Romanɛ 1:16 - Nyangbo New Testament

¹⁶ Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Romanɛ 1:16 Referans Kwoze

Timoteo 2 1:8

Kliso tɛkɔ kiwũi yi wɔ nɛ Apaleteɛ nɛibuiɛ tɛɖɔɖɔ shu, alo tɛ kiwũi yi wɔ nɛ mɛ ɔɖavũɔ mɛ gɛ ɛkpasɛ shu. Pɔ plɛnɔ mɛ nɛ bɔtɔ gɛ ɛmɔ nɛ kibui gbangbã shu, nɛ Owusoso Akaa ohumi nɔ shu,

Petro 1 4:16

Klisoɔ, onupɛ nɔmɔ bɔtɔ asɛ Kristoeyi ana, nɔ tɛkɔ kiwũi yi wɔnɔ, pɔ nɔkpɛ Owusoso Akaa nɛinye nɛitití sɛ nɔyɛkɛ kinye ɛlɛ nɛidi.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Korintoanɛ 2 4:4

Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Korintoanɛ 1 2:4

Mɛ ebuiɛ gɛ ɛɖɔ nɛ Owusoso Akaa shuɔ, etinu bubutì nɛ̀ ebui gɛ batɛ elũ alɛ esi, pɔ lenu ebui gɛ Owusoso Akaa Ɔfɔfuĩa nɔ ohumi nɔ obu ɔkasɛ,

Korintoanɛ 1 2:2

Ɔmɔsɛ gɛzã wɔnɔ ɛshiɛ, ɛbhɛtɛ mɛishu asɛ itinyí kɛnanà ɔdɛ Yesu Kristo, nɛ̀ kana gɛ bakpalà yɛ nɛ butsi osiɛ shu.

Romanɛ 10:17

Klisoɔ, odenɔ kibuiɛ tilulũ mɛ tɛyɛyɛkɛŋã koeyi, kɛlɛ kibui ɛlɛ bulũ odenɔ Kristo yɛibuiɛ mɛ.

Hebrianɛ 4:12

Ɔmɔsɛ Owusoso Akaa ibuiɛ lɛ nɛ ɛkpã, gɛ kɛwɔa axɔ̃ɛ. Kibuiɛ lɔŋã ɔdɛ bɛtɛɛ̀ ilugbũ tɛbha- ka nyia ka. Ashɔ banɔ kɛlɛ ayɛ kɛtɔwui, ɔfɔfuĩa, axɔa ɔtsyɔakɔ nɛ̀ axɔamɛɔbɔ mɛ. Kɛlɛ ekulu ebhu nɛ anɔ ekpeɖekpeɖe nɛ̀ yɛetú mɛ ebui bhɛbhɛtɛ.

Korintoanɛ 1 15:2

Ɔgana kibui gbangbã ɛlɛ mɛ bebú wɔnɔ ɛkpã, gɛ onupɛ nɔnyanã kibuiɛ gɛ itseɖe wɔnɔ mɛ vunɔ gagalĩ. Onu gɛnanaa, wɔnɔ tɛyɛyɛkɛŋã ma kɛnanà mɛ.

Galatianɛ 1:7

gɛ letinu kibui gbangbã kuraa. Kɛba wɔ̃ɛ ɔsɛ, banɔ teli balɛ eetsyina wɔnɔ ekpeɖekpeɖeɛ mɛ, kɛlɛ baapɛ asɛ tɛ bezĩ Kristo yɛibui gbangbã.

Romanɛ 2:9

Bɔtɔ nɛ̀ ɔwɔ̃nyɔnɔ ɔbɔba anɔ nyia anɔ gɛ azã nɛ ɛkpã zizĩ nabha, banɔ gɛ eputɔɔ enu Yudanɛ, flogo pɛ ɔkɔ bagɛ betinu Yudanɛ tsyɛ,

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Korintoanɛ 2 9:13

Nɛ axɔ̃ɛ gɛ alɛishu nɔkpɛ kemiɛ pɛ nobu ishu kasɛ, banɔ abakpɛ̀ Owusoso Akaa nɛinye nɛitití nɛ wɔnɔ batɔ̃ lulũɔ gɛ akpà plɛnɔ wɔnɔ ebuimɛ dadalɛ nɛ Kristo shu, nɛ̀ wɔnɔ ɛyamɛ gbangbã gɛ nɔlɔkɔ ɔkɔ alɛ nɛ anɔ ka nyia ka.

Korintoanɛ 2 2:12

Kibeɛ gɛ ɛvɛ Troa tɛ mɛdɛɖɔ kibuiɛ nɛ Yesu shu pɛ ɛmɔ sɛ Apaleteɛ adalɛ kedulũ tieli akɔ mɛɛ,

Korintoanɛ 1 9:18

Kiɖuwoe gɛinu mɛ kɛbhɛ babuia nɔɔ dza? Kɛlɛ̀ ete ɔsɛ, tɛ̀ onupɛ ɛɖɔ kibui gbangbã, ɛtɛ bayɛkɛ kɛbhɛ babuia nanà, kɛlɛ ɛtɛba yɛkɛ kɛnanà nɛ kɛlɛ tɛɖɔɖɔ mɛ, kliso ɛgɛ lɔkɔ mɛ ohumi nɔ gɛɔlɛ mɛahɔɛ kpɛ kibuiɛ tɛɖɔɖɔ mɛ.

Korintoanɛ 1 9:12

Onupɛ bɔkɔ banɔ bhlatɔ amɔ tɛpɛplɛnɔ kidzo ɛlɛ nɛidi denɔ wɔnɔkɔ, kɛlɛ pɛ bɔtaamɔ kɛlɛ dɛ ana dza? Pɔ bɔgɛ gã kidzo ɛlɛ nɛidi abha. Nɛ kɛlɛ shuɔ, bɔyɛkɛ kɛka nyia ka ɔkɔ ishu sɛ tɛ̀ kidzo tɛdã ɔkɔ Kristo yɛibui gbangbã.

Romanɛ 15:29

Inyi sɛ ɛbaku wɔnɔ ɔkɔɔ, ɛbalɔkɔ Kristo yɛtiyuyula gɛ lɛ Yɛibui Gbangbã mɛ mana wɔnɔ nɛ tikpekpè mɛ.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Romanɛ 4:11

Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.