Romanɛ 1:3 - Nyangbo New Testament

³ nɛ Yɛeyianyɛ shu, gɛ nɛ yɛ anɔdzyrame mɛ tɛzazã ulũɔ, David yɛeshui yɛedzi,

Romanɛ 1:3 Referans Kwoze

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Tesalonikanɛ 1 1:10

nɛ tɛ buupo Yɛeyianyɛ gɛ ede kititiɛ anɔ gɛ anyɛmɛ edenɔ bekpuɔ mɛ, Yesu, gɛ ayɛkɛ bɔlɔ edenɔ ɔmɔpɔɛ nɔ gɛ lɔbaa shu.

Romanɛ 9:5

Bashuĩ gbagbla eyimɔmɔ alɛ benu, kɛlɛ balɛ mɛ Kristo edekoeyì asɛ anɔdzyrame ana, bɔbakpɛ Owusoso Akaa gɛ aŋã kɛka nyia ka abha nɛinye nɛitití ɔvɛnɔ tihɔ tihɔ! Amen.

Timoteo 2 2:8

Baka Yesu Kristoɔ, anɔ gɛ befeke edenɔ bekpuɔ nɛishi pɛ enu David yɛeshui nɔ. Kɛlɛ nu mɛibui gbangbã,

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Banɔkpɛkpɛ Axɔ̃ɛ 2:30

Pɔ edzì ebuiɖɔluanɔ gɛetì asɛ Owusoso Akaa atanà bɔdɔ̃ alɔkɔ atɔɖɔ kibui elú akɔɛ asɛ abatɔɖɔ yɛeshui teli nɛ yɛukusi kegbu nabha.

Kibui Bubú Kasɛ 2:18

“Fɔnɔ ɔsɛsɛ axɔ̃ɛdɛ nɛ Tiatira. Owusoso Akaa Yɛeyiɛ gɛ yɛawuhũɔ edzi ɔmɔ asɛ kifu ɔɖɛklɛmɛ, pɛ yɛtsɛɖɛ dzi asɛ ɔɖa dzadzã gɛ bewoese ɔlɛishu piapii ana.

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.

Yohanes 1 5:20

Bunyi tsyɛ ɔsɛ Owusoso Akaa Yɛeyiɛ aba kɛlɛ abakɔ bulũ kɛlɛ esi, ɔsɛ tɛ̀ butì anunɔ gɛ yɛaɖɔ kibui gbã. Kɛlɛ bɔkpasɛ agɛ yɛaɖɔ kibui gbã mɛ, gɛ yɛenu Yɛeyianyɛ Yesu Kristo. Yɛenu Owusoso Akaa kibui gbã nɛ̀ ɛkpã tihɔɔ elete.

Yohanes 1 5:5

Afana gɛenu anɔ gɛ aŋã kanɔ nɔ̀ nabha? Anunɔ gɛ yɛayɛkɛ aŋã sɛ̀ Yesu yɛenu Owusoso Akaa yɛeyiɛ ete.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Yohanes 1 4:15

Onupɛ anɔ teli adalɛ ɛlɛ mɛ asɛ Yesu yɛenu Owusoso Akaa Yɛeyiɛ, Owusoso Akaa akpasɛ yɛmɛ kɛlɛ yɛtsyɛ akpasɛ Owusoso Akaa mɛ.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Yohanes 1 3:8

Anunɔ gɛ abhɛtɛ ebui kpaa, yɛenu anɔ gɛedè abosam ɔkɔ, ɔmɔsɛ abosam xɔnɔɔ, ebui kpa abhɛbhɛtɛ elete yɛenu odenɔ kanɔ nɔ̀ esi ɔkpɛkɔ. Kibui nɔnɔ shu so pɛ Owusoso Akaa Yɛeyianyɛ aba kɛlɛinu ɔsɛ tɛ̀ ebezĩ abosam yɛaxɔ̃ɛ wɔawɔa.

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Banɔkpɛkpɛ Axɔ̃ɛ 8:36

Gɛ bagã pɛ bavɛɛ, badɛ tɔnɔ bulĩ tuli kɛlɛ anyɛ gɛ batsarà aɖɔ asɛ, “Ɖio, bulĩ nɔlɛ. Kiɖuwoe so pɛ batɛ akpɛ bulĩ nɛ kɛtakpu ɔkɔ mɛ dza?”

Banɔkpɛkpɛ Axɔ̃ɛ 3:13

Abraham, Isak nɛ̀ Yakob balɛ Owusoso Akaa, bɔlɔ ashuĩ alɛ Owusoso Akaa yɛadalɛ yɛaxɔ̃ɛdɛ Yesu shu. Pɔ wɔnɔ xɔnɔ ɔlɔkɔɛ ɔkpɛ ahɔɛ asɛ beyii kɛlɛ nɔɖɔ nɛ Pilato yɛamɛ asɛ notinyi yɛ, pɔ yɛ xɔnɔ apɛ asɛ tɛ ashɛnɛ ahɔɛ nɛ yɛishu flogo.

Romanɛ 4:1

Otsiɛ nɔ pɔ, kiɖuwoe lu bɔbaɖɔ nɛ bɔlɔ ashuĩ Abraham shu ɔsɛ amɔ nɛ kibui ɛlɛ mɛ?

Romanɛ 9:3

Pɔ kɛta dzi mɛ tɛpɛpɛ ɔsɛ tɛ baɖɔ kibui akpɛ mɛ, kɛlɛ tɛ bebhui mɛ atɛɛ nɛ Kristo shu nɛ mɛelɛ alɛ, nɛ̀ mɛepi anɛ,

Korintoanɛ 1 10:18

Nɔolu awɔɖi Israelanɛ. Gɛnɛ bagɛ bawɔa axɔ̃ɛ nɛ bɔdɔ̃pɔpɔɛ osubha nabha balɛ aŋã bɔdɔ̃ pɔpɔɛ nɔ nɛ ɔlɛ abha dza?

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,