Romanɛ 1:20 - Nyangbo New Testament

²⁰ Denɔ kanɔ mɛ esi kpɛkpɛ mɛ keɛ, Owusoso Akaa tɛzazã gbangbã gɛlɛ tikpukpũ mɛ, nɛ̀ yɛohumi tihɔɔ nɛ̀ yɛ ɔfɔfuĩa nɔ tɛzazã mɛɛ, bɔmɔ alɛ mɛ tɛdadalɛ, kɛlɛ esi lulũ alɛ akɔ ebuiɛ odenɔ kɛgɛ babhɛtɛ mɛ, kliso kɛtakpu kɔkɔ ma ɔkɔ anɔ nanà sɛ etinyi ebuiɛ.

Romanɛ 1:20 Referans Kwoze

Romanɛ 1:19

kɛgɛ ɛlɛ sɛ beti odenɔ Owusoso Akaa shu pɔ lɛ tititì mɛ ɔkɔ balɛ kukuku flogo, ɔmɔsɛ Owusoso Akaa atɛ dalɛ kɛlɛ mɛ akasɛ alɛ.

Romanɛ 2:15

pɔ nɛ balɛ tɛgagã nɛ ɔsha lũɔɔ, kɛkasɛ ɔsɛ bafɔnɔ ɔsha nɛ balɛ etúɔ mɛ, kɛlɛ balɛ etúɔ mɛ ebui tsyɛ adalɛ alɛ shu, kɛlɛ balɛ ekpeɖekpeɖeɛ mɛ ebhui alɛ ulũ, kɛlɛ kidzo ɛlɛ nabhaa yɛebu balɛulũ tsyɛ.)

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Koloseanɛ 2:9

Ɔmɔsɛ Kristoɔ mɛ, Ɔfɔfuĩa nɔ ɔlɛ ɛkpã bazã nɛ ishudzya mɛ,

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Romanɛ 2:1

Klisoɔ wɔɛtakpu kɔkɔ nanà ma, wɔ anunɔ gɛ okulu ebhu ɔkɔ anɔ teliɛ, ɔmɔsɛ kibui nɔnɔ́ idi gɛ ɔlɔkɔ okulu ebhu ɔkɔ anɔ bhlatɔ nɔɔ, kɛlɛ wɔ tsyɛ ɔlɔkɔ obu ishui ipɔ nɔ, ɔmɔsɛ wɔanɔ gɛ obhui ibui mɛ tsyɛɛ, ɔbhɛtɛ kibui ɛlɛ nɛidi.

Koloseanɛ 1:15

Yesu yɛakpasɛ Owusoso Akaa gɛ bɔtɛ mɔɔ tɛlɛlɛ mɛ, eyi gɛiputɔ gɛ bamɔ̃ pɛ aŋã bɔdɔ̃ bhɛbhɛtɛ petee abha.

Timoteo 1 6:16

anɔ gɛ yɛete yɛetitsì, nɛ̀ anɔ gɛ akpasɛ kifu gɛ anɔ atɛ balà tsoplɛnɔ nɛishiɛ, anɔ gɛ ananà aka mɔ yɛeɖi alo pɛ abamɔ eɖi tsyɛ. Yɛ kɛlɛ ɔsɛ tɛ bakpɛ yɛinye nɛ̀ yɛohumi nɛitití ɔvɛnɔ tihɔɔ. Amen.

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Banɔkpɛkpɛ Axɔ̃ɛ 17:29

“Klisoɔ gɛ Owusoso Akaa mɛ bude koeyiɛ, kɛma ɔsɛ tɛ buziɖi ɔsɛ ɔfɔfuĩa mɛ anɔ nɔ̀ edzi asɛ sikãɛkpã, sikãfufu alo kɛklagbu ana, bɔdɔ̃ tata gɛ anɔdzyrame alɔkɔ yɛahɔɛ abhɛtɛ nɔ.

Hebrianɛ 11:27

Nɛ tɛyɛyɛkɛŋã mɛɛ, ashɛ nɛ Egipte, kɛlɛ ɔmɔpɔɛ nɔ gɛ ekusiɛ akpɛɛ logiku yɛifu, pɔ akpɛ emi avɛ ɛlɛ abha, ɔmɔsɛ azamɔ anunɔ gɛ alɛ tikpukpũ mɛɛ.

Banɔkpɛkpɛ Axɔ̃ɛ 22:1

“Mɛadzya alɛ nɛ̀ mɛada alɛ mɔ, nɔtaatɔ̃ olũ mɛishu ulũ tibubuɔ.”

Korintoanɛ 1 1:20

Fakɔ ebutinɛ alɛ? Fakɔ buplukpaeleteɛ alɛ. Fakɔ bagɛ apɛɛ obo kanɔ nɔ̀ bubutì idzoɔ alɛ dza? Owusoso Akaa egitsyina kanɔ alɛ mɛ bubutiɛ budzi bɔga dɔdɔ dza?