nɛ̀ ɔnɔ tɛbabakà nɛ Owusoso Akaa tikukulu mɛ.

Tesalonikanɛ 1 1:2

Buuhu Owusoso Akaa ahɔɛ kibe nyia be kɔ wɔnɔ pete pɛ bukulu wɔnɔ kpɛ ɔlɔ Owusoso Akaa tikukulu mɛ̀.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Timoteo 2 1:3

Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Filimon 1:4

Ihu ahɔɛ nɛ wɔɛtakpu nɛ mɛ Owusoso Akaa tikukulu mɛ kibe nyia be,