Romanɛ 1:17 - Nyangbo New Testament

¹⁷ Ɔmɔsɛ denɔ Kibui Gbangbã mɛɛ bebu kɛlɔkɔ gɛ Owusoso Akaa alɔkɔ anɔ teli asɛ enu anɔ dadalɛ, gɛ kinu tɛyɛyɛkɛŋã ibui odenɔ kesi kpɛkpɛ mɛ ɔvɛnɔ ɔtɔ̃kɔ, asɛ kɛfɔ̀nɔ gɛ bafɔnɔ ɛlɛ elu asɛ, “Anɔ dadalɛ abazã nɛ̀ ɛkpã ɔgana tɛyɛyɛkɛŋã mɛ.”

Romanɛ 1:17 Referans Kwoze

Galatianɛ 3:11

Kɛlɛ mɛ dalɛ ɔsɛ bagɛ lɔkɔ ɔsha ebhui bɔtsyɔa akɔ ananà nɔ nɛ Owusoso Akaa namɛ, ɔmɔsɛ, “Bagɛ enu ebui gbangbã bhɛbhɛtɛ eleteɛ abazã nɛ̀ ɛkpã ɔgana tɛyɛyɛkɛŋã mɛ.”

Hebrianɛ 10:38

Mɛ anɔ gbangbã pɔɔ, abazã nɛ̀ ɛkpã gana tɛyɛyɛkɛŋã mɛ. Kɛlɛ etsodzi etsyina avɛ kideɛ, yɛibui zaazã mɛuli.”

Filipianɛ 3:9

tɛ bamɔ mɛ tsyɛ nɛ yɛ mɛ, gɛnɛ sɛ tɛ ɛmɔ tɛzazã piapii gɛide ɔsha mɛ akɔ mɛishu, pɛ kide tɛyɛyɛkɛŋã nɛ Kristo mɛ gɛ kinu kibui gbangbã bhɛbhɛtɛ gɛide Owusoso Akaa mɛ pɛ kide tɛyɛyɛkɛŋã mɛ.

Romanɛ 9:30

Kiɖuwoe lu bɔbaɖɔ? Gɛ bagɛ betinu Yudanɛ agɛ tɔnɔ tɛzazã piapii ede tsyɛ elo, bamɔ tɛzazã piapii ɔgana tɛyɛyɛkɛŋã mɛ,

Romanɛ 3:21

Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu.

Romanɛ 3:3

Kɛlɛ kɛbazã onupɛ balɛ mɛ eteli agɛyɛkɛ aŋã? Balɛ ibui abha mayɛkɛ ŋãa bakɔ ɔsɛ Owusoso Akaa tsyɛ abayɔlɔ ɛbui gɛlɛ ɛlɛ ɔzãkɔɔ tɛbhɛbhɛtɛ dza?

Romanɛ 3:22

Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ,

Romanɛ 10:3

Gɛ betinyi tɛzazã gbangbã gɛide Owusoso Akaa ɔkɔ soɔ, babhɛtɛ balɛ ahɔɛ tɛtɔtɔɖɔ ebui, gɛitinu itakpu esi kpɛkpɛ ɔkɔ Owusoso Akaa tɛzazã gbangbã.

Korintoanɛ 2 3:9

Onupɛ axɔ̃ɛ wɔawɔa gɛebu banɔ kɛpɔ shu dalɛɛ ana pɔ, kɛlɛ kɛxɔ̃ɛ wɔawɔa gɛ mana ishu dadalɛ pɔ ba zã dza?

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.