Romanɛ 1:23 - Nyangbo New Testament

²³ sɛ tɛ bakpɛ Owusoso Akaa gɛ alɛ nɛ ɛkpã tihɔɔ nɔ̀ inye nɛititíɛ, betsyina ɛlɛ akɔ bɔdɔ̃ gɛlɛ asɛ banɔ tsitsí, bɔzhɔɛ, bagã nɛ̀ bagã gɛ betsì nɛ esiakpa boŋ.

Romanɛ 1:23 Referans Kwoze

Banɔkpɛkpɛ Axɔ̃ɛ 17:29

“Klisoɔ gɛ Owusoso Akaa mɛ bude koeyiɛ, kɛma ɔsɛ tɛ buziɖi ɔsɛ ɔfɔfuĩa mɛ anɔ nɔ̀ edzi asɛ sikãɛkpã, sikãfufu alo kɛklagbu ana, bɔdɔ̃ tata gɛ anɔdzyrame alɔkɔ yɛahɔɛ abhɛtɛ nɔ.

Romanɛ 1:25

Batsrakɛ Owusoso Akaa ibuiɛ gbangbã nɛ̀ asɛnɛ sɛsɛ, kɛlɛ baakpɛ ɛtakpu esi pɛ baadɛ axɔ̃ɛ akɔ banɔdzyrame ɔdɔ̃ bhɛbhɛtɛ, ɔdɛ ɔsɛ tɛ bakpɛ ɛtakpu esi akɔ Kititíayɛ gɛ ebu bɔdɔ̃ɔ, anunɔ gɛ kɛlɛ bakpɛ yɛinye nɛitití tihɔɔ nɔ. Amen.

Petro 1 4:3

Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Kibui Bubú Kasɛ 9:20

Banunɔ gɛ agɔ̃, pɛ banɔ yiyíudɔ̃ ɔlɛ giyí alɛ tsyɛ elo, begitsyina nɛ balɛ ahɔɛ ɔdɔ̃ bhɛbhɛtɛ niede. Bagɛ yɔlɔ ɛtakpu esi ukpɛ ɔkɔ ɛfɔfuĩa kpa, nɛ̀ ibudi gɛ balɔkɔ sikã, sikã fufu, ɔɖa dzadzã, aklagbu nɛ̀ isí abhɛtɛ nɔ—ibudiɛ gɛ lɛtɛlà mɔ̃ nɛ̀ awuhũ, alo lilũ, alo lɛgã.

Banɔkpɛkpɛ Axɔ̃ɛ 10:12

Bɔtsɛɖɛkpɔ tɔɔlɛ̃ bagã ediedi, bagã gɛetsì nɛ kesiakpa, ɔplɛnɔ kititì bɔzhɔɛ ediedi azã kɛpɔtɛ ɛlɛ mɛ.